Hesiai Hebou Ena Sediual
December 11 Purana
Ane 50
10 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi. Bema kongregesen lalonai Tau Hereadaena bukadia eiava Hadibaia Tauna Badana bukadia idia noho holide negana lalonai haroro gaukara dekenai ita gaukaralaia namonamo dalana oi hahedinaraia. Ibounai hagoadaia inai vidio The Bible—Accurate History, Reliable Prophecy do idia itaia, ita hegaegae December 25 purana ena Hesiai Hebou dekenai ita herevalaia totona. Iseda Basileia Gaukara pepana ena rau 5 dekenai idia noho henanadai hegeregerena do ita herevalaia. Mani emui kara inai vidio Jehovah’s Witnesses—The Organization Behind the Name itaia totona umui karaia gauna be hari danu umui karaia.
15 min: “Dina Ibounai Lalonai Iehova Gari Henia.”* January 8, 1998, Awake!, rau 26 amo Dirava gari henia karana ena anina oi hahedinaraia. Iehova gari henia karana ena namo oi hahedinaraia danu.
20 min: “Bamodia Edia Lalo-Ani Karana Bona Oiemu Haroro Ena Hahenamo.” Hereva bona haida henanadai henidia. Bamodia edia lalo-ani karadia idia haheaukalaia taudia haida oi nanadaia, unai hekwakwanai lalonai edia haroro gaukara be edena bamona idia goadalaia noho diba.
Ane 78 bona guriguri.
December 18 Purana
Ane 94
15 min: Kongregesen ena hadibaia herevadia. Akaun ripotina. December 25 bona January 1 edia haroro gaukara totona, hereva haida gwauraia. Inai henanadai haerelaia: Reana aria ta eiava moale karana ta be Keristani lasi taudia edia amo ia mai; bema ta ese unai kara ia karaia tomadiho karana bamona lasi, unai be hegeregere, a?—Herevalaia bukana, rau 95-97 itaia.
12 min: “Lagani 2001 Ena Tiokratik Haroro Sikuli.” Inai hereva be haroro sikuli naria tauna ese do ia henia. Ibounai hagoadaia edia pura ta ta ena Baibel duahiduahi idia karaia noho bona sikuli lalonai hereva henia karana idia goadalaia.
18 min: “Mai Goada ida Oi Haroro, A?”* Helai taudia oi noia inai hereva lalonai idia noho siri haida edia hereva badadia idia gwauraia. Iseda Hesiai Gaukara bukana ena rau 86 oi gaukaralaia bona oi hahedinaraia edena bamona goada bada do ita abia bona haroro gaukara lalonai anina ita havaraia.
Ane 124 bona guriguri.
December 25 Purana
Ane 126
10 min: Kongregesen ena hadibaia herevadia. Helai taudia oi noia haroro gaukara lalonai idia davaria ekspiriens do idia gwauraia. January ena henia gauna herevalaia.
10 min: Kongregesen ena durua herevana. Eiava April 1999 ena Iseda Basileia Gaukara pepana ena rau 3 dekenai ia noho herevana “Painia Gaukara—Iseda Nega be mai Aonega ida Ita Gaukaralaia Gaukarana!” be nega sisina lalonai henanadai bona haere amo umui riviulaia.
25 min: “The Bible—Accurate History, Reliable Prophecy Vidio amo Diba Ita Abia.” Helai taudia ida herevalaia. Inai vidio amo ma haida edia lalona ita veria totona, durua herevadia herevalaia. (Lagani 1999 Yearbook, rau 51-2) February lalonai inai kahana ena vidio iharuana do ita herevalaia, The Bible—Mankind’s Oldest Modern Book.
Ane 151 bona guriguri.
January 1 Purana
Ane 171
8 min: Kongregesen ena hadibaia herevadia. Bema emui kongregesen ese hebou negadia idia haidaua lagani matamata lalonai, ibounai hagoadaia unai nega matamatadia ai hanaihanai hebou idia lao henidia. Namona be Baibel stadi bona kamonai taudia dekenai umui haidaua negadia hadibaia, bona unai sediual matamata idia hahedinaraia boiboi pepadia gaukaralaia matamaia. Papua New Guinea ena bona kongregesen ena haroro ripotina oi herevalaia. Ibounai hadibaia December ena haroro ripoti idia henia totona.
17 min: Lou Henia Totona Oi Hegaegae Dalana. Tama ta be mai ena ruma bese ida haroro gaukara lalonai edena bamona anina namona do idia havaraia daladia idia herevalaia. Baibel amo ia hahedinaraia, ita davaria kamonai taudia ita lou henia be gau badana. Gima Kohorona, July 1, 1999, rau 22, par. 18 dekenai idia torea herevadia idia gaukaralaia bona idia hegaegae lou henia haida idia karaia totona. Idia hahedinaraia idia davaria taudia haida be idia vadivadi henidia lou be namo. Idia ta ta ese vadivadi ginigunana dekenai idia vara gaudia idia herevalaia, bona ma haida ese lou henia lalonai do ia gwauraia hereva bona ia duahia siri ta idia hahedinaraia. Dahaka Ita Karaia? buklet amo anina do idia havaraia diba herevadia haida idia tahua. Tama sina ese natuna ta idia durua, iena lou henia lalonai do ia herevalaia gauna ia tohoa totona. Idia ese unai pura lalonai lou henia do idia karaia negana idia palanilaia.
20 min: Painia Taudia ese Hahenamo Idia Henia Bona Idia Abia. January 15, 1994, Gima Kohorona, rau 21-3, ena hereva amo hereva oi henia bona helai taudia ida herevalaia. Hari ai ura tadikaka oi hagoadaia bada painia gaukara do idia laloa totona.
Ane 212 bona guriguri.
* Miniti tamona bamona lalonai, hamatamaia hereva kwadogina karaia, bena henanadai bona haere dalanai oi herevalaia.