EZAYI

 2 Ou menm syèl, tande! Ou menm tè, koute byen+,

Paske Jewova ap pale. Men sa l di:

“Yon seri pitit mwen te leve e mwen te bay fòmasyon+

Vin leve kont mwen+.

 3 Yon towo bèf konn moun ki achte l la byen,

Yon bourik konn kote mèt li konn ba l manje.

Men, Izrayèl pa konnen m*+.

Pèp pa m nan pa montre l gen bon konprann.”

 4 Malè pou nasyon k ap fè peche a+,

Pèp ki chaje ak peche a!

Yo se yon kolonn moun mechan, yon bann pitit devègonde.

Yo kite Jewova+.

Yo montre yo pa gen respè pou Bondye Izrayèl la, Bondye ki sen an.

Yo vire do ba li.

 5 Ki kote ankò pou yo frape nou pou rebelyon nou kontinye fè yo+?

Nou malad nan tout tèt nou,

Epi, nou malad nan tout kè nou+.

 6 Soti anba pla pye rive nan tèt, nou pa gen yon kote ki pa malad.

Blese yo, mak kou yo ak maleng yo tou fre.

Yo pa t ni netwaye yo, ni bande yo, e yo pa t pase luil sou yo+.

 7 Peyi nou an vid.

Yo met dife nan vil nou yo.

Moun ki sot nan lòt peyi fin manje tout sa k nan peyi a devan je nou+.

Li tankou yon peyi moun lòt nasyon fin kraze ki pa gen anyen ladan l+.

 8 Yo kite vil Siyon tankou yon abri* nan mitan yon jaden rezen,

Tankou yon joupa nan yon jaden konkonm,

Tankou yon vil yo ansèkle+.

 9 Si Jewova, Chèf lame yo, pa t kite kèk nan nou vivan,

Nou t ap vin tankou vil Sodòm

E nou t ap sanble ak vil Gomò+.

10 Tande pawòl Jewova, nou menm diktatè* nan vil Sodòm yo+.

Byen koute pawòl ki nan lalwa* Bondye nou an, nou menm moun Gomò+.

11 Men sa Jewova di: “Ki sa tout pil sakrifis nou yo itil mwen+?

Mwen bouke ak mal mouton nou boule nèt kòm sakrifis yo+ ansanm ak grès bèt ki byen gra yo+,

E mwen pa pran okenn plezi nan san+ jenn towo bèf yo+, ti mouton yo ak kabrit yo+.

12 Lè nou vin devan m+,

Kiyès ki mande nou

Met pye nan lakou tanp mwen an+?

13 Sispann pote manje angren ki pa gen okenn valè kòm ofrann.

Lansan nou an ban m degoutans+.

Nou obsève fèt nouvèl lin+, saba+ e nou fè gwo rasanbleman+,

Mwen bouke wè maji+ n ap fè nan gwo rasanbleman nou yo.

14 Mwen* rayi fèt nouvèl lin nou yo ak lòt fèt nou yo.

Yo tounen yon pwa lou pou mwen,

Mwen bouke, mwen pa ka pote yo ankò.

15 Epi, lè n ouvè men nou,

Mwen bare je m pou m pa wè nou+.

Malgre n ap fè anpil priyè+,

Mwen pap koute nou+.

Men nou chaje ak san+.

16 Se pou nou benyen, se pou n pirifye tèt nou+!

Retire move aksyon nou yo devan je m.

Sispann fè sa ki mal+.

17 Aprann fè sa ki byen, chèche fè sa ki dwat+.

Korije moun k ap fè moun abi yo.

Defann dwa timoun ki pa gen papa yo*.

Plede kòz vèv yo+.”

18 Epi, Jewova di: “Kounye a, vini, annou ranje bagay yo+.

Menmsi peche nou yo tankou twal wouj,

Y ap vin blan kou nèj+,

Menmsi yo tankou yon twal wouj fonse,

Y ap vin blan kou lenn mouton.

19 Si nou dispoze koute,

N ap manje bon bagay ki gen nan peyi a+.

20 Men, si nou refize koute e n ap fè rebèl,

Y ap devore nou ak kout epe+.

Paske, se Jewova ki di sa ak bouch li.”

21 Gade ki jan vil+ ki te fidèl la vin tounen yon pwostitye+!

Te gen jistis toupatou nan vil la+.

Se moun k ap fè sa ki jis ki te konn abite ladan l+,

Men kounye a, se asasen ki gen ladan l+.

22 Ajan nou yo vin tounen fatra+,

E byè* nou yo melanje ak dlo.

23 Chèf nou yo gen tèt di e se ak vòlè yo fè zanmi+.

Yo tout renmen kado anba anba e y ap kouri dèyè kado+.

Yo pa fè timoun ki pa gen papa yo* jwenn jistis,

E yo pa janm kite pwosè vèv yo rive devan yo+.

24 Se sa k fè, men sa vrè Seyè a, Jewova, Chèf lame yo,

Bondye ki pisan an, Bondye Izrayèl la, di:

“Sa twòp atò! M ap retire advèsè m yo sou mwen,

E m ap tire revanj sou ènmi yo+.

25 M ap frape nou ak men m,

M ap pwòpte* nou pou m retire tout salte ki nan nou

E m ap retire tout sa ki pa pwòp nan nou+.

26 M ap ban nou jij ankò, menm jan sa te ye anvan,

E m ap fè nou vin gen moun k ap ban nou konsèy, menm jan sa te ye lontan+.

Apre sa, y ap rele nou Vil Jistis, Vil Fidèl+.

27 Vil Siyon ap sove paske Bondye fè sa ki jis+,

E pèp Bondye a ki retounen an ap sove paske Bondye fè sa ki dwat.

28 Y ap kraze moun ki rebèl yo ak moun k ap viv nan peche yo ansanm+,

E moun ki kite Jewova yo ap peri+.

29 Paske, tout moun ki te renmen gwo pyebwa nou te renmen yo ap wont+,

E n ap wont lè n wè sa k rive jaden* nou te chwazi yo+.

30 Paske, n ap vin tankou yon gwo pyebwa fèy li fennen+,

Tankou yon jaden ki pa gen dlo.

31 Moun ki gen fòs la ap vin tankou yon fil*,

E travay li fè ap tankou ti dife k ap vole.

Yo toule de ap pran dife ansanm,

E pèsonn pap etenn yo.”

 2 Nan dènye jou yo,

Mòn kote kay Jewova a ye a

Ap tabli byen djanm, e l ap vin pi wo pase lòt mòn yo+.

L ap vin pi wo pase ti mòn yo,

E tout nasyon yo ap vin an foul sou li+.

 3 Epi, moun nan anpil pèp va ale e yo va di:

“Vini, annou monte sou mòn Jewova a,

Ann al kay Bondye Jakòb la+.

L ap fè nou konnen wout li yo,

E n ap mache nan chemen l yo+.”

Paske, lalwa* ap soti Siyon,

E pawòl Jewova a ap soti Jerizalèm+.

 4 Bondye ap aji antanke jij nan mitan nasyon yo

E l ap met lòd* nan mitan anpil pèp.

Y ap bat epe yo pou yo fè yo tounen zouti pou raboure latè

E y ap bat lans yo pou yo fè yo tounen sèpèt+.

Nasyon yo pap pran epe pou yo atake youn lòt ankò,

E yo pap aprann fè lagè ankò+.

 5 Nou menm, desandan Jakòb, vini!

Annou mache nan limyè Jewova a+.

 6 Bondye, ou abandone pèp ou a, desandan Jakòb yo+,

Poutèt yo te vin chaje ak bagay ki soti nan Lès.

Yo fè maji+ menm jan ak moun Filisti yo

E yo chaje ak pitit moun lòt nasyon lakay yo.

 7 Peyi yo a plen ajan ak lò,

E pa gen kote ankò pou yo met tout trezò yo genyen yo.

Peyi yo a chaje ak cheval,

E pa gen kote ankò pou yo met charyo yo genyen yo+.

 8 Peyi yo a chaje ak dye ki san valè+.

Yo pwostène devan travay yo fè ak men yo,

Devan sa yo reyalize ak dwèt yo.

 9 Se konsa, lòm desann ba, li vin pa vo anyen,

E ou pa ka padone yo menm.

10 Se pou yo antre nan twou wòch e se pou yo kache anba tè

Paske yo pè Jewova

E paske li gen yon glwa ki estrawòdinè+.

11 L ap fè moun ki gen ògèy yo bese je yo,

E moun ki awogan yo ap bese tèt yo.

Se sèl Jewova k ap jwenn glwa jou sa a.

12 Paske jou sa a se pou Jewova, Chèf lame yo+.

Jou sa a ap vini sou tout moun ki gen ògèy e ki awogan,

Sou tout moun, kit se zotobre, kit se malere+,

13 Sou tout gwo pye sèd byen wo ki nan Liban yo

E sou tout pye bwadchèn ki nan Bazan yo,

14 Sou tout tèt mòn ki byen wo yo

E sou tout tèt ti mòn ki wo yo,

15 Sou tout fòtrès ki byen wo e sou tout miray ki byen solid,

16 Sou tout bato Tasis yo+

E sou tout bèl bato yo.

17 L ap desann moun ki gen ògèy yo byen ba,

E moun ki awogan yo ap bese tèt yo.

Se sèl Jewova k ap jwenn glwa jou sa a.

19 Moun yo ap antre nan twou wòch

Ak nan twou anba tè+

Paske y ap pè Jewova

E paske l ap gen yon glwa ki estrawòdinè+

Lè l ap leve kanpe pou l fè moun sou tè a tranble ak laperèz.

20 Jou sa a, moun ap pran dye ann ajan ak dye annò ki san valè yo genyen yo,

Yon seri dye yo te fè pou yo pwostène devan yo,

Y ap voye yo jete bay sourit ak chovsouri+,

21 Pou yo ka antre nan twou wòch

Ak nan fant mas wòch yo,

Paske y ap pè Jewova

E paske l ap gen yon glwa ki estrawòdinè

Lè l ap leve kanpe pou l fè moun sou tè a tranble ak laperèz.

22 Sispann met konfyans nou nan lòm, e sa ap bon pou nou.

Li fèb menm jan ak souf k ap sot nan twou nen l*.

Ki sa l ka fè pou nou?

3 Paske, gade! vrè Seyè a, Jewova, Chèf lame yo,

Ap retire tout kalite èd ak tout kalite pwovizyon Jerizalèm ak Jida genyen,

Tout manje ak tout dlo+,

 2 Ansanm ak gason vanyan yo ak mesye ki konn fè lagè yo,

Jij yo ak pwofèt yo+, divinò yo ak ansyen yo,

 3 Chèf 50 moun yo+, mesye ki nan gwo pozisyon yo ak konseye yo,

Gwo majisyen yo ak moun ki maton nan chame sèpan yo+.

 4 Se timoun m ap fè vin chèf sou yo,

E se moun ki pa konn sa yo vle* k ap dirije yo.

 5 Nan pèp la, youn ap fè lòt abi,

Yo chak ap fè youn lòt abi+,

Timoun ap derespekte granmoun,

E moun yo pa bay valè ap manke moun lòt moun respekte dega+.

 6 Chak moun ap met men sou frè yo lakay papa yo e y ap di yo:

“Ou gen yon rad, se ou ki pou kòmande nou.

Se pou w responsab pil dekonm sa a.”

 7 Men, jou sa a, li pap dakò e l ap di:

“Mwen pap panse blese nou yo*.

Mwen pa gen ni manje ni rad lakay mwen.

Pa mete m kòmande pèp la.”

 8 Paske, Jerizalèm kilbite,

E Jida tonbe,

Paske yo kont Jewova nan pawòl yo ak nan aksyon yo.

Yo aji yon fason derespektan devan Sila a ki gen glwa a*+.

 9 Figi yo trayi yo,

Epi yo plede di peche yo fè, menm jan ak moun Sodòm yo+.

Yo pa chèche kache yo.

Malè pou yo*, paske y ap rale kalamite sou tèt yo!

10 Fè moun ki dwat yo konnen bagay yo pral mache byen pou yo.

Yo pral jwenn rekonpans pou sa yo fè*+.

11 Malè pou mechan yo!

Kalamite pral tonbe sou yo,

Paske menm sa yo te fè lòt moun ak men yo, se sa yo pral fè yo tou.

12 Moun k ap fè pèp mwen an travay yo se maltrete y ap maltrete l,

E se fi k ap dirije l.

Pèp mwen an, moun k ap dirije w yo fè w pèdi wout ou.

Yo fè w pa konn ki wout pou w fè+.

13 Jewova kanpe pou l fè konnen sa yo fè,

E li kanpe pou l bay pèp yo santans yo.

14 Jewova ap jije ansyen yo ak moun ki chèf pami pèp li a, l ap di yo:

“Nou boule jaden rezen an,

E sa nou vòlè nan men pòv malere yo lakay nou+.

15 Kiyès ki ban nou dwa kraze pèp mwen an?

Epi, kiyès ki ban nou dwa fè moun ki malere yo bann abi n ap fè yo a+?” Se sa Jewova, Chèf lame yo, Seyè ki Souvren an, di.

16 Jewova di: “Piske medam ki nan Siyon yo awogan,

Y ap mache tèt* anlè,

Y ap fè je dou, y ap mache sou pòz yo

E yo fè bijou nan pye yo fè kleng kleng,

17 Jewova pral fè tèt medam Siyon yo fè gal

E Jewova pral fè fontenn tèt yo kale+.

18 Jou sa a, Jewova ap fè yo pa bèl ankò, l ap retire goumèt yo konn met nan pye yo,

Bando yo ak bijou ki gen fòm lalin yo+,

19 Zanno* yo, braslè yo ak vwal yo,

20 Mouchwa yo konn mare tèt yo, chèn yo konn met nan pye yo ak senti yo konn met nan ren yo*,

Veso yo konn met pafen yo ak meday yo,

21 Bag yo ak zanno yo konn met nan nen yo,

22 Wòb long yo konn met nan okazyon espesyal yo, manto yo ak bous yo,

23 Glas+ yo ak rad len yo*,

Gwo mouchwa yo konn vlope tèt yo ak gwo vwal yo.

24 Nan plas luil ki santi bon+, y ap gen sant yon bagay ki pouri.

Nan plas senti pou mare nan ren yo, y ap gen kòd.

Olye yo gen bèl kwafi, tèt yo ap chòv+.

Olye yo gen rad moun rich, y ap gen rad sak+,

E olye yo bèl, y ap gen mak* sou kò yo.

25 Y ap touye mesye w yo ak kout epe,

E gason vanyan w yo ap mouri nan lagè+.

26 Pòtay vil Siyon yo tankou yon fi k ap kriye, ki nan lapenn+,

E ki chita atè tou depafini+.”

“N ap manje manje nou genyen

E n ap mete pwòp rad nou.

Sèl sa n ap mande w, kite nou pot non w

Pou w retire nou nan lawont*+.”

5 Tanpri, kite m chante pou moun mwen renmen an,

Yon chante ki pale de moun mwen renmen an ansanm ak jaden rezen l lan+.

Moun mwen renmen an gen yon jaden rezen nan ren yon ti mòn ki bay anpil rannman.

 2 Li vire tè a e li retire wòch ladan l.

Li plante yon bon kalite rezen wouj ladan l,

Li fè yon gerit nan mitan l

E li fouye yon basen pou l kraze rezen+.

Apre sa, li gen espwa jaden an ap donnen bon rezen,

Men, se move kalite rezen sèlman li bay+.

 3 Se sa k fè li di: “Kounye a, nou menm moun ki rete Jerizalèm e nou menm mesye Jida yo,

Tanpri, fè yon jijman ant mwen menm ak jaden rezen m nan+.

 4 Ki sa ankò mwen te ka fè

Pou jaden rezen m nan mwen pa t fè+?

Poukisa lè m te gen espwa m ap jwenn bon kalite rezen

Se move kalite rezen sèlman li te fè?

 5 Kounye a, tanpri, kite m di nou

Sa m pral fè nan jaden rezen m nan:

M ap retire lantouray li a,

E y ap boule l nèt+.

M ap kraze miray an wòch li a,

Epi, moun ap mache sou li.

 6 M ap fè l tounen yon savann ki fin depafini+.

Yo pap netwaye l e yo pap sekle l.

L ap vin chaje ak pikan ak move zèb+,

E m ap bay nyaj yo lòd pou yo pa fè lapli tonbe sou li+.

 7 Paske, jaden rezen Jewova, Chèf lame yo, se pèp Izrayèl la+.

Moun Jida yo se plantasyon* li renmen an.

Li t ap tann jistis+,

Men, gade! Se enjistis ki genyen.

Li t ap tann sa ki dwat,

Men, gade! Se rèl moun yo ap fè pou mande sekou+.”

 8 Malè pou moun ki gen kay sou kay+

E pou moun ki gen tè sou tè+

Jiskaske pa gen kote ankò

E jiskaske yo ret ap viv poukont yo nan peyi a!

 9 Jewova, Chèf lame yo, fè sèman nan zòrèy mwen,

Li fè konnen gen anpil kay, byenke yo gwo e yo bèl,

K ap vin nan yon eta k ap fè moun sezi,

E yo pap gen pèsonn ladan yo+.

10 Twa kawo* tè ki gen jaden rezen ap bay yon bat* diven,

E yon homè* semans ap bay sèlman yon efa* lè l donnen+.

11 Malè pou moun ki leve granmmaten pou yo bwè bwason ki gen alkòl+

E ki kontinye bwè diven rive byen ta nan aswè jiskaske yo sou!

12 Yo gen hap* ak enstriman mizik ki gen kòd,

Yo gen tanbouren ak flit, e gen diven nan fèt y ap fè yo.

Men, yo pa reflechi sou travay Jewova,

E yo pa wè travay li fè ak men l.

13 Se sa k fè pèp mwen an pral ann egzil,

Paske yo pa konnen m+.

Gwo potanta yo pral grangou+,

E tout moun pa yo ap depafini tèlman y ap swaf.

14 Se sa k fè Tonm nan* ouvè kò l* byen laj,

E li ouvri bouch li byen laj, san limit+.

Moun enpòtan nan peyi a, foul moun li genyen k ap fè bri yo ak moun k ap banboche yo

Ap desann ladan l san mank.

15 Epi, moun ap vin ba,

Y ap rabese moun,

E y ap fè moun ki awogan yo bese je yo.

16 Jewova, Chèf lame yo, ap jwenn anpil glwa pou jijman* li fè a.

Vrè Dye a, Bondye ki sen an+, ap montre jan li sen paske li fè sa ki dwat+.

17 E ti mouton yo ap manje zèb kòmsi yo te nan patiraj yo.

Epi, etranje yo ap manje nan zòn ki fin depafini yo, kote bèt byen gra yo te rete yon lè.

18 Malè pou moun k ap bay manti yo! Sa fè yo trennen sa ki mal ak peche dèyè yo

Tankou bèt k ap rale charyo ki mare ak kòd.

19 Moun k ap di: “Se pou l travay pi vit!

Se pou travay la fèt vit pou nou ka wè l!

Se pou objektif* Bondye Izrayèl la, Bondye ki sen an, reyalize

Pou nou ka konn objektif li+!”

20 Malè pou moun ki di sa k bon an pa bon e ki di sa k pa bon an bon+,

Pou moun ki met fènwa nan plas limyè e ki met limyè nan plas fènwa,

Pou moun ki met sa ki anmè nan plas sa ki dous e ki met sa ki dous nan plas sa ki anmè!

21 Malè pou moun ki pran tèt yo pou moun ki gen sajès

E ki panse yo entèlijan+!

22 Malè pou moun ki lage kò yo nan bwè diven,

Pou moun ki fò nan prepare bwason ki gen alkòl+,

23 Pou moun ki di mechan an pa koupab paske mechan an ba yo kado anba anba+,

E ki refize fè moun ki dwat la jwenn jistis+!

24 Konsa, menm jan yon ti dife boule pay ki atè

E zèb sèch yo boule nan dife,

Rasin yo ap pouri

E boujon yo ap gaye tankou poud,

Paske yo meprize lwa* Jewova, Chèf lame yo,

E yo pa gen respè pou pawòl Bondye Izrayèl la, Bondye ki sen an+.

25 Se sa k fè, Jewova ap fache anpil kont pèp li a,

E l ap lonje men l pran yo pou l pini yo+.

Mòn yo ap tranble,

E kadav moun yo ap tankou fatra nan lari+.

Akoz tout bagay sa yo, kòlè l pa bese,

E men l ret lonje pou l pini yo.

26 Li met yon siy* kanpe pou yon nasyon ki byen lwen+.

Li soufle pou l rele moun k ap viv nan dènye bout tè a+.

Epi, gade! Y ap vini byen vit+.

27 Pa gen youn ladan yo ki bouke oswa ki kilbite.

Pa gen youn k ap kabicha oswa k ap dòmi.

Senti yo pa demare nan ren yo,

E lasèt sandal yo pa kase.

28 Tout flèch yo file,

E tout banza* yo detire*.

Zago cheval yo di kou wòch,

E wou charyo yo genyen yo vire tankou van tanpèt+.

29 Moun sa yo gwonde tankou lyon.

Yo gwonde tankou jenn lyon*+.

Y ap gwonde e y ap pran sa yo vle a,

Y ap pote l ale san pèsonn pa retire l nan men yo.

30 Jou sa a, y ap gwonde sou yo

Kòmsi se lanmè a k ap gwonde+.

Nenpòt moun ki voye je gade peyi a ap wè yon fènwa ki bay laperèz.

Menm syèl la vin tou nwa akoz nyaj yo ki bare limyè solèy la+.

 3 Youn t ap di lòt byen fò:

“Jewova, Chèf lame yo, sen, li sen, li sen+.

Glwa l plen tout tè a nèt.”

 5 Apre sa, mwen di: “Malè pou mwen!

Mwen deja mouri*,

Paske se yon moun mwen ye, pawòl ki sot nan bouch mwen pa pwòp,

Epi, pawòl ki sot nan bouch pèp m ap viv nan mitan l lan pa pwòp+.

Paske mwen wè Wa a menm, Jewova, Chèf lame yo, ak je m!”

Ou pa koupab ankò,

E Bondye padone peche w.”

 9 Epi, li di m: “Ale, epi di pèp sa a:

‘N ap tande, e n ap tande ankò,

Men, nou pap konprann anyen.

N ap wè, e n ap wè ankò,

Men, nou pap konn anyen+.’

10 Se pou w fè kè pèp sa a vin di+,

Se pou w bouche zòrèy yo+

E se pou w fèmen je yo

Pou yo ka pa wè ak je yo

E pou yo ka pa tande ak zòrèy yo,

Yon fason pou yo pa konprann anyen,

Pou yo pa kase tèt tounen pou yo jwenn gerizon.”

“Jiskaske vil yo kraze tounen dekonm san okenn moun ladan yo,

Jiskaske kay yo pa gen moun ladan yo

E jiskaske peyi a fin depafini e pa ret anyen ladan l+,

12 Jiskaske Jewova voye moun yo ale byen lwen+,

E jiskaske pifò kote nan peyi a vin tounen yon dezè.

“Sa pap mache

E sa pap fèt.

 8 Paske tèt Siri se Damas,

E tèt Damas se Rezin.

Nan 65 an sèlman,

Efrayim ap kraze nèt e li pap yon pèp ankò+.

 9 Tèt Efrayim se Samari+,

E tèt Samari se pitit gason Remalya a+.

Si w pa gen yon lafwa ki djanm,

Ou pap an sekirite.”’”

 6 “Piske pèp sa a meprize dlo Siloye* a k ap koule byen dousman+,

E yo kontan ak Rezin ak pitit gason Remalya a+,

 7 Ebyen, gade! Jewova ap voye

Wa Asiri a+, yon wa ki pisan anpil,

Vin batay ak yo.

L ap vin byen vit avèk gwo lame l la,

Tankou lè gwo dlo Rivyè a* debòde

 8 E li kouvri tout peyi Jida.

L ap anvayi l e l ap pase tout kote, l ap rive ra kou+.

Zèl li ap blayi sou tout lajè peyi w la,

O Emànyèl*+!”

 9 Nou menm pèp, nou mèt fè moun mal, men y ap kraze nou fè miyèt moso.

Koute, nou tout ki sot nan zòn ki byen lwen sou tè a!

Nou mèt prepare nou pou lagè*, men y ap kraze nou fè miyèt moso+!

Nou mèt prepare nou pou lagè, men y ap kraze nou fè miyèt moso!

10 Nou mèt fè plan, men y ap kraze l.

Nou mèt di sa nou vle, men sa pap mache,

Paske Bondye avèk nou*+!

12 “Sa pèp sa a rele konplo, ou menm, pinga w rele l konplo.

Ou pa dwe pè sa yo pè.

Pinga sa fè w tranble.

13 Ou dwe sonje se Jewova, Chèf lame yo, sèlman ki sen+.

Se pou li sèlman ou dwe gen lakrentif,

E se li menm sèl ki dwe fè w tranble+.”

14 L ap vin tankou yon kote ki sakre,

Men, l ap vin tankou yon wòch moun ka frape ladan l

E tankou yon mas wòch pou fè moun bite+

Pou moun nan toule de kay ann Izrayèl yo,

Tankou yon pèlen e tankou yon pyèj

Pou moun ki rete Jerizalèm yo.

15 Anpil ladan yo ap bite, y ap tonbe e y ap blese grav.

Y ap pran yo nan pyèj e y ap kenbe yo.

16 Vlope dokiman yo ekri kòm prèv la*,

Mete so sou lwa a* nan mitan disip mwen yo.

 2 Moun ki t ap mache nan fènwa yo

Wè yon gwo limyè.

Kanta pou moun k ap viv nan tèritwa ki gen fènwa pwès la,

Limyè klere yo+.

 3 Ou fè nasyon an vin gen anpil moun.

Ou fè kè moun yo vin kontan anpil.

Yo kontan devan w,

Menm jan ak moun ki kontan lè y ap fè rekòt,

Menm jan ak moun ki kontan separe sa yo pran.

 4 Paske w kase jouk yo t ap pote chay yo a, ou fè l fè plizyè moso,

E w kase baton ki te sou zepòl yo a, baton moun ki t ap fòse yo travay la,

Tankou lè Madyan te pèdi lagè a+.

 5 Tout bòt moun k ap pile tè a lè y ap mache

Ak tout rad ki benyen ak san

Ap vin tounen bwa pou limen dife.

 6 Paske, gen yon timoun ki vin fèt pou nou+.

Yo ban nou yon pitit gason.

E pouvwa a* ap sou zepòl li+.

Y ap rele l gran Konseye+, Dye pisan+, Papa ki la pou toutan, Prens lapè.

 7 Gouvènman l lan ap kontinye gen plis pouvwa

E lapè ap kontinye blayi nètale+

Sou twòn David la+ e sou wayòm li an,

Pou wayòm nan ka byen tabli+ e pou l ret djanm

Grasa sa ki jis+ ak sa ki dwat+,

Depi kounye a e pou toutan.

Jewova, Chèf lame yo, byen deside fè sa.

 8 Jewova bay yon mesaj kont Jakòb,

Yon mesaj kont Izrayèl+.

 9 Epi, tout pèp la ap vin konn mesaj sa a,

Anpalan de moun Efrayim yo ak moun ki rete Samari yo.

Piske moun sa yo gen ògèy e yo awogan, y ap di:

10 “Se kay brik ki te kraze,

Men, se kay ki fèt ak wòch ki byen taye n ap bati+.

Se pye sikomò yo te koupe,

Ebyen, se pyebwa sèd n ap met nan plas yo.”

11 Jewova ap fè advèsè Rezin yo leve kont Efrayim

E l ap fè ènmi l yo aji.

12 L ap fè Siri leve nan lès e l ap fè moun peyi Filisti yo leve nan lwès*+.

Y ap ouvè bouch yo pou yo devore Izrayèl+.

Akoz tout bagay sa yo, kòlè l pa bese,

E men l ret lonje pou l pini yo+.

13 Paske pèp la pa retounen vin jwenn Sila a ki frape yo a.

Yo pa chèche Jewova, Chèf lame yo+.

14 Nan yon sèl jou, Jewova ap koupe

Tèt ak ke, boujon ak zèb ki byen wo* ann Izrayèl+.

15 Tèt la se granmoun gason yo respekte anpil yo,

E ke a se pwofèt k ap bay fo ansèyman yo+.

16 Moun k ap dirije pèp sa a fè l pèdi wout li,

E moun y ap dirije yo pa konn sa pou yo fè.

17 Se sa k fè, Jewova pap kontan ak jèn moun yo ki nan pèp sa a,

Li pap gen pitye pou timoun ki pa gen papa* ak fi ki pèdi mari yo ki nan pèp sa a,

Paske yo tout vire do bay Bondye, yo se moun k ap fè sa ki mal+,

E yo tout ap pale pawòl ki pa gen sans.

Akoz tout bagay sa yo, kòlè l pa bese,

E men l ret lonje pou l pini yo+.

18 Paske, move aksyon tankou dife ki tou limen

K ap boule pikan ak move zèb.

Y ap boule zòn ki chaje pyebwa nan forè a,

E sa ap fè gwo lafimen monte.

19 Akoz kòlè Jewova, Chèf lame yo,

Yo met dife nan peyi a,

E kò moun yo ap vin menm jan ak bwa pou fè dife a ret limen.

Pèsonn pap ka sove menm frè l.

20 Yon moun ap koupe vyann sou bò dwat,

Men, l ap toujou grangou.

E yon moun ap manje vyann sou bò goch,

Men, vant li pap plen.

Chak moun ap manje vyann ponyèt yo.

21 Manase ap devore Efrayim,

Efrayim ap devore Manase.

Yo toule de pral leve ansanm kont Jida+.

Akoz tout bagay sa yo, kòlè l* pa bese,

E men l ret lonje pou l pini yo+.

10 Malè pou moun k ap fè lwa pou bay lòt moun pwoblèm+,

Ki toujou ap fè dekrè pou fè moun abi,

 2 Pou yo pa tande malere k ap defann dwa yo,

Pou yo anpeche piti yo ki nan pèp mwen an jwenn jistis+.

Yo piye byen fi ki pèdi mari yo

E yo vòlè zafè timoun ki pa gen papa yo*+.

 3 Ki sa nou pral fè jou yo pral regle avèk* nou an+,

Lè y ap sot byen lwen pou yo vin detwi nou+?

Kot kiyès n ap kouri al chèche èd+,

E ki kote n ap kite richès* nou yo?

 4 Pa gen anyen k ap rete, sof moun ki pou akoupi pami prizonye yo

Oswa moun ki dwe tonbe pami moun yo touye yo.

Akoz tout bagay sa yo, kòlè l* pa bese,

E men l ret lonje pou l pini yo+.

 5 Men sa l di: “Gade! Men moun Asiri a+!

Li se baton m ap itilize pou m montre kòlè m+,

E m ap itilize baton ki nan men l lan pou m bay pinisyon.

 6 M ap voye l kont yon nasyon ki vire do ban mwen+,

Kont pèp ki fè m an kòlè a.

M ap ba l lòd pou l met men sou anpil byen, pou l piye anpil bagay

E pou l mache sou yo kòmsi se sou labou ki nan lari+.

 7 Men, se pa entansyon sa a l ap genyen nan tèt li,

E li pap gen plan konsa nan kè l.

Paske, li gen nan kè l pou l kraze brize,

E pou l detwi anpil nasyon, pa bann e pa pakèt.

 8 Paske, men sa l di:

‘Èske moun k ap sèvi m antanke prens yo se pa wa yo ye tou+?

 9 Èske Kalno+ pa menm jan ak Kakemich+?

Èske Amat+ pa menm jan ak Apad+?

Èske Samari+ pa menm jan ak Damas+?

10 Mwen te met men sou wayòm k ap adore dye ki san valè yo,

Yon seri wayòm ki te gen plis zidòl pase Jerizalèm ak Samari+.

11 Menm sa m te fè Samari ak dye ki san valè li te genyen yo,

Èske se pa sa m ap fè Jerizalèm ak zidòl ki ladan l yo tou+?’

‘Se ak fòs ponyèt mwen, m ap fè sa

E m ap fè sa ak sajès mwen, paske mwen gen sajès.

M ap retire fwontyè pèp yo+,

M ap piye trezò yo genyen yo+,

Epi, menm jan ak yon gason vanyan, m ap fè moun nan peyi sa yo soumèt devan m+.

14 Menm jan ak yon moun k al nan yon nich zwazo,

M ap pran sa pèp yo genyen.

Menm jan ak yon moun k ap ranmase ze zwazo kouri kite,

M ap pran tout tè yo genyen!

Pèsonn pap ouvri zèl yo, ni ouvè bouch yo pou yo di krik.’”

15 Èske yon rach ap pran pòz li se yon pakèt afè devan moun k ap koupe bwa avè l la?

Èske yon goyin ap met tèt li pi wo pase moun k ap itilize l la?

Èske yon bout bwa+ yon moun leve anlè ka balanse moun nan pasipala?

Oubyen èske yon baton ka leve yon moun ki kenbe l?

16 Se sa k fè, vrè Seyè a, Jewova, Chèf lame yo,

Ap fè mesye ki gra nan peyi Asiri yo fin depafini+,

E l ap limen yon gwo flanm dife anba glwa peyi Asiri+.

17 Limyè pèp Izrayèl la+ ap tounen yon dife+,

E Bondye Izrayèl la, Bondye ki sen an, ap tounen yon flanm dife.

Dife a ap boule move zèb ak pye pikan Asiri yo yon sèl jou e l ap kankannen yo.

18 Bondye ap elimine bèl forè Asiri a ak bèl jaden l genyen yo nèt*,

Tankou lè yon moun malad ap depafini+.

19 Kantite pyebwa k ap ret nan forè l la

Ap tèlman piti, menm yon timoun ap ka ekri kantite ki rete a.

20 Jou sa a, kantite moun k ap rete ann Izrayèl yo

Ak desandan Jakòb k ap chape yo

Pap chèche èd nan men moun ki te fè yo mal la ankò+.

Men, y ap chèche èd nan men Jewova,

Bondye Izrayèl la, Bondye ki sen an, e y ap fè sa ak tout kè yo.

21 Se sèlman yon ti rès,

Rès desandan Jakòb yo, k ap tounen vin jwenn Bondye pisan an+.

22 Paske, byenke pèp ou a, o Izrayèl,

Tankou grenn sab bò lanmè,

Se sèlman yon ti rès ladan yo k ap retounen+.

Bondye deja deside detwi pèp sa a+,

E l ap lage pinisyon sou yo avèk jistis+.

23 Wi, se Jewova, Chèf lame yo, Seyè ki Souvren an, ki deside detwi pèp la,

E sa pral fèt nan tout peyi a nèt+.

27 Jou sa a, chay li a ap sot sou zepòl nou+,

Jouk li a pap sou kou nou+,

E jouk la ap kase+ grasa luil* la.”

28 Li atake Ayat+.

Li travèse Migwon.

Li depoze zafè l Mikmach+.

29 Li janbe pas dlo a.

Li pase nuit Geba+.

Moun nan Rama pran tranble, moun Gibeya+, vil Sayil la, pran kouri+.

30 Nou menm moun Galim, fè rèl, rele byen fò!

Nou menm moun Layich, veye kò nou!

O moun Anatòt+! Sa fè m mal pou nou!

31 Moun Madmena yo kouri ale.

Moun Gebim yo al chèche yon kote pou yo abrite yo.

32 Jou sa a menm, l ap fè yon kanpe nan Nòb+.

L ap mare pwen l pou l menase moun ki ret sou Mòn Siyon yo,

Mòn Jerizalèm nan.

33 Gade! Vrè Seyè a, Jewova, Chèf lame yo,

Ap koupe yon seri branch k ap fè gwo bri lè yo tonbe+.

L ap koupe pyebwa ki pi wo yo

E l ap lage gwo pyebwa yo atè.

34 L ap kraze zòn ki gen anpil pyebwa nan forè a ak yon zouti ki fèt an fè*,

E yon gason vanyan ap lage pyebwa Liban yo atè.

11 Gen yon ti branch+ k ap pouse nan chouk Jese a+,

Gen yon boujon+ k ap soti nan rasin li e k ap bay fwi.

 2 Epi, lespri Jewova ap poze sou li*+,

Se sa k fè l ap gen sajès+, l ap gen anpil bon konprann,

L ap bay bon konsèy, l ap gen fòs+,

L ap gen anpil konesans e l ap gen lakrentif pou Jewova.

 3 L ap pran plezi montre li gen lakrentif pou Jewova+.

Li pap jije moun selon sa je l ba li,

Ni li pap korije moun sèlman sou sa zòrèy li tande+.

 4 L ap jije malere yo san paspouki*,

E l ap korije moun yon fason ki jis poutèt moun ki gen imilite sou tè a.

L ap frape moun sou tè a ak baton ki nan bouch li a+,

E l ap touye mechan yo ak souf* ki sot nan bouch li+.

 5 Jistis ap vin senti ki mare nan tay li,

E fidelite ap vin senti ki nan ren l+.

 6 Lou ap rete pandan yon tan bò kot ti mouton+.

Leyopa ap ret kouche ansanm ak jenn kabrit.

Ti bèf ak lyon* ansanm ak bèt ki byen gra, yo tout ap ansanm*+,

E se yon tigason k ap mennen yo.

 7 Gazèl bèf ak lous ap manje ansanm,

E pitit yo ap kouche ansanm.

Lyon ap manje pay tankou towo bèf+.

 8 Timoun ki nan tete ap jwe sou twou kobra,

E timoun ki sevre ap mete men yo sou bouch twou sèpan ki gen pwazon.

 9 Yo pap fè okenn mal+,

Ni okenn ravaj okenn kote sou mòn mwen an ki sakre+,

Paske, san mank, tè a pral plen konesans sou Jewova

Menm jan lanmè a plen dlo+.

10 Jou sa a, rasin Jese a+ ap kanpe tankou yon siy pou pèp yo+.

Nasyon yo ap chèche direksyon nan men l*+,

E kote l rete a ap vin gen anpil glwa.

13 Jalouzi Efrayim genyen an ap fini+

Epi, y ap detwi moun ki kont Jida yo.

Efrayim pap jalou sò Jida,

E Jida pap kont Efrayim+.

14 Y ap desann byen vit sou pant mòn ki nan peyi* moun Filisti yo nan lwès,

Y ap met ansanm pou yo piye moun ki nan Lès yo.

Y ap met men yo sou* Edòm+ ak Mowab+,

E desandan Amon yo ap vin anba lòd yo+.

15 Jewova ap fann* yon pati nan* lanmè peyi Ejip la+,

E l ap lonje men l pou l frape Rivyè a*+.

L ap soufle yon van* cho sou sèt branch Rivyè a*,

E l ap fè moun yo travèse l ak sandal nan pye yo.

16 Pral gen yon gwo wout+ k ap sot Asiri pou rès pèp li a pase+,

Menm jan te gen youn pou pèp Izrayèl jou yo t ap kite peyi Ejip la.

“O Jewova, mwen di w mèsi.

Paske, malgre w te fache kont mwen,

Kòlè w te vin bese tikras pa tikras e w te konsole m+.

 2 Se Bondye ki delivrans mwen+.

M ap met konfyans mwen nan li e mwen pap pè anyen+.

Paske Ja*, Jewova, se fòs mwen, li se pisans mwen

E li se delivrans mwen+.”

 3 Se ak kè kontan n ap pran dlo

Nan sous delivrans lan+.

 4 Jou sa a n ap di:

“Se pou n di Jewova mèsi, se pou n envoke non l!

Se pou n fè pèp yo konnen aksyon l fè yo+!

Se pou n fè konnen jan non l gran+!

 5 Se pou n chante pou nou fè louwanj*+ pou Jewova, paske li fè anpil bagay estrawòdinè+!

Se pou nou fè moun tout kote sou tè a konn sa!

 6 Nou menm moun* Siyon, se pou nou rele, se pou n fè rèl pou n montre jan n kontan!

Paske, Bondye Izrayèl la, Bondye ki sen an, gen pisans nan mitan nou.”

 2 “Mete yon siy*+ kanpe sou yon mòn kote se wòch ase ki genyen.

Rele sòlda yo, voye men ba yo

Pou yo ka antre nan pòtay vil la, kote gwo potanta yo konn pase yo.

 3 Mwen bay moun mwen chwazi yo*+ lòd.

Mwen rasanble sòlda m yo, yon seri sòlda ki fyè e ki gen kè kontan,

Pou m montre jan m an kòlè.

 4 Koute! Gen yon foul moun nan mòn yo.

Yo tankou yon gwo pèp k ap fè bri.

Koute! Gen bri nan wayòm yo,

Nan nasyon ki reyini ansanm yo+.

Jewova, Chèf lame yo, ap prepare yon lame pou l fè lagè+.

 5 Yo sot nan yon peyi ki byen lwen+,

Nan dènye bout tè a*,

Jewova ap sèvi ak yo kòm zam li paske l an kòlè,

Pou l lage malè sou tout tè a+.

 6 Se pou n rele, paske jou Jewova a toupre rive!

Jou sa a, Toupisan an ap detwi tout sa k nan peyi nou an+.

 7 Se sa k fè, men tout moun ap vin pòk,

E laperèz ap anvayi kè tout moun+.

 8 Moun yo ap boulvèse anpil+.

Y ap tòde e y ap soufri

Tankou fi ki gen tranche.

Youn ap gade lòt, y ap gen yon gwo laperèz,

Y ap tèlman pè, sa ap parèt sou figi yo.

 9 Gade! Jou Jewova a rive.

Se yon jou kote l ap san pitye, l ap fache anpil e l ap an kòlè anpil,

Pou l fè moun sezi wè eta peyi a+,

E pou l efase tout moun k ap fè peche ladan l.

10 Paske zetwal yo nan syèl la ak gwoup zetwal ki bò kote yo*+

Ap sispann klere.

Solèy la ap vin tou nwa lè l leve

E lalin nan pap klere.

11 M ap mande moun ki abite sou tè a regleman pou bagay mal yo fè+,

E m ap mande mechan yo regleman pou peche yo fè.

M ap fè moun ki pran dwa ki pa pou yo sispann gen ògèy,

E m ap rabese chèf ki mechan yo ki gen ògèy+.

12 M ap fè lòm vin pi ra pase lò bon kalite+,

Wi, m ap fè moun vin pi ra pase lò ki sot Ofi+.

13 Se poutèt sa, mwen menm, Jewova, Chèf lame yo, m ap fè syèl la tranble

E m ap fè tè a tranble kòmsi li t ap kite plas li+,

Paske jou sa a m ap an kòlè e m ap move anpil.

14 Menm jan ak yon gazèl* k ap kouri pou chasè e menm jan ak yon twoupo bèt ki pa gen moun pou rasanble yo,

Chak moun ap tounen al jwenn pèp yo,

Chak moun ap kouri al nan peyi yo+.

15 Tout moun ènmi yo jwenn, y ap pike yo,

E tout moun yo pran, y ap touye yo ak kout epe+.

16 Y ap rache pitit yo fè miyèt moso devan je yo+,

Y ap piye kay yo

E y ap vyole madanm yo.

17 M ap fè moun peyi Medi yo+,

Ki pa pran ajan pou anyen

E ki pa enterese nan lò, leve kont yo.

18 Avèk banza* yo, y ap fè jèn gason yo fè miyèt moso+,

Yo pap gen pitye pou tibebe nan vant,

E yo pap gen konpasyon pou timoun.

19 Epi, Babilòn, wayòm ki gen plis glwa a*+,

Bèl wayòm ki fè moun Kalde yo fyè a+,

Ap vin tankou Sodòm ak Gomò lè Bondye te detwi yo a+.

20 Pap janm gen moun ki abite ladan l,

E jenerasyon apre jenerasyon, moun pap janm ka ret kote sa a+.

Okenn Arab pap monte tant li nan peyi sa a

E okenn bèje pap mennen twoupo mouton yo pran repo la.

21 Se bèt ki viv nan dezè k ap kouche la.

Kay moun yo te genyen yo ap plen frize.

Se otrich k ap rete la+,

E se kabrit mawon* k ap sote ponpe la.

22 Se lou k ap rele nan gerit li yo,

E se chen sovaj k ap jape nan bèl palè l yo.

Lè jijman l lan toupre rive, e yo pap ba l yon jou anplis+.”

“Gade ki jan moun ki t ap fòse moun travay di a fini!

Gade ki jan pa gen abi ak zak maspinay ankò+!

 5 Jewova kase baton mechan yo,

Baton moun ki chèf yo+,

 6 Moun ki te fache e ki t ap bat pèp yo san rete a+,

Moun ki t ap dirije nasyon yo avèk kòlè a e ki t ap pèsekite yo san rete a+.

 7 Kounye a, tout tè a trankil, pa gen pèsonn k ap kraze brize ankò.

Moun ap fè rèl tèlman yo kontan+.

 8 Menm pye jenevriye yo kontan pou sa k rive w la,

E pye sèd ki nan Liban yo kontan tou.

Yo di: ‘Depi lè w tonbe a,

Pa gen pèsonn ki konn koupe bwa ki vin koupe nou lage atè.’

 9 Menm Tonm nan* ki anba a pran vole anlè

Lè l ap vin resevwa w.

Kou w vini, li reveye moun ki mouri yo,

Tout diktatè* ki te sou tè a.

Li fè tout wa nasyon yo leve kanpe sou twòn yo.

10 Yo tout kòmanse pale avè w e y ap di w:

‘Èske ou menm tou, ou vin fèb tankou nou?

Èske w vin menm jan ak nou?

11 Ògèy ou te genyen an desann nan Tonm nan*

Ansanm ak mizik moun yo te konn jwe pou ou yo+.

Vè gaye anba do w, yo tounen kabann ou,

E vè kouvri w tankou yon dra.’

12 Gade ki jan w sot nan syèl la ou tonbe!

O zetwal k ap klere, ou menm pitit douvanjou!

Gade ki jan w tonbe atè,

Ou menm ki te konn pot laviktwa sou nasyon yo+!

13 Ou te di nan kè w: ‘M ap monte nan syèl la+.

M ap leve twòn mwen met anlè zetwal Bondye yo+,

E m ap chita sou mòn kote ki konn gen reyinyon an,

Kote nan nò ki pi lwen yo+.

14 M ap monte anlè nyaj yo.

M ap fè tèt mwen vin sanble ak Sila a ki nan pi gwo pozisyon an.’

15 Men, se desann y ap fè w desann nan Tonm nan*,

Kote ki pi fon nan twou a.

16 Moun ki wè w yo ap ret ap gade w.

Y ap pwoche pou yo byen gade w, y ap di:

‘Se pa nonm sa a ki t ap souke tè a,

Ki t ap fè wayòm yo tranble a+,

17 Ki te fè tè a vin tankou yon dezè a,

Ki te met vil yo tèt anba sou tè a+

E ki te refize kite prizonye l yo al lakay yo+?’

18 Tout lòt wa nasyon yo,

Wi, yo tout nèt, kouche ak tout glwa yo,

Yo chak nan tonm* pa yo.

19 Men, ou menm, san yo pa ba w yon tonm, yo voye w jete

Tankou yon boujon* yo pa vle wè.

Se kadav moun yo pike ak epe ki vin tounen rad sou ou,

Yon seri kadav k ap desann nan yon twou ki gen anpil wòch,

Tankou kadav yo pilonnen anba pye.

20 Ou pa pral jwenn yo nan tonm nan,

Paske ou te detwi peyi w la,

E w te touye pèp ou a.

Yo pap janm site non pitit moun k ap fè sa ki mal yo ankò.

21 Piske zansèt li yo koupab,

Prepare nou pou n touye pitit li yo

Pou yo pa leve kanpe, pou yo pa pran tè a kòm byen pa yo

E pou yo pa plen peyi a ak vil pa yo.”

24 Jewova, Chèf lame yo, fè sèman, li di:

“Sa m te vle a, se sa k ap rive,

E sa m te deside a, se sa k ap fèt.

25 M ap kraze moun peyi Asiri a nan peyi m nan

E m ap pilonnen l sou mòn mwen yo+.

Jouk li a ap sot sou kou pèp mwen an,

E chay li a ap sot sou zepòl yo+.”

26 Se sa ki deside* kont tout tè a,

E li lonje men l pou l frape tout nasyon yo.

27 Piske Jewova, Chèf lame yo, pran desizyon l,

Ki moun ki ka anpeche l fè sa l deside a+?

Li lonje men l,

Ki moun ki ka desann li+?

29 “Nou menm, moun peyi Filisti, pinga nou youn kontan

Poutèt yo kase baton moun k ap bat nou an.

Paske ze sèpan an+ ap kale yon sèpan ki gen pwazon+,

E pitit li a ap tounen yon sèpan ki rapid* e ki gen yon pwazon ki boule.

30 Pandan premye pitit malere yo ap manje,

E pandan pòv la kouche byen trankil,

M ap fè grangou touye moun ou yo,

E y ap touye ti rès nan nou ki rete yo+.

31 O pòtay, ou mèt rele anmwe! Ou menm vil, ou mèt pete yon rèl!

Nou menm moun peyi Filisti, nou tout ap pèdi fòs,

Paske, gen yon lame ki tankou yon lafimen k ap soti nan nò,

E pa gen youn nan sòlda ki ladan l yo ki febli.”

32 Ki sa pou yo reponn moun k ap pot mesaj pou nasyon an?

Se pou yo di yo: se Jewova ki fè fondasyon Siyon+,

E moun ki pi ba yo ki nan pèp li a ap pran refij ladan l.

Paske yo ravaje l nan yon sèl nuit,

Yo fè moun nan vil A+ yo nan peyi Mowab fèmen bouch yo.

Paske yo ravaje l nan yon sèl nuit,

Yo fè moun nan vil Ki+ yo nan peyi Mowab fèmen bouch yo.

 2 Mowab monte al nan tanp lan e li monte Dibon+,

L al kote ki wo yo pou l kriye.

L ap rele pou Nebo+ ak Medeba+.

Tèt tout moun kale+ e bab tout moun koupe+.

 3 Nan ri ki ladan l yo, moun yo met rad sak sou yo.

Yo tout pran rele sou do kay yo ak sou plas piblik yo,

Yo desann ak dlo nan je+.

 4 Esbon ak Eleyale+ pran rele,

Moun tande vwa yo jis Jahaz+.

Se sa k fè sòlda Mowab yo kontinye ap rele.

Moun nan nasyon an pran tranble.

 5 Mwen kriye nan kè m pou Mowab.

Moun ki kouri kite l yo rive jis Sowa+ ak Eglatchelichiya+.

Yo monte pant Loukit ak dlo nan je,

Yo pran kriye byen fò nan wout ki mennen Owonayim nan akoz dezas ki rive a+.

 6 Paske, dlo Nimrim nan seche nèt,

Zèb yo vin sèch,

Zèb yo disparèt, e pa gen okenn plant vèt ki rete.

 7 Se sa k fè yo pote sa k ret nan depo yo ak richès yo genyen yo ale.

Yo travèse vale ki gen pye pepliye yo.

 8 Rèl yo gaye toupatou nan tèritwa Mowab+.

Rèl yo rive Eglayim,

E rèl yo rive Beyèrelim.

 9 Dlo Dimon an plen san,

E men sa m sere ankò pou Dimon:

Yon lyon ap atake moun Mowab ki chape yo

Ak moun ki rete nan peyi a+.

16 Voye yon mouton bay chèf peyi a,

Soti Sela, travèse dezè a,

Pou al nan mòn vil Siyon an.

 2 Tankou yon zwazo yo chase nan nich li+,

Se konsa moun ki rete Mowab yo ap ye bò pas dlo Anon yo+.

 3 “Bay konsèy, pran desizyon.

Fè lonbray nou ki parèt a midi a vin menm jan ak aswè.

Kache moun ki gaye yo e pinga n trayi moun k ap kouri pou yo chape yo.

 4 Mowab, se pou moun ki gaye yo ret lakay ou.

Se pou w vin tounen yon kote pou yo kache akoz moun k ap touye moun nan+.

Moun k ap toupizi moun nan ap pèdi lavi l,

Kraze brize a ap fini,

E moun k ap pilonnen lòt moun anba pye yo ap peri sou tè a.

 5 Lè sa a, gen yon twòn k ap tabli byen djanm grasa lanmou ki fidèl+.

Moun ki chita sou li nan tant David la ap fidèl,

L ap jije san paspouki, li pap pèdi tan pou l fè sa ki jis+.”

 6 Nou tande pale de ògèy Mowab genyen, li gen anpil ògèy+.

Nou tande yo di li awogan, li gen ògèy e li an kòlè+,

Men, pawòl san valè l ap di yo pap itil anyen.

 7 Se sa k fè moun Mowab yo pral kriye pou malè ki tonbe sou yo.

Yo tout pral kriye+.

Moun yo bat yo pral plenn pou gato rezen Kiraresèt yo+.

 8 Jaden Esbon yo+ fennen,

Pye rezen Sibma a seche+,

Moun ki chèf nasyon yo pilonnen bèl branch ki gen* grap rezen yo.

Yo rive jis Jazè+.

Yo rive nan dezè a.

Branch rezen yo rive jis nan lanmè a.

 9 Se sa k fè m ap kriye pou pye rezen Sibma a menm jan m kriye pou Jazè.

M ap mouye Esbon ak Eleyale nèt ak dlo nan je m+,

Paske yo sispann rele pou* fwi ou genyen ki bon nan sezon ete yo ak rekòt ou yo.

10 Pa gen fèt ak kè kontan ankò nan jaden an.

Pa gen okenn chante ki bay kè kontan, e pa gen moun k ap rele byen fò nan jaden rezen yo+.

Moun ki konn kraze rezen yo pap kraze rezen nan basen yo pou yo fè diven ankò,

Paske mwen fè yo sispann rele+.

11 Se sa k fè tout anndan m ap tranble pou Mowab+,

Tankou kòd yon hap* y ap jwe,

E zantray mwen ap rache pou Kiraresèt+.

“Gade! Damas pap yon vil ankò,

L ap tounen yon pil dekonm+.

 2 Moun ap kite vil ki nan Awoyè yo+.

Y ap vin tounen kote pou twoupo bèt kouche,

E pa gen pèsonn k ap vin fè yo pè.

 3 Pap ret okenn vil ki byen pwoteje nan Efrayim+,

E wayòm nan ap disparèt nan Damas+.

Glwa moun ki rete nan Siri yo

Ap disparèt tankou glwa Izrayelit* yo.” Se sa Jewova, Chèf lame yo, di.

 4 “Jou sa a, glwa Jakòb ap depafini,

E Jakòb pap gra ankò.

 5 Jakòb ap tankou yon ti ponyen manje angren yo kite

Pou moun vin ranmase apre rekòt

Nan jaden ki nan Plèn Refayim nan+.

 6 Se sèl yon ti rès y ap kite pou moun vin ranmase,

Tankou lè yo fin bat yon pye oliv.

Se sèlman de twa grenn oliv mi ki rete nan branch ki pi wo a,

E se sèlman kat ou senk grenn ki rete nan branch ki te donnen yo+.” Se sa Jewova, Chèf lame yo, di.

 9 Jou sa a, vil ki byen pwoteje li genyen yo ap vin tankou zòn ki abandone nan rak bwa+,

Tankou yon branch yo voye jete akoz Izrayelit yo.

L ap vin tankou yon dezè.

10 Paske, nou bliye Bondye+ ki te delivre nou an.

Nou pa sonje Mas Wòch+ ki te pwoteje nou an.

Se poutèt sa nou fè bèl plantasyon

E nou met plant ki sot nan pepinyè yon etranje* ladan l.

11 Lajounen, nou byen bare plantasyon nou an,

Nan maten, nou travay tè pou n fè semans nou yo leve,

Men, n ap pèdi rekòt la jou nou malad la e jou nou gen doulè ki pap pase a+.

12 Koute! Gen yon pakèt pèp k ap fè deblozay,

K ap fè bri tankou lanmè ki move.

Nasyon yo fè yon gwo eskonbrit,

Bri yo tankou bri gwo dlo.

13 Nasyon yo pral fè bri ki tankou bri yon pakèt dlo.

Bondye ap blame yo, e y ap kouri al byen lwen.

Yo fè yo kouri tankou pay van pran nan mòn pote ale,

Tankou yon ti touf pikan k ap woule nan van tanpèt.

14 Nan aswè, vin gen yon gwo laperèz.

Anvan l jou, yo pa la ankò.

Se sa moun k ap piye sa n genyen yo ap jwenn,

E se sa k ap tann moun k ap dechèpiye nou yo.

18 Malè pou peyi ki chaje ak bri zèl ti bèt k ap vole,

Peyi ki nan zòn ki toupre rivyè Etyopi+ yo!

 2 Peyi sa a voye mesaje sou lanmè,

Li voye yo travèse dlo sou bato ki fèt ak papiris, li di yo:

“Ale, nou menm, mesaje ki rapid,

Al kot yon nasyon ki gen moun ki wo e ki gen po swa*,

Kot yon pèp moun tout kote pè+,

Kot yon nasyon ki gen fòs e ki pot laviktwa sou lòt nasyon,

Yon nasyon dlo rivyè fin pote tè peyi l la ale.”

 3 Nou tout ki moun peyi a, e nou menm ki abite sou tè a,

Sa n ap wè a ap tankou yon siy* yo met kanpe sou tèt mòn yo,

E n ap tande yon bri ki tankou son yon kòn.

 4 Paske men sa Jewova di m:

“M ap ret byen trankil e m ap ret nan plas mwen an pou m gade,

Menm jan ak reyon solèy la ki fè gen gwo chalè,

E menm jan ak lawouze ki tonbe lè gen chalè nan sezon rekòt.

 5 Paske anvan rekòt la,

Lè pye rezen yo fin fleri e flè yo tounen grap rezen ki vin byen mi,

Y ap koupe branch yo ak sèpèt,

Y ap koupe ti lyann ki nan branch yo e y ap retire yo.

 6 Y ap kite yo tout pou zwazo ki konn chase ki nan mòn yo

Ak bèt ki sou tè a.

Zwazo ki konn manje vyann yo ap pase sezon chalè a ap manje yo,

E bèt yo sou tè a ap pase sezon rekòt la ap manje yo.

 7 Lè sa a, Jewova, Chèf lame yo, ap resevwa yon kado

Nan men yon nasyon ki gen moun ki wo e ki gen po swa,

Nan men yon pèp moun tout kote pè,

Nan men yon nasyon ki gen fòs e ki pot laviktwa sou lòt nasyon,

Yon nasyon dlo rivyè fin pote tè peyi l la ale

Nan Mòn Siyon, kote ki pote non Jewova, Chèf lame yo+.”

Gade! Jewova monte sou yon nyaj ki rapid e l ap antre ann Ejip.

Pakèt dye san valè Ejip genyen yo pral tranble devan l+,

Ejipsyen yo ap pè anpil.

 2 “M ap fè Ejipsyen leve kont Ejipsyen,

E youn ap batay ak lòt.

Chak moun ap batay ak frè l e avèk pwochen l.

Vil ap kont vil e wayòm ap kont wayòm.

 3 Epi, lespri moun peyi Ejip yo ap vin boulvèse.

M ap bwouye plan yo genyen yo+.

Yo pral chèche sekou nan men dye san valè yo,

Nan men moun ki maton nan chame sèpan yo ak moun ki konn chèche pale ak mò yo ansanm ak divinò yo+.

 4 M ap lage Ejip anba men yon mèt ki rèd,

E se yon wa ki di k ap dirije l+.” Se sa vrè Seyè a, Jewova, Chèf lame yo, di.

 5 Dlo lanmè a ap seche,

Rivyè a ap bese nèt e l ap vin sèch+.

 6 Rivyè yo ap vin gen move sant.

Dlo kanal ki sot nan Rivyè Nil nan peyi Ejip yo ap bese e y ap sèch.

Wozo yo ak jon yo ap pouri+.

 7 Tout plant ki arebò Rivyè Nil la, nan lanbouchi a,

Ak tout tè yo konn fè jaden ki arebò Rivyè Nil la+ ap vin sèch+.

Van ap pote yo ale e yo pap egziste ankò.

 8 Pechè pwason yo ap nan gwo lapenn,

Moun k ap voye zen pou kenbe pwason nan Rivyè Nil la ap plenyen,

E moun k ap lage filè yo nan dlo a ap depafini.

 9 Moun k ap demele len pou yo fè twal+

Ak moun k ap fè twal blan sou kad yo ap wont.

10 Travayè nan peyi Ejip ki konn fè twal yo ap santi yo kraze.

Tout travayè yo peye pou travay yo ap nan lapenn*.

11 Chèf Sowan yo+ sòt.

Moun ki gen plis sajès ki konn bay Farawon konsèy yo ba l move konsèy+.

Ki jan w fè di Farawon:

“Mwen se desandan moun ki gen sajès,

Desandan wa ki te la nan tan lontan yo”?

12 Ki kote moun ou genyen ki gen sajès yo ye menm+?

Se pou yo di w ki sa Jewova, Chèf lame yo, deside fè ak Ejip, si yo konnen!

13 Chèf Sowan yo aji tankou moun sòt.

Chèf Nòf*+ yo twonpe tèt yo.

Chèf tout gwoup moun ki gen nan peyi Ejip yo lakòz nasyon an pèdi wout li.

14 Jewova lage konfizyon nan mitan moun Ejip yo+.

Chèf yo fè moun yo pa konn ki wout pou yo fè nan tout sa y ap fè,

Tankou yon moun ki sou k ap glise sou vomi l.

15 Ejip pap ka fè anyen,

Ni tèt ni ke, ni boujon ni zèb ki byen wo* pap ka fè anyen.

Gen yon bagay k ap vini tankou van tanpèt k ap pote tout sa l jwenn ale nan zòn sid,

Sot depi nan dezè a al nan yon peyi ki bay laperèz+.

 2 Mwen te resevwa yon vizyon ki fè m pè, yo te di m:

Nasyon ki trèt la ap aji yon fason ki trèt,

Y ap detwi nasyon k ap detwi lòt nasyon yo.

O Elam! Monte non. O Medi+! Vin ansèkle yon vil.

M ap fè tout mizè li t ap fè moun pase yo fini+.

 3 Se sa k fè m boulvèse anpil*+.

Mwen pran tòde,

Tankou fi k ap akouche.

Sa twò tris pou m tande.

Tèt mwen twò chaje, m pa ka wè.

 4 Kè m vin febli. M ap tranble tèlman m pè.

Lè l prèske fè nwa, lè solèy la pral kouche, mwen tranble.

 5 Prepare tab la, epi ranje chèz yo!

Manje, epi bwè+!

Nou menm chèf yo, leve kanpe, vide luil sou boukliye a!

 6 Paske, men sa Jewova te di m:

“Ale, al met yon moun fè pòs pou l ka di w sa l wè.”

 7 Epi, li te wè yon charyo ak yon gwoup cheval k ap rale l,

Li te wè yon charyo ki gen bourik k ap rale l,

E li te wè yon charyo ki gen chamo k ap rale l.

Li te kontinye byen gade, li te pran san l pou l gade.

 8 Apre sa, li fè yon rèl tankou yon lyon, li di:

“O Jewova, mwen pase tout jounen m kote m ap fè pòs la,

E mwen ret nan pòs mwen tout lannuit+.

 9 Men sa m wè k ap vini:

Mwen wè sòlda ki sou yon charyo yo konn al nan lagè ak yon gwoup cheval k ap rale charyo a+!”

Apre sa, Bondye pale byen klè, li di:

“Babilòn tonbe! Li tonbe+!

Tout estati fo dye l yo kraze tonbe atè+!”

10 O pèp mwen, nou menm yo bat tankou manje angren,

Nou menm ki se manje angren* ki kote m konn bat manje angren m yo+,

Mwen di nou sa m tande Jewova, Chèf lame yo, Bondye Izrayèl la, di.

11 Men yon mesaj kont Douma*:

Gen yon moun nan Seyi+ k ap rele m, li di m:

“Veyè, ki jan nuit lan ye?

Veyè, ki jan nuit lan ye?”

12 Veyè a di:

“Li prèske jou, apre sa lannuit ap rive.

Si w vle chèche konnen, ou mèt chèche konnen.

Retounen ankò!”

13 Men yon mesaj kont plèn ki nan dezè a:

Nou menm vwayajè ki sou chamo nan Dedan yo+,

N ap pase nuit lan nan forè ki nan plèn ki nan dezè a.

14 Pote dlo pou n al rankontre moun ki swaf yo,

Nou menm moun ki ret nan peyi Tema+,

E pote manje pou moun ki nan kouri yo.

15 Paske, yo kouri pou epe, pou epe yo rale sou yo,

Yo kouri pou banza* e pou lagè a ki rèd anpil.

 2 Ou se yon vil ki te chaje bri,

Yon vil ki te chofe, yon vil ki te gen anpil kè kontan.

Se pa ak epe yo te touye moun lakay ou yo,

E yo pa t mouri nan lagè+.

 3 Tout diktatè w yo chape poul yo ansanm+.

San yon banza*, yo te fè yo tounen prizonye.

Tout moun yo te jwenn, yo te fè yo vin prizonye+,

Menm lè yo te fin chape al byen lwen.

 4 Se sa k fè mwen di: “Retire je w sou mwen,

Pou m ka kriye règ kriye m+.

Pa plede konsole m

Akoz pèp mwen an yo fin detwi+.

 5 Paske Jewova, Chèf lame yo, Seyè ki Souvren an,

Fè jou sa a tounen yon jou latwoublay, yon jou yo pèdi batay ak yon jou laperèz+

Nan Vale Vizyon an.

Y ap kraze miray la nèt+,

E ap gen rèl nan mòn nan.

 6 Moun Elam yo+ pran sak flèch yo,

Yo monte sou charyo yo e sou cheval yo.

Moun nan vil Ki yo+ pare boukliye yo.

 7 Pi bèl plèn nou yo

Ap vin chaje ak charyo yo konn fè lagè,

E cheval* yo ap kanpe nan pòtay vil la,

 8 Y ap retire rido ki te bare* Jida a.

12 Jou sa a, Jewova, Chèf lame yo, Seyè ki Souvren an,

Ap mande pou nou kriye e pou nou nan lapenn+,

Pou nou kale tèt nou e pou n met rad sak sou nou.

13 Men, olye de sa, se fèt n ap fè, kè nou ap kontan,

N ap touye bèf ak mouton,

N ap manje vyann e n ap bwè diven+.

N ap di: ‘Ann manje, ann bwè, paske demen n ap mouri+.’”

Nou menm ki nan bato ki nan Tasis yo, se pou nou rele+!

Paske yo kraze waf la, e bato pa ka antre ladan l ankò.

Se moun nan peyi Kitim yo+ ki vin fè yo konn sa.

 2 Pe bouch nou, nou menm ki ret bò lanmè a!

Komèsan ki travèse lanmè a sot Sidon yo+ fè nou vin rich.

 3 Manje angren* ki sot Chiyò*+ yo ki travèse anpil dlo,

Wi, rekòt Rivyè Nil la, se sa vil Ti rantre,

Nan avantaj nasyon yo+.

 4 O nou menm moun Sidon, se pou n wont, nou menm ki se fòtrès lanmè a,

Paske men sa lanmè a di:

“Mwen pa t gen tranche e m pa t fè pitit,

Ni mwen pa t leve jèn gason oswa jèn fi*+.”

 5 Menm jan moun yo te ye lè yo te tande sa k te rive Ejip la+,

Se konsa moun yo pral boulvèse lè yo tande sa k rive vil Ti+.

 6 Travèse al Tasis!

Nou menm ki ret bò lanmè a, se pou nou rele!

 7 Èske se vil nou an sa, vil ki te gen kè kontan depi lontan an, depi byen lontan an?

Li abitye mache al abite nan peyi ki byen lwen.

 8 Kiyès ki pran desizyon sa a kont vil Ti,

Vil ki konn kouwone moun nan,

Vil se chèf ki te komèsan ladan l lan,

Vil tout moun sou tè a te respekte negosyan l yo+?

 9 Se Jewova, Chèf lame yo, ki pran desizyon sa a,

Pou l kraze ògèy vil Ti genyen an e pou l fè bote l la pa itil anyen,

Pou l rabese tout moun yo te respekte toupatou sou tè a+.

10 Nou menm moun Tasis, se pou nou travèse peyi nou an menm jan yo travèse Rivyè Nil la.

Pa gen kote pou bato kochte* ankò+.

11 Jewova lonje men l sou lanmè a.

Li sakaje wayòm yo.

Li bay lòd pou yo kraze fò ki nan Fenisi yo+.

12 Epi, li di: “Ou pap kontan ankò+,

Ou menm pitit fi Sidon an ki vyèj y ap fè pase mizè a.

Leve, travèse al Kitim+.

Menm lè w lòtbò a, ou pap gen repo.”

13 Gade! Men peyi moun Kalde yo+.

Se pèp sa a mwen t ap pale w la, se pa pèp Asiri a+.

Yo fè l tounen yon kote pou moun ki rete nan dezè yo abite.

Yo fè barikad pou yo atake vil la.

Yo kraze gwo fò ki nan vil la+,

Yo fè vil la vin tounen yon pil dekonm.

14 Nou menm, bato ki nan Tasis yo, se pou nou rele!

Paske yo kraze fò nou yo+.

16 “Pran yon hap*, al fè wonn vil la, ou menm pwostitye tout moun bliye a.

Jwe hap ou a byen.

Chante anpil chante

Pou yo ka sonje w.”

24 Gade! Jewova fè peyi* a vin vid e li fè l depafini+.

Li chavire l tèt anba+ e li fè moun ki ret ladan l yo gaye+.

 2 Se menm bagay la k ap rive tout moun,

Ni pèp la ni prèt la,

Ni sèvitè a ni mèt li,

Ni sèvant lan ni mètrès li,

Ni moun k ap achte a ni moun k ap vann nan,

Ni moun k ap prete moun nan ni moun ki mande prete a,

Ni moun k ap prete moun lajan ak enterè a ni moun ki dwe a+.

 3 Peyi a ap vid nèt.

Y ap piye l nèt+,

Paske se Jewova ki di sa.

 4 Peyi a nan lapenn*+. Li kraze nèt.

Tè ki konn bay rannman an vin sèch, li fin depafini.

Gwo zotobre ki nan peyi a ap pèdi fòs.

 5 Moun ki abite nan peyi a fin sal li+,

Paske yo pa respekte lalwa+.

Yo chanje dekrè yo+,

E yo pa respekte alyans ki la depi byen lontan an+.

 6 Se sa k fè malediksyon fini ak peyi a+,

E moun ki ret nan peyi a koupab.

Se sa k fè vin pa gen anpil moun nan peyi a,

E se de twa gason ki ret ladan l+.

 7 Diven ki fèk fèt la nan lapenn*, pye rezen an fennen+,

Tout moun ki te gen kè kontan yo ap plenn+.

 8 Tanbouren yo pa fè kè moun kontan ankò.

Moun k ap banboche yo sispann fè bri.

Pa gen bèl son hap* ankò+.

 9 Y ap bwè diven san mizik,

E bwason ki gen alkòl yo anmè nan bouch moun k ap bwè yo.

10 Vil ki pa gen moun ladan l lan kraze+.

Tout kay fèmen, konsa pèsonn pa ka antre ladan yo.

11 Nan tout lari, moun ap rele mande pou diven.

Pa gen okenn fèt ankò.

Pa gen kè kontan ankò nan peyi a+.

12 Yo kraze vil la rapyetè.

Pòtay vil la kraze, li tounen yon pil dekonm+.

13 Paske, men ki jan pèp mwen an ap ye nan peyi a, pami lòt pèp yo:

L ap tankou grenn oliv yo kite nan yon pye oliv+,

E l ap tankou rès rezen yo kite nan jaden apre rekòt+.

14 Y ap rele byen fò,

Y ap rele tèlman yo kontan.

Depi nan direksyon lanmè a*, y ap fè konnen jan Jewova gran+.

15 Se sa k fè, y ap bay Jewova glwa nan zòn limyè a*+.

Sou zile ki nan lanmè yo, y ap louwe non Jewova, Bondye Izrayèl la+.

16 Nou tande moun k ap chante jis nan dènye bout tè a k ap di:

“Glwa* pou Bondye, Sila a ki jis la+!”

Men, mwen di: “Mwen fin depafini! Mwen fin depafini!

Malè pou mwen! Moun ki trèt la fè kou trèt.

Moun ki trèt la gen riz e li fè kou trèt+.”

18 Nenpòt moun ki kouri akoz bri ki bay laperèz la ap tonbe nan twou a,

E nenpòt moun ki sot nan twou a ap pran nan pyèj la+.

Paske vàn dlo ki nan syèl la ap ouvri,

E peyi a ap tranble depi nan fondasyon l.

19 Tè peyi a fann.

Yo sakaje peyi a.

Peyi a pran souke ak tout fòs+.

20 Peyi a ap balanse de bò tankou yon moun ki sou.

L ap balanse sot devan al dèyè tankou yon kay pay van ap souke.

Peche l yo lou sou do l+.

L ap tonbe e li pap ka leve ankò.

21 Jou sa a, Jewova ap vire gade lame ki anwo nan syèl la,

E l ap vire gade wa yo sou tè a.

22 Y ap rasanble yo ansanm,

Menm jan ak prizonye ki rasanble nan yon twou,

Y ap fèmen yo nan kacho.

E apre anpil jou, yo pral gade ki jan yo ye.

23 Lalin nan ki byen won ap jennen,

E solèy la ki byen klere ap wont+,

Paske Jewova, Chèf lame yo, vin Wa+ sou Mòn Siyon+ ak nan Jerizalèm.

Li vin gen anpil glwa devan ansyen ki nan pèp li a*+.

25 O Jewova, ou se Bondye mwen.

M ap ba w glwa, m ap louwe non w,

Paske w fè yon pakèt bagay estrawòdinè+,

Yon seri bagay ou te vle fè* depi nan tan lontan+,

Ou fè yo yon fason ki montre ou fidèl+ e ou merite pou moun fè w konfyans.

 2 Paske w fè yon vil tounen yon pil wòch,

Ou fè yon vil ki byen pwoteje tounen yon pil dekonm.

Ou fè fò etranje yo pa la ankò,

Yo pap janm rebati vil la ankò.

 3 Se poutèt sa, yon pèp ki djanm ap ba w glwa.

Vil ki chaje ak moun ki san pitye ladan l yo ap gen lakrentif pou