Achégase a fin do mundo? Que é a Apocalipse?
Que che vén á mente cando escoitas a palabra “apocalipse”? Pode que penses nunha catástrofe mundial, se cadra, unha que acabe con toda a vida na Terra. Algúns pensan que moi pronto o mundo sufrirá un desastre coma este, sobre todo cando len noticias coma as seguintes:
“Unha guerra nuclear, xa sexa intencionada, por accidente ou por un simple malentendido é unha posibilidade real” (Bulletin of the Atomic Scientists).
“Nos últimos dez anos, houbo un incrible aumento por todo o mundo de tormentas, incendios forestais, secas, branqueamento de corais, ondas de calor e inundacións como nunca antes” (National Geographic).
“Os enxames de langostas en África son os peores en décadas” (The Associated Press).
Será destruída a Terra nunha apocalipse mundial? Que di a Biblia?
Achégase a fin do planeta?
Non, a Palabra de Deus, a Biblia, asegúranos que a Terra existirá para sempre (Eclesiastés 1:4). En vez de destruír a Terra que el creou, Deus acabará cos “que destrúen o mundo” (Apocalipse 11:18).
Achégase a fin do mundo?
Segundo o que di a Biblia, o “mundo” que se achega á súa fin é o conxunto de persoas que ignoran a guía de Deus e perseguen os seus desexos egoístas. Tal e como fixo nos días de Noé, Deus poñerá a fin a este “mundo de impíos” (2 Pedro 2:5; 3:7).
Como di 1 Xoán 2:17, “o mundo pasa e as súas cobizas tamén”. Este versículo mostra que Deus non vai destruír o planeta Terra, pero si a xente que insiste en facer cousas malas.
Cando chegará a fin?
A Biblia non nos di cando chegará exactamente a fin (Mateo 24:36). Pero, o que si indica é que a fin está cerca. A Biblia predixo o seguinte:
Habería guerras, fame, epidemias e grandes terremotos “en diversos lugares” (Mateo 24:3, 7, 14; Lucas 21:10, 11; Apocalipse 6:1-8).
A maioría da xente sería extremadamente egoísta. Por exemplo, sería “avariciosa”, desagradecida e sen autocontrol (2 Timoteo 3:1-5).
Moitas persoas están de acordo en que dende o ano 1914 a situación mundial coincide co que predixo a Biblia, e que polo tanto, a fin está cerca. Se desexas máis información podes ver os artigos “¿Qué indica la cronología bíblica sobre el año 1914?” e “¿Cuál es la señal de ‘los últimos días’ o de ‘los tiempos finales’?”.
Cal é o significado da palabra “apocalipse” na Biblia?
A palabra orixinal que en grego se traduce como “apocalipse”, na Biblia significa “descubrir” ou “revelar”. Normalmente esta palabra describe unha revelación de información que estivo oculta. A Biblia tamén fala da revelación (ou apocalipse) do Señor Xesús, que será cando Xesús sexa descuberto como o que ten o poder para liberar a Terra da maldade e recompensar a aqueles que adoran a Deus (2 Tesalonicenses 1:6, 7; 1 Pedro 1:7, 13).
O último libro da Biblia chámase Apocalipse, que vén da palabra grega apokálipsis que significa “revelación”. Chámase así porque revela o que sucederá no futuro (Apocalipse 1:1). Este libro contén boas noticias e unha mensaxe de esperanza (Apocalipse 1:3). Mostra que Deus eliminará tódalas inxustizas e converterá a Terra nun paraíso. Cando iso ocorra, os seres humanos deixarán de sentir dor, deixarán de sufrir e non morrerán máis (Apocalipse 21:3 ,4).
Gustaríache aprender máis sobre estas fermosas promesas da Biblia? As testemuñas de Xehová ofrecen cursos da Biblia gratuítos que poden axudarche. Por que non contactas con elas?