3 Pej̈aniakuene kaeweta newajünaeyabelia

Dioso pejumeliwaisibaj̈uto jumaitsi pebijiwi saya baja kaepatoyo ponaponaena, tokopiapatsianatsinua liwaisimonae (Job 14:1). Daj̈itatsi nakatokopiapata pibisialiwaisi, itsamonae kaekuene jamatabükuenenaj̈uabijitsipa, tsipaji najamatabüj̈ainaejitsipa apokopiarukae tsane bajarapaliwaisi. ¿Bajarajamatabükuene itsimü? Dioso pejumeliwaisibaj̈uto wajunupaeba pej̈aniakuene wajawajünaeyabelianej̈a, j̈amünej̈a, daj̈itajiwimonaenej̈a ata. Comparaciónkuenia:

• Dioso pejumeliwaisibaj̈uto nakayapütaeyaej̈ana pakuenia Jehová jitsipa pekopiamatakabianüta j̈aniawaetsia wajajinawanapaejawa (Génesis 1:28).

• Dioso ikatsia wajunupaeba itsa matakabi pej̈ania irata jinawanapaenatsi (Isaías 65:21-25).

• Mapapewajunupaebiliwaisijawanüje najumekapanepaena. Apocalipsis 21:3, 4 jumaitsi:

  “Dioso baja jivi yajavaponapona daxitamatacabijavabelianexa. Bajarapamonae pepo Diosonë pijajivi tsane. Dioso pijinia bajarapamonae pijatuxanenë tsane. Dioso itaxutobarëmeneiquinaponaena bajarapamonae. Ajibi baja tsane petëpaecuene, penuecuene ata, bitso penajamatabëxainaecuene ata, penavixaetaecuene ata. Daxita bajarapitsicuenemi copiarucaena jane baja, jai athëbëvetsica”.

Paliwaisi apojemaliwaisi, j̈ua Jehová jitsipa najumekapanepaena , tsipaji bajaraponü ata j̈aina piasaü peitsinej̈a bajaraj̈ua. ¿Tsikaena bajarapaliwaisi nakayawenona abaj̈ü wajajinawanapaenej̈a?

NAJAMATABÜNAPIRE: Itsajawata meta jamatabütüpame, itsajawata meta apojitsipaemü netüpaejawa. Pakuenia jera balialia ayaiemaj̈anetota, bajarapakuenia ata wajajumej̈aniataejawa Dioso pejumeliwaisibaj̈uto beanclakuenia nakayawenonaena wajanajamatabükuenebabatsinej̈a.

J̈UA BEITSIMÜ: Nakujarubare bebeliayo j̈ua jumaitsi Dioso pejumeliwaisibaj̈uto wajawajünaeyabelia yabara. Jehová petotsipaebaponaewi barüyaya kayawenonaena. Bajarapamonae barükuaikuaijamüre itsa kasiwaj̈aina. Itsa jume jaire internet jawata jw.org.a