¿Kia pa ko Jesús?

Jesús jae ko metei kuimbae jërakua yae vae. Ërei amogüe kia reta jeeño oikuaa mbaetɨ oikuaa kavi, jare jeta kia reta oyemongeta yoavɨ jese. ¿Mbae pa omboe Biblia jesegua?

1. ¿Kia pa ko Jesús?

Jesús jae ko metei espíritu imbaepuere ara pe oiko vae. Jehová oyapo Jesús “iyɨpɨ güive voi, ndei jae omboɨpɨ opaete mbaembae oyapo mbove” (Proverbios 8:22, 23). Biblia jei Jesús jae ko Tumpa “Taɨ jaevaeño vae”, tenonde ete Jehová etei oyapo vae (Juan 3:16). Jesús oparavɨkɨ Tu Jehová ndive oyapo vaerä opaete ïru mbaembae (emongeta Proverbios 8:30). Jare mókoi reve jekuaeño oyeaɨu päve. Jesús jae ko “Ñee”, echa omombeu ïru reta pe Tumpa jei vae (Juan 1:14).

2. ¿Maera pa Jesús ou ɨvɨ pe?

Oasa ma 2.000 año seri, Jehová oiporu iespíritu santo ombou vaerä taɨ jekove, metei kuña María jee vae jɨe pe. Jáeramo, Jesús oa kuimbae rami ɨvɨ pe (emongeta Lucas 1:34, 35). Jae ou Mesías rami, güɨroasayepe vaerä ɨvɨ pegua reta.a Biblia omombeu vae Mesías regua oyeapo jese. Jáeramo kia reta oikuaa Jesús jae ko “Cristo, Tumpa oikove vae Taɨ” (Mateo 16:16).

3. ¿Kia pe pa oiko Jesús añave?

Omano güire kuimbae rami, Jesús oikove ye espíritu rami jare ojo ye ara pe. Joko pe “Tumpa ombotuicha yae opaete güi” (Filipenses 2:9). Añave Jesús jae ko imbaepuere vae, ërei jaeño Jehová imbaepuere yae ete vae chugüi.

4. Jesús mbaetɨ ko Tumpa imbaepuere yae ete vae

Biblia yandemboe Jesús imbaepuere, ara pe oiko vae, ërei iñeereendu Jehová pe echa jae ko iTumpa jare Tu, ¿maera pa? Pemae VIDEO re peikuaa vaerä Biblia yandemboe vae kërai Jesús ambuaeyee ko Tumpa imbaepuere yae ete vae güi.

VIDEO: ¿Jesucristo es Dios? (3:22)

Kuae texto reta yandemborɨta yaikuaa vaerä kërai Jesús ambuaeyee ko Jehová güi. Pemongeta texto reta jare peyemongeta jese:

Pemongeta Lucas 1:30-32.

• Araɨgua jei vae, ¿kërai pa oechauka Jesús mbaetɨ ko Jehová, “Tuichagüe yae vae” rami?

Pemongeta Mateo 3:16, 17.

• ¿Mbae pa jei ñee ara güi ou vae Jesús oyembobautisa ma yave?

• ¿Kia iñee ko oyeendu vae?

Pemongeta Juan 14:28.

• ¿Kia pa ko má imbaepuere vae, Tu ani Taɨ?

• ¿Maera pa Jesús jei Jehová pe “cheRu”?

Pemongeta Juan 12:49.

• ¿Oyemongeta pa Jesús oyovake ko Tu ndive? ¿Mbae pa reyemongeta?

5. Jesús jae ko Mesías

VIDEO: Profecías cumplidas en Jesús (3:03)

Pemongeta profecía reta Biblia pe jare peyemongeta jese:

Pemongeta Miqueas 5:2 peikuaa vaerä kia pe pa oata Mesías.b

• ¿Oyeapo pa kuae profecía Jesús oa yave? (Mateo 2:1).

Pemongeta Salmo 34:20 jare Zacarías 12:10 peikuaa vaerä Mesías imano regua.

• ¿Oyeapo pa kuae profecía reta? (Juan 19:33-37).

• ¿Omano güire Jesús ipuere ra oiparavo mbae pa oyapota kia reta jete ndive?

• ¿Mbae pa ndemboe kuae profecía reta Jesús regua?

YAYEMBOE MA VAE

Jesús jae ko metei espíritu imbaepuere vae, Mesías Tumpa Taɨ.

Emoësaka

• ¿Maera pa Jesús jae ko tenonde ete Jehová oyapo vae?

• ¿Mbae pa oyapo Jesús ndei ou mbove ɨvɨ pe?

• ¿Kërai pa yaikuaa Jesús jae ko Mesías?

EEKA KUAE

Conozca más razones que demuestran que Jesús es el Mesías.

“¿Prueban las profecías de la Biblia que Jesús fue el Mesías?” (Artículo de jw.org)

Vea si la Biblia enseña que Dios llegó a ser padre de Jesús tal como los seres humanos procrean hijos.

“¿Por qué se le llama a Jesús el Hijo de Dios?” (Artículo de jw.org)

Descubra por qué la trinidad no es una enseñanza bíblica.

“Jesús: ¿es Dios?” (La Atalaya, 1 de abril de 2009)

Lea cómo cambió la vida de una mujer después de investigar lo que la Biblia dice sobre Jesús.

“Una judía explica por qué se replanteó sus creencias” (¡Despertad!, mayo de 2013)