Tiokratik Haroro Sikuli Ena Henanadai

Haroro Sikuli ena henanadai September 4 1 ia lao December 18, 2000, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.]

Henuna hereva oi gwauraia Momokani eiava Koikoi:

1. Abisai ese Simei ia hamasea gwauraia neganai Davida ese ia koua badina Simei ese Davida dekenai ia gwauraia samani herevadia be momokani. (2 Sam. 16:​5-​13) [2, Wiki ta ta ena Baibel duahiduahi; w99 5/1 rau 32 par. 3 itaia.] Koikoi. Davida ia kerere lasi Simei ena hereva be koikoi, to Davida be mai manau ida davana henia karana ia dadaraia. To, Iehova ena imana dekenai unai gauna ia rakatania.

2. Bema iseda lalona ena mamina be ia goeva bona ia ita hadibaia namonamo, ita do ia durua Dirava ita tura henia namonamo totona sibona lasi, to ia be gau badana hahemauri do ita abia totona danu. (Heb. 10:22; 1 Pet. 1:​15, 16) [3, w98 9/1 rau 4 par. 4] Momokani.

3. King Taudia Ginigunana be Keristani taudia ia durua lasi badina Solomona ena mase murinai Israela bona Iuda idia lohiaia king taudia ibounai 14 amo, rua sibona ese Iehova ena matana ai kara maoro idia karaia. [5, si Oct. 2 par. 1] Koikoi. King Taudia Ginigunana dekenai ia noho sivaraina be “Dirava ena lauma amo ia vara bona ia be mai ena namo” bona ena sisiba, peroveta hereva, bona laulau bona “Buka Helaga ibounai” bamona Basileia ia herevalaia bada. (2 Tim. 3:​16, 17, NW )

4. Iesu ena Lagani 1000 Lohia Negana be Solomona ena lagani 40 maino bona noho namo lohia negana hegeregerena. (1 Ki. 4:​24, 25, 29) [6, Wiki ta ta ena Baibel duahiduahi; w91 2/1 rau 6 par. 4 itaia.] Momokani.

5. Abaisa be hemataurai dalanai idia guria karana ese ia hamomokania, Ieroboama ena ruma bese amo ia sibona be mai abidadama ida Iehova ia tomadiho henia. (1 Ki. 14:​10, 13) [9, Wiki ta ta ena Baibel duahiduahi; w95 4/1 rau 12 par. 11 itaia.] Koikoi. Badina be ia mase, Ieroboama ena ruma bese taudia dikadia oredia idia mase hegeregerena. To Iehova ese Abaisa ena lalona ai ia davaria gauna namona ia laloa bada, bona unai hegeregerena ia kara henia.

6. Ta be Keristani bapatisona ia abia karana amo ia hahedinaraia ia be Dirava ena lo hesiai tauna ai ia lao vadaeni. [10, w98 10/1 rau 28 par. 2] Koikoi. Ta ese bapatiso ia abia karana amo ia hahedinaraia ia be Keristani tauna ena mauri ia matamaia; ia bapatiso vadaeni Keristani tauna be ‘hereva badadia do ia tahua,’ bona iena diba maorona ia habadaia karana amo ‘tau badana ai do ia lao’ diba. (Heb. 6:1; Ef. 4:​13)

7. Iehova ese Elia ia hasiahua gari lasi karana bada herea ia hahedinaraia totona bona gari amo ia naria. (1 Ki. 18:​17, 18, 21, 40, 46) [11, Wiki ta ta ena Baibel duahiduahi; w98 1/1 rau 31 par. 2 itaia.] Koikoi. “Elia be taunimanima sibona, ita bamona” bona ia gari bona lalo-hekwarahi danu. (Iam. 5:​17; 1 Ki. 19:4)

8. Solomona ena dubu ita laloa bada, ena hairai bona kohu bada dainai sibona lasi, to unai dubu ese Iehova ena hairai bada lauma dubuna ia laulaulaia. [12, si Nov. 20 par. 26] Momokani.

9. Elisaia ena hereva dainai Suria ena tuari taudia idia matakepulu, edia matana momokani idia kepulu lasi to edia lalona ena matana ia koua, badina Elisaia idia itaia diba to idia diba lasi ia be daika. (2 Ki. 6:​18, 19) [14, Wiki ta ta ena Baibel duahiduahi; si-E rau 70-1 par. 10 itaia.] Momokani.

10. King Taudia Iharuana 11:12 dekenai ia gwau “Taravatu Buka ena kopi” idia henia be laulau dalana ai ia hahedinaraia king ese Dirava ena Taravatu ena anina ia gwauraia hedinarai iena lalohadai hegeregerena neganai, namona be iena hereva do idia badinaia. [16, Wiki ta ta ena Baibel duahiduahi; w91-E 2/1 rau 31 par. 6 itaia.] Koikoi. King ese Dirava ena Taravatu do ia stadilaia bona ena mauri ibounai lalonai do ia badinaia dainai, reana ia hahedinaraia ia danu be Iehova ena Taravatu ataiai lasi. (Deut. 17:​18-​20)

Henuna henanadai oi haerelaidia:

11. Ioane Ginigunana 2:​15-​17 ena hereva hegeregerena, Dirava idia diba tama sina ese edia natudia idia durua moni gaukara namona idia abia hidi totona neganai, namona be idia hagoadaia dahaka idia dadaraia totona? [1, w98 7/15 rau 5 par. 2] Namona be tama sina ese edia natudia idia hagoadaia ‘kahirakahira do ia ore’ tanobadana dekenai ladana bada bona taga do idia tahua lasi.

