અયૂબ

 ૪ બની શકે, તારા દીકરાઓએ તેમની વિરુદ્ધ પાપ કર્યું હશે,

એટલે તો ઈશ્વરે તેઓને બંડની સજા કરી છે;

 ૫ પણ જો તું ઈશ્વર તરફ મીટ માંડીશ,+

અને સર્વશક્તિમાન પાસે દયાની ભીખ માંગીશ,

 ૬ જો તું પવિત્ર અને પ્રમાણિક* હોઈશ,+

તો તે તારા પર ધ્યાન આપશે*

અને પહેલાંની જેમ તને તારું સ્થાન પાછું આપશે.

 ૭ ભલે તારી શરૂઆત મામૂલી હતી,

પણ તારું ભવિષ્ય સોનેરી હશે.+

 ૮ અગાઉની પેઢીઓને પૂછ,

તેઓને જે જાણવા મળ્યું એના પર ધ્યાન આપ.+

 ૯ કેમ કે આપણો જન્મ તો હજી ગઈ કાલે જ થયો છે અને કશું જાણતા નથી,

આપણું જીવન ઘડી બે ઘડીનું છે.

૧૨ હજી તો એમાં કળી ફૂટી હોય અને એને તોડી પણ ન હોય,

ત્યાં સુધીમાં તો એ બીજા છોડ પહેલાં સુકાઈ જાય છે.

૧૩ જેઓ ઈશ્વરને ભૂલી જાય છે, તેઓના એવા જ હાલ થાય છે,

કેમ કે અધર્મીની* આશા મરી પરવારે છે.

૧૪ તેનો ભરોસો વ્યર્થ છે,

કરોળિયાની જાળની* જેમ તરત તૂટી પડે છે.

૧૫ તે એ જાળ* પર ટેકો લેશે, પણ એ તૂટી જશે;

તે એને મજબૂતીથી પકડી રાખવા પ્રયત્ન કરશે, પણ એ ટકશે નહિ.

૧૬ સૂર્યપ્રકાશમાં તે લીલાછમ છોડ જેવો છે,

એની ડાળીઓ ફૂટીને બાગમાં ફેલાય છે.+

૧૭ એનાં મૂળિયાં પથ્થરોની આસપાસ વીંટળાય છે;

પથ્થરોમાં એ પોતાનું ઘર શોધે છે.

૧૮ પણ જ્યારે એને પોતાની જગ્યાએથી ઉખેડી નાખવામાં આવે છે,

ત્યારે એ જગ્યા કહે છે, ‘મેં તને ક્યારેય જોયો નથી.’+

૧૯ હા, એવી રીતે એનો અંત આવે છે;+

પછી એની જગ્યાએ બીજા છોડ ફૂટી નીકળે છે.

૨૦ સાચે જ, પ્રમાણિક* જનને ઈશ્વર ક્યારેય નહિ તરછોડે;

તે દુષ્ટ માણસનો હાથ ક્યારેય નહિ પકડે.*

૨૧ પણ તે તારા મોં પર હાસ્ય લાવશે,

તારા હોઠ આનંદનો પોકાર કરશે.

૨૨ જેઓ તને ધિક્કારે છે, તેઓનું માથું શરમથી ઝૂકી જશે,

દુષ્ટોના તંબુ જમીનદોસ્ત થઈ જશે.”