Titiraki Aika Kaekaaki Man Te Baibara

Bukin tera bwa ti riai ni kauringa maten Iesu?

E rangi ni kakawaki maten Iesu n rongorongon rimoa bwa e mate ibukini manga kaokani maiuia aomata nakon arona n te moantai. E aki karikaki te aomata bwa e na kakaraoa ae buakaka, e na aoraki ke ni mate. (Karikani Bwaai 1:31) Ma e roko te bure n te aonnaba iroun te moan aomata are Atam. E anga maiuna Iesu ibukini kamaiuara man te bure ao te mate.—Wareka Mataio 20:28; I-Rom 6:23.

E kaota ana tangira ae rianako te Atua ni kanakoan Natina nakon te aonnaba bwa e na mate ibukira. (1 Ioane 4:9, 10) E tuangia taan rimwina Iesu bwa a na kakauringa matena ni karaoan te botaki ae uarereke ma te bwerena ao te wain. Karaoan aei ni katoa ririki, ti kaotiota iai ara kakaitau ibukin te tangira are e kaotiotia te Atua ao Iesu ibukira.—Wareka Ruka 22:19, 20.

Antai aika a riai ni katoonga te bwerena ao te wain?

Ngke moan tuangia taan rimwina Iesu bwa a na kauringa matena, e a taekina iai taekan te berita ke te boraraoi. (Mataio 26:26-28) E karekea te kantaninga ibukia ao tabemwaang ake a katauaki mwaitiia bwa a na riki bwa ueea ao ibonga ma ngaia i karawa. E ngae ngke mirion ma mirion mwaitiia aomata aika kauringa maten Iesu, ma bon tii te koraki ake kaain te berita aika katoonga te bwerena ao te wain.—Wareka Te Kaotioti 5:10.

E a tia Iehova n rineiia te koraki ake a na riki bwa ueea i nanon te maan ae kaania ngkai 2,000 te ririki. (Ruka 12:32) A karako mwaitiia ni kabotauaki ma te koraki ake a na maiu n aki toki n te aonnaba.—Wareka Te Kaotioti 7:4, 9, 17.

Ibukin rongorongona riki, nora mwakoro 5 n te boki aei ae boreetiaki irouia Ana Tia Kakoaua Iehova

E reke naba n www.pr418.com

[Taamnei n iteraniba 16]

Tera ae kona n reke ni maten iesu ibukin taai aika a na roko?—Itaia 25:8; 33:24