પ્રચારની સભા સારી રીતે ચલાવવાના સૂચનો

મંડળની સભાઓની જેમ પ્રચાર માટેની સભા પણ યહોવાની એક ગોઠવણ છે. આ સભામાં સારાં કામ કરવાં અને એકબીજાને પ્રેમ બતાવવા ઉત્તેજન મળે છે. (હિબ્રૂ ૧૦:૨૪, ૨૫) પ્રચારની સભા ૫-૭ મિનિટની હોવી જોઈએ. (મંડળની કોઈ સભા પછી પ્રચારની સભા રાખવામાં આવે તો એનાથી પણ ટૂંકી હોવી જોઈએ.) એ સભામાં જ બતાવી દેવું જોઈએ કે કોણ કોની સાથે પ્રચાર કરશે અને ક્યાં પ્રચાર કરશે. છેલ્લે પ્રાર્થનાથી સભા પૂરી કરવી જોઈએ. સભા ચલાવનાર ભાઈએ એવા સૂચનો પર ચર્ચા કરવી જોઈએ, જેને ભાઈ-બહેનો પ્રચારમાં લાગુ કરી શકે. દાખલા તરીકે, અમુક ભાઈ-બહેનો અઠવાડિયામાં ફક્ત શનિવાર કે રવિવારના જ પ્રચારમાં આવી શકે છે. એટલે સારું રહેશે કે તેઓને ટૂંકમાં જણાવો, પ્રચારમાં કેવી રીતે વાત કરી શકાય. તમે કદાચ આવા વિષય પર વાત કરી શકો:

• આપણું જીવન અને સેવાકાર્ય​—સભા પુસ્તિકામાં વાતચીતની એક રીત પર

• તાજેતરની કોઈ ઘટના કે સમાચારથી વાત શરૂ કરી શકો

• કોઈ વાંધો ઉઠાવે અથવા બહાના કાઢે તો કેવી રીતે વાત કરશો

• કોઈ નાસ્તિક હોય, ઉત્ક્રાંતિમાં માનતા હોય, બીજી ભાષા બોલતા હોય કે અજાણ્યો ધર્મ પાળતા હોય તો તેઓની સાથે કેવી રીતે વાત કરશો

• jw.org વેબસાઇટ, JW લાઇબ્રેરી ઍપ અથવા બાઇબલનો કેવી રીતે સારો ઉપયોગ કરશો

• શીખવવાના સાધનોમાંથી વીડિયો અને સાહિત્યનો ઉપયોગ કેવી રીતે કરશો

• ફોનથી, પત્રથી કે જાહેરમાં પ્રચાર કેવી રીતે કરશો. ફરી મુલાકાત કેવી રીતે કરશો અને બાઇબલ અભ્યાસ કઈ રીતે ચલાવશો

• પ્રચારમાં શાનું ધ્યાન રાખશો એ જણાવો. જેમ કે, સલામતી, સારું વર્તન, ઉત્સાહ અથવા જરૂરી સૂચનો

• વાંચવાની અને શીખવવાની કળા ચોપડીમાંથી કોઈ પાઠ કે વીડિયો પર ચર્ચા કરી શકો

• પ્રચારમાં સાથે કામ કરતા ભાઈ કે બહેનને કઈ રીતે ઉત્તેજન અને મદદ આપી શકો

• પ્રચારને લગતી કોઈ કલમ અથવા સારો અનુભવ જણાવી શકો