ZASEŊƆ 57
Ho San Tum Be’em, Ho Wan Eŋɛ La Wani?
Ho nɔŋɛ Yehowa mɛ zo’e zo’e, tiregera ti ho da eŋɛ sɛla n wan daam en ge ho wan tue saŋa ase’a. Ge be’em basɛba ba’ɛ dɛna la ninmɔ’ɔrɛ gana basɛba. (1 Korint 6:9, 10) Ho san tum be’em, tɛra ti Yehowa kelum nɔŋɛ ho mɛ; a boti a di la sugeri bo ho ge soŋɛ hɔ.
1. To wan eŋɛ la wani ti Yehowa di sugeri bo to?
Sɛba n nɔŋɛ Yehowa la suure ni sa’am mɛ ba san baŋɛ ti ba tum la be’em. Ge ba ni nyɛ subuɣelegɔ mɛ la Yehowa n yuun pu’ulum sɛla bo a nɛreba la: “La boi bim ti ya be’em la muɛ la ziŋelin ge ba wan pelege wuu sakuga la.” (Isaiah 1:18) To san basɛ to be’em la za’a, Yehowa wan di sugeri bo to. To wan eŋɛ la wani ti la pa’alɛ ti to basɛ to be’em la mɛ? To suure ni sa’am mɛ ti to ka le tuna be’em la ge nyaa ni belum Yehowa ti a di sugeri bo to. To nyaa ni mɔɔra mɛ ti to basɛ to putɛbe’ero la bii halese’ere n basɛ ti to tum be’em la ge me ni tiregera ti to dɔla Yehowa pa’alegɔ la.—Kaalɛ Isaiah 55:6, 7.
2. Yehowa ni eŋɛ la wani dekɛ keendoma la soŋɛ tɔ to san tum be’em?
To san tum be’em, Yehowa yele to yeti to “yi tansugere keendoma la.” (Kaalɛ Yames 5:14, 15.) Keendoma wa nɔŋɛ Yehowa la a piisi la mɛ. Ba dela sɛba n kumesɛ n wan ta’an soŋɛ tɔ ti to maalɛ tomam la Yehowa bɔŋa la.—Galatia 6:1.
Keendoma wan eŋɛ la wani soŋɛ tɔ, to san tum be’em? Keendoma bayi bii batã wan dekɛ Baabule la ka’am tɔ ge demese tɔ. Ba me wan kpemese to giila ge pa’alɛ tɔ yɛla n wan soŋɛ tɔ ti to kan le tum be’em leyɛ’ɛsa. Nɛra san tum be’em ge ka tee, keendoma la wan yese en tansugere la poan la wan eŋɛ se’em ti daaŋɔ kan paɛ tansugere la.
VIISƐ PA’ASƐ
Basɛ ti ho puurɛ pee la Yehowa n soŋeri to se’em la, sansɛka ti to ni tum be’em la.
3. To san purɛ to be’em la, la ni basɛ ti tomam la Yehowa bɔŋa la ana la soŋa
Be’em woo ti to tuna daani Yehowa mɛ, bala la nari ti to purɛ to be’em la bo en. Kaalɛ Yooma 32:1-5 ge nyaa sɔsɛ sokere wa:
Beni n sɔi ti la ana soŋa ti to purɛ to be’em la bo Yehowa nyana to suɣɛ dɛ?
To san tɔɣɛ to be’em la bo Yehowa ba’asɛ ge ɛɛra ti keendoma la soŋɛ tɔ, to ni bɔna la fai. Ŋmɛ VIDIYO la ge nyaa sɔsɛ sokere wa:
Vidiyo la poan la, keendoma la eŋɛ la wani soŋɛ Canon ti a lebe Yehowa zɛ’an na?
La nari ti to ni kɔ’ɔn tɔɣɛ yelemɛŋɛrɛ la bo keendoma la; ba boti ba soŋɛ to mɛ. Kaalɛ Yames 5:16 ge nyaa sɔsɛ sokere wa:
To san tɔɣɛ yelemɛŋɛrɛ bo keendoma la, la ni ana naana la wani bɔ’ɔra ba ti ba ta’an soŋɛ tɔ?
Purɛ ho be’em la, tɔɣɛ yelemɛŋɛrɛ bo keendoma la ge basɛ ti Yehowa soŋɛ hɔ
4. Yehowa zoti beʼemdoma nimbuʼɔ mɛ
Nɛra san tum be’em ge ka dɔla Yehowa pa’alegɔ, ba wan yese en tansugere la poan, to me kan tara sɛla ita la en. Kaalɛ 1 Korint 5:6, 11 ge nyaa sɔsɛ sokere wa:
Wuu miʼisum n ni basɛ ti zom miʼe seʼem la, to san tara sɛla ita la beʼemdaana n ka tee, bala wan daam tansugere la, la wani?
Keendoma tɔɣeseri la Yehowa n zoti beʼemdoma nimbuʼɔ seʼem la. Bala la, ba ni tiregɛ mɛ soŋɛ sɛba ti ba yese ba tansugere la poan la. Nɛreba zoʼe zoʼe ti ba tabelɛ yese ba tansugere la poan nyaŋɛ lebe me na. La boi bim ti tubedɔlegerɛ la daa tɔi mɛ ge la soŋɛ ba mɛ ti ba nyɔɣɛ yɛm.—Yooma 141:5.
Sodeni poan ti Yehowa n iti beʼemdoma seʼem la paʼalɛ ti a tari la bɔkerɛ, nimbɔzore la nɔŋerɛ?
5. Yehowa ni di sugeri bo to mɛ to san basɛ to be’em la
Yezu yuun bo la makerɛ ti la pa’alɛ la ni ana Yehowa se’em nɛra san tee. Kaalɛ Luke 15:1-7 ge nyaa sɔsɛ sokere wa:
Wana wa pa’alɛ ho ti Yehowa ani la wani?
Kaalɛ Ezekiel 33:11 ge nyaa sɔsɛ sokere wa:
Nɛra nari ti a eŋɛ la bem ninmɔ’ɔrɛ yele ti la pa’alɛ ti a tee mɛ?
Wuu dunkeena la, Yehowa me tari nɔŋerɛ bɔ’ɔra a piisi la mɛ
NƐREBA BASƐBA YETI: “Dabeem n tari mam ti n san purɛ n be’em la bo keendoma la, ba wan yese mam basɛ.”
Nɛra san ti’isa bala, hon wan yele en yeti bem?
YELEKPINE
To san tum be’em ge basɛ to be’em la ge me lu suure ti to kan le tum be’em, Yehowa wan di sugeri bo to.
Tiisegɔ Sokere
Beni n sɔi ti la ana soŋa ti to purɛ to be’em la bo Yehowa?
To wan eŋɛ la wani ta’an nyɛ sugeri dia?
To san tum be’em, beni n sɔi ti la nara ti to yele keendoma la ti ba soŋɛ tɔ?
Ɛ BISƐ
Bisɛ buraa ayima ti Yehowa zɔ a nimbɔ̃’ɔ se’em ti la makɛ la sɛla n boi Isaiah 1:18 la.
Keendoma ni eŋɛ la wani soŋɛ sɛba n tum beʼem?
Bisɛ keendoma n iti seʼem paʼala ti ba tari nɔŋerɛ la nimbɔzore bɔʼɔra sɛba n tum beʼem ge ka bɔta ti ba tee.
Zi’irego poan yele la n de “Mam Yuun Nari Ti N Lebe La Yehowa Zɛ’an Na” la, zamesɛ baŋɛ sɛla n sɔi ti buraa ayima n yuun basɛ yelemɛŋɛrɛ la, ti’isɛ ti Yehowa n tari en lebena.
“Baabule La Teeri Nɛreba Vom Mɛ” (The Watchtower, April 1, 2012)