Atüjüinjana waya aküjaa pütchi: püküja tü paashajaainjatkalü achiki püleʼejapa

¿Jamüsü waaʼinrüinjatka tia? Kamalainre sümüin wayuu tü pütchi waküjakat, aleʼejüinjana waya shipialuʼumüin süpüla sotuin saaʼin tü waashajaakalü achiki sümaa. Tia, müsü aka saaʼin nukuwaʼipa wanee wayuu oʼyotokoi wüin saaʼu pünajüt (1 Cor. 3:6). Süpülapünaa puʼunüin, püküja sümüin tü wayuukot kasain paashajaainjatüin achiki wanee pukueena otta püsakira joujainjachin püleʼejüin püchikuaʼa. Eeshi süpüla püsakirüin sünain wanee kasa süpüla pusouktüin shiʼipajee püleʼejapa püchikuaʼa. Püsakirüle süchiki wanee kasa aküjünaka suluʼu tü karaloukta paapakat sümüin tü wayuukot, saashajeʼereerü tia. Müleka püküjüle süchiki tü paashajaainjatkalü achiki püleʼejapa, pütüjaweerü aaʼu kasainjatüin paashajaain achiki otta sütüjaweerü aaʼu tü wayuukot tü püküjeetkat sümüin. Püleʼejapa püchikuaʼa, püma sümüin yootuinjachin pia süchiki tü püsakirakalü anain shia soʼu tü palajatkat pukua.

Anuu tü paaʼinrajatkat:

Püneekapa tü pünüikinjatkat sünain aküjaa pütchi, jülüja paaʼin kasainjachin püsakirüin anain wanee wayuu süpüla yootuin pia nümaa wanee pukueena. Anashi püsakirüle nia sünain wanee pütchi suluʼuka tü karaloukta piitajakat soʼu kaʼikat tia. Eesü süpüla püneeküin tü pütchi püsakirüinjachikalü anain nia suluʼujee tü karaloukta ekirajünakalü aka wayuu sünain tü Wiwüliakat otta pülüʼüja tia karalouktakat wanee pukueena.
Paashajaapa nümaa wanee wayuu eekai kamalain amüin tü pütchikat, püma nümüin yooteein pia nümaa wanee pukueena otta püsakira nia sünain wanee kasa süpüla pikirajüin nia süchiki tia. Eeshii na ayouktakana wouyantüin wachikuaʼa nepialuʼumüin süka kupaain naya naajüin. Püma namüin: «¿Kasoʼulawaishi jimatüin pia? [Puuʼulaa nusouktai.] Yaapünaaweechi taya semaanaka tüseena süpüla yootuin waya süchiki tü tasakirakalü anain pia paala. Kupaale pia suʼunnaa tia, ayateechia sein taya.»
«Seechi taya», pümüle nümüin wanee wayuu, oʼunüinjachi pia (Mat. 5:37). Püküja tü paashajaainjatkalü achiki wanee pukueena namaa na wayuukana.

Puuʼulaka tüü süpüla wanee kashi:

Püneekapa tü pünüikinjatkat sünain aküjaa pütchi, jülüja paaʼin kasainjachin püsakirüin anain wanee wayuu süpüla yootuin pia nümaa wanee pukueena. Püküja tia namüin na wawalayuu pujuʼitakana amaa sünain aküjaa pütchi.