Srape plaga

Moisés faraónwan trentaik køn: “Ñune katøyupe ashmumøntrun cha”. Imuatø nøpe trentaik køn: “Mayelai mayor nusrkalø yem tøpøtak kuantrap køn. Faraónwai nusrkai lata esclavoswai nusrkaløkucha”.

Jeupa israelitasmeran trentaik køn: “Kan latrø may mamik nena, upisha-unø pilatikwan kuetcha tru aniwan yaskap pøtøpurap srøltrikay, incha yauwan tsira pitri levadurakeikpa mantrikay cha. Ñimui kewa kuilan tamara, sandaliasmeran keta munirantrikay kakentø møi yem ñimun na wesramik køn cha”. Ñiken isu, israelitasmera maik kasrak mørøraikwan.

Yem tøpøtak ángel yamørik aship ya, ani srølilø kenamøyupe mayor nusrkalø chishtø kuapen, ani srølin pøntrapyupe ángelpe mayor nusrkalan kuechimuik køn. Inchen Egiptosrømpe puar køntrun, waachamera køntrun mayor nusrkaløpe chishtø kuaik køn.

Faraónwai mayor nusrkainkucha kuaikkutri nøpe latrø isuin pasrøwa Moiséswan Aarónwanpa trentaik køn: “¡Ampay! ¡Ushameran srua! ¡Ñimui Tiuswan adorantrikay cha!”.

Tru yempe pøl latrø tør pasrøpen israelitasmerape lusrøpatø wepampen 600.000 møkelø kuik køn, nøørø ishumpur, urekmera kømnetø. Israelitas kømeløkucha nømpa wepampik køn Jeupawan adorantrap. ¡Møimpe sí israelitasmerape newan elatsilø kuik køn!

Jeupa wepampam purukuikwan pesannamøntrap pilamørik mamik nenamik kuik køn. Pascua taikwan martrap.