12. Samuela Iharuana 18:​8, ena anina be dahaka? Ia gwau: “To uda kahana dekenai idia mase kava taudia be momo herea, bona tuari dekenai idia mase taudia be momo lasi.” [2, Wiki ta ta ena Baibel duahiduahi; w87-E 3/15 rau 31 par. 2 itaia.] Toana be Abesaloma ena tuari taudia ia herevalaia, gari dainai nadi momo uda lalonai idia heau, reana idia itaia haraga lasi koura dekenai idia moru bona uda ena tubutubu gaudia momo gabudia ese idia dogoatao auka. (2 Sam. 18:9)

13. Hari inai negai, daidia be Goliata ena varavara, Repaima taudia hegeregerena, bona idia ura dahaka idia karaia? (2 Sam. 21:​15-​22) [3, Wiki ta ta ena Baibel duahiduahi; w89 6/1 rau 16 par. 8 itaia.] Satani ena tanobada politikol taudia be Repaima taudia hegeregerena. Unai lohia taudia aukadia ese Iehova ena taunimanima idia kirikirilaia bona ena Witnes taudia idia doria toho edia ura idia badinaia totona. (Unai bamona hereva ia hegeregere)

14. Edena hakaua herevana namona be 2 Samuela 6:​6, 7 ai ita dibaia? [4, si Sept. 25 par. 30] Ura namona ese ta ena maduna Dirava dekenai ia haidaua lasi.

15. Sabati taravatuna ia utua tauna idia hamasea sivaraina amo dahaka mai anina bada hakaua herevana ita dibaia? (Num. 15:35) [6, w98 9/1 rau 20 par. 2] Namona be Keristani tauna ese mai anina bada gaudia do ia atoa guna bona ena mauri lalonai Iehova tomadiho henia karana be gau ginigunana.

16. Sieba ena kwini be gabu daudau amo ia mai “Solomona ena aonega ia kamonai” totona, to dahaka ita karaia ia ita tohotohoa totona? (1 Ki. 10:​1-9) [8, Wiki ta ta ena Baibel duahiduahi; w99 7/1 rau 31 par. 1-2 itaia.] Solomona Badana, Iesu, ena haheitalai bona laloa dalana ita itaia namonamo bona ena hahegani, taunimanima be hahediba taudia do ita halaoa, ita badinaia. (Mat. 12:42)

17. King Taudia Ginigunana 17:​3, 4, 7-9, 17-​24 ena hereva hegeregerena, edena dala toi amo Elia ese ena abidadama Iehova dekenai ia hahedinaraia? [10, Wiki ta ta ena Baibel duahiduahi; w92 4/1 rau 19 par. 5 itaia.] Elia ese Iehova ia abidadama henia, hahedinaraia daladia be, ia diba Iehova ese ena mauri durua gaudia do ia henia, Iena hakaua herevadia ia badinaia, bona Ia dekenai ia tabekau, Iena ladana Ia hahelagaia totona.

18. Dahaka dainai Naboto ese Ahaba dekenai ena vain umana ia henia lasi be gwau-edeede karana lasi? (1 Ki. 21:​2, 3) [12, Wiki ta ta ena Baibel duahiduahi; w97 8/1 rau 13 par. 18 itaia.] Naboto be Dirava ia badinaia bona Mose ena Taravatu ia kamonai henia, badina ia gwau Israela tauna be ena famili ena tano ia hoia lao diba lasi. (Lev. 25:​23-​28)

19. Hari inai negai, 2 King Taudia 6:​16 ena hereva ese edena dala ai Iehova ena hesiai taudia ia hagoadaia? [14, Wiki ta ta ena Baibel duahiduahi; w98 6/15 rau 18 par. 5 itaia.] Ena be taunimanima ese gari idia havaraia herevadia o karadia, dagedage karadia, dibura rumadia, dibura kamepadia, bona mase amo edia gaukara idia hadokoa toho, to unai hereva ese Dirava ena hesiai taudia idia hagoadaia idia haroro noho totona.

20. Hari inai negai, Keristani taudia momokanidia be edena dala ai simony karana dainai do idia naria namonamo? [14, w98 11/15 rau 28 par. 5] Namona be Keristani taudia idia naria namonamo, idia dekenai hahenamo ma haida idia henia diba taudia dekenai hanamoa herevadia momo o harihari gaudia momo idia henia lasi. Danu, hahenamo idia henia diba taudia be harihari gaudia idia henia diba​​—bona nega momo idia ura dikadika unai idia karaia​​—taudia sibodia idia kara namo henidia be namo lasi.

