April Ena Hesiai Hebou

April 1 Purana

Ane 132

10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. “Hua Iboudiai Haroro Gaukara Karaia.” Pablisa taudia ida riviulaia. Bema Memorial hebouna ena ripoti namona ta oi diba, oi gwauraia.

20 min: “April Lalonai ‘Kara Namodia Do Ita Karaia’!” Haroro naria tauna be henanadai bona haere amo paragraf 1-​10 do ia karaia. Oi hahedinaraia (1) April lalonai kongregesen ena palani be dahaka haroro gaukara habadaia totona, (2) edena bamona iboudiai be heduru idia abia idia haroro diba totona, (3) bona matamata taudia bona maragidia be dahaka idia karaia diba.

15 min: “Lalo-Namo Taudia Umui Tahua.” Kiki herevadia oi riviulaia, bona rua haheitalaia.

Ane 20 bona guriguri.

April 8 Purana

Ane 72

15 min: Kongregesen ena hadibaia herevadia. Akauns ripotina. Edena dala ai Memorial dekenai idia lao taudia matamatadia ita durua lauma dalanai idia tubu noho totona oi herevalaia. April 1, 1991, Watchtower, rau 9-​12 oi riviulaia.

15 min: “Dina Bona Hanuaboi ai Dirava Ena Hesiai Gaukara Karaia.” Henanadai bona haere. Paragraf 5 bona 6 duahia.

15 min: “April Lalonai ‘Kara Namodia Do Ita Karaia’!” Henanadai bona haere amo paragraf 11-​15 oi karaia. Iboudiai oi hagoadaia edia mauri dalana idia itaia bona haroro habadaia daladia idia tahua.

Ane 113 bona guriguri.

April 15 Purana

Ane 133

8 min: Kongregesen ena hadibaia herevadia. Helai taudia oi hamaoroa lou, pablik tok badana be April 21 ai, ena ladana be “Inai Nega Noho Gagevagageva Taudia Bogaraginai Umui Kerere Lasi.” Idia oi hagoadaia do idia hekwarahi iboudiai idia durudia idia lao diba totona.

17 min: “Baibel Stiuden Durudia Edia Stadi Totona Idia Hegaegae.” Henanadai bona haere. Emu nega hegeregerena paragraf duahia.

20 min: “Abidadama Ia Vara Kamonaia Gauna Amo.” Magasin idia abia taudia ita lou henia neganai, edena dala ai unai bamona taudia be Diba bukana amo edia Baibel stadi ita hamatamaia toho oi kikilaia. Haheitalai rua karaia.

Ane 204 bona guriguri.

April 22 Purana

Ane 6

15 min: Kongregesen ena hadibaia herevadia. Wiki gunanai idia karaia pablik tok badana ena hereva badadia umui riviulaia. Edena dala ai tok ena sisiba ese kamonai matamata taudia do ia durua hereva momokani idia badinaia auka totona oi kikilaia. Danu, “Diba Maoromaoro Habadaia Noho” kahana oi hahedinaraia bona Kongregesen Buka Stadi lao henia karana be mai anina oi herevalaia.

12 min: Henanadai Mauana. Elda ese hereva ta do ia henia. Oi hahedinaraia dahaka dainai hebou ena nega ai helai taudia edia ladana ia hatoa neganai, edia ladana ginigunana ia gaukaralaia sibona be hemataurai lasi karana.

18 min: Babalau Bona Meamea. Herevalaia bukana, rau 45-8 amo. Elda bona hesiai tauna idia kikilaia. Namona be babalau amo gorere hanamoa, henari daladia, eiava nega vaira dibaia karadia iboudiai ita dadaraia, ita idia hadikaia garina. Rau 47-8 ai idia noho Baibel siridia amo oi hedinarai meamea karadia edia igui amo taunimanima ruhaia diba daladia idia noho.

Ane 143 bona guriguri.

April 29 Purana

Ane 144

12 min: Kongregesen ena hadibaia herevadia. Nihi oi kikilaia, Herevalaia bukana, rau 313-4 amo. Karaia dalana be Baibel stiuden ida umui kikilaia. Stiuden ese oi do ia nanadaia bema iseda nihi ese ita idia hakaua be namo, eiava. Oi ese dahaka dainai unai be aonega lasi karana, bona edena bamona unai kara amo tanobada ena aonega bona demoni edia tarapu dekenai ita moru diba, oi herevalaia. Dirava ena hakaua herevadia ita badinaia be gau badana oi gwauraia hedinarai danu.

15 min: Kongregesen durua herevana. Eiava elda tauna be September 1, 1994, Gima Kohorona, rau 27-8 ai ia noho herevana, “Koua Gaudia ese Emu Lalona Idia Hametaua A?” amo hereva ta ia karaia.

18 min: May Lalonai Gima Kohorona Sabskripsen Hariharilaia. Bema sabskripsen idia abia dae lasi, magasin rua bona Mase Taudia Edia Lauma buklet umui hariharilaia, edia davana be K1.00. Oi hahedinaraia magasin hariharilaia gaukarana be dala hereadaena taunimanima momo be Basileia ena sivarai namona idia kamonaia totona. Namona be haroro gaukara ita lao henia neganai magasin ita mailaia; bona ita hariharilaia toho ta ita davaria negadia ibounai. Namona be wiki ta ta ai Magasin Dinana oi sibona oi abia hidi, bena magasin momo do oi henia. Sitoa ta sitoa ta dekenai bona dala ai idia raka taudia dekenai ita henia toho be namo danu. Idia abia taudia ibounai edia ladana oi torea. Kamonai taudia oi lou henia neganai, Diba bukana amo stadi do oi hamatamaia dalana oi karaia. Magasin matamata hariharilaia dalana ta o rua oi haheitalaia.

Ane 195 bona guriguri.