Jeketü sukuwaʼipa süpüla woʼttüin sünain aküjaa pütchi

Soʼujee maatsoʼu 2016a, ojuʼitüsü süsapoʼujee tü rewiisütakat Aapiria Wayuu wanee pütchi kanüliaka: «¿Kasa shikirajaka tü Wiwüliakat?». Ojuʼiteerü shia piamawai kashi. Aneerü maʼin aküjaa pütchi süka tia pütchikat, meematüsü aka saaʼin sukuwaʼipa tü karalouktacheinkat, asakinnüsü sünain wanee pütchi jee asouktünüsü shiʼipajee sükajee tü sümakat tü Wiwüliakat otta eesü waneeirua pütchi suluʼu.

Eeshii wayuu oʼttakana sünain ekirajawaa sünain tü Wiwüliakat süchikijee naashajaanüin amaa süchiki tü sümakat tü Wiwüliakat. Jalouijeerü wamüin tia pütchikat süpüla wakaaliinjain na wayuu aapajeekana nünüiki Maleiwa (Mt 5:6).

ANUU TÜ SUKUWAʼIPAINJATKAT:

1. Püma nümüin nusouktai shiʼipajee wanee asakiraa.

2. Paapaja nünüiki otta paapa analuʼutkat nümüin.

3. Paashajeʼera tü wetsiikulokot eere tü makat «Tü sümakat tü Wiwüliakat» otta püsakira jamüin nünüiki süchiki tia. Nnojorüle nüshapajaain, piiʼiyata nümüin tü sümakat pütchikat «¿Kasa maa süküjaka tü Wiwüliakat?».

4. Paapa nümüin tü rewiisütakat.

5. Püma nümüin püleʼejeechin püchikuaʼa süpüla pikirajüin nia sünain tü wanee asakiraakat.