Henuna herevadia dekenai idia torea lasi herevadia oi torea:

21. Keristani tauna momokanina be taunimanima do ia gari henia lasi bona Dirava idia habadua kastom karadia lalonai do ia vareai lasi. (Aon. 29:25; Mat. 10:28) [2, w98 7/15 rau 20 par. 5]

22. King Agripa ia haroro henia neganai, Paulo ese aonega ia gaukaralaia, ia bona Agripa idia lalo-tamona gaudia ia herevalaia. (Kara 26:​2, 3, 26, 27) [7, w98 9/1 rau 31 par. 3]

23. Dirava ita itaia diba lasi dainai, reana haida idia laloa ia noho lasi, to nega momo Baibel stadilaia bona stadilaia goadagoada karana ese ta do ia durua ‘ita itaia diba lasi Diravana, be matana dekenai do ia itaia bamona.’ (Heb. 11:27) [9, w98 9/15 rau 21 par. 3-4]

24. Suria ena tuari biaguna badana, Namana, ena sivarai dekenai ita itaia hegeregerena, nega haida hahenamo badadia ita abia diba bema manau karana sisina sibona ita hahedinaraia. [14, Wiki ta ta ena Baibel duahiduahi; w99 2/1 rau 3 par. 6–rau 4 par. 1 itaia.]

25. Iehonadaba be King Iehu ida idia lalo-tamona hegeregerena, hari inai negai, hutuma bada herea taudia be mai edia lalona ibounai ida Iehu Badana, Iesu Keriso, idia abia dae bona ia ida idia gaukara hebou, bona tanobada dekenai iena hereva idia gwauraia taudia be horoa Keristani taudia. (2 Ki. 10:​15, 16) [16, Wiki ta ta ena Baibel duahiduahi; w98 1/1 rau 13 par. 5-6 itaia.]

Henuna herevadia dekenai haere maorona oi abia hidi:

26. (Satani; Iehova; Ioaba) ese Davida ia koia kara dika ta, ‘Israela taudia duahia’ karana, ia karaia totona. (Samuela Iharuana 24:1 be Sivarai Ginigunana 21:1 ida hahegeregerea.) [4, Wiki ta ta ena Baibel duahiduahi; w92 7/15 rau 5 par. 2 itaia.]

27. King Taudia Ginigunana 8:1 bona Hadibaia Taudia 1:1 edia hereva hegeregerena, Solomona ese taunimanima ia haboua (dubu idia haginia totona; Israela taudia edia inai taudia lulua totona; Iehova tomadiho henia totona). [7, Wiki ta ta ena Baibel duahiduahi; si-E rau 112 par. 3 itaia.]

28. Solomona be lagani 20 lalonai Ierusalema dekenai dubu bona iena ruma ia haginia negana be lagani (1919; 1932; 1931) amo ela bona lagani (1938; 1942; 1950) ai, hahediba hereva bona orea hakaua dalana idia hamaoromaoroa negana hegeregerena. (1 Ki. 9:​10) [8, Wiki ta ta ena Baibel duahiduahi; w92 3/1 rau 20 maua itaia.]

29. Unai hereva “guba”, 2 King Taudia 2:​11 dekenai idia gaukaralaia hegeregerena, ese (Dirava ia noholaia lauma gabuna; dina, hua, bona hisiu idia noho gabuna ia herevalaia; tanobada kahirakahira ia noho guba, manu idia roho bona lai idia toa gabuna) ia herevalaia. [13, Wiki ta ta ena Baibel duahiduahi; w97 9/15 rau 15 maua itaia.]

30. (Heroda Badana; Kaisara Augusto; Tiberia Kaisara) ese oda ia henia rejista karana do idia karaia, unai dainai Iesu be Betelehema dekenai ia vara to Nasareta dekenai ia vara lasi. [16, w98 12/15 rau 7 maua]

Henuna herevadia dekenai siri maorona oi abia hidi:

Sal. 15:4; 2 Sam. 12:28; 2 Sam. 15:​18-​22; 2 Ki. 3:​11; Kol. 3:​13

31. Iehova ena tiokratik dalana dekenai kwara dagi ita matauraia be namo. [2 Sam. 12:28] [4, si Sept. 25 par. 30]

32. Iehova ena orea bona ia siaia taudia ita badinaia noho be namo. [2 Sam. 15:​18-​22] [4, si Sept. 25 par. 30]

33. Iehova ena hebogahisi laloa bada karana ese ta ia durua sibona ena kara ia biagua bona ma haida edia kara dika ia gwauatao totona. [Kol. 3:​13] [11, w98 11/1 rau 6 par. 3]

34. Iehova ena abidadama hesiai taudia, spesel ful-taim gaukara idia karaia taudia dekenai, heabidae karana ita hahedinaraia bona idia ita hesiai henia be hahenamo ta. [2 Ki. 3:​11] [13, Wiki ta ta ena Baibel duahiduahi; w97 11/1 rau 31 par. 1 itaia.]

35. Dirava ia gari henia tauna ese ena gwauhamata hegeregerena ena abitorehai do ia henia, herevana ia laloa lasi gauna ia vara dainai do ia auka. [Sal. 15:4] [15, w98 11/15 rau 27 par. 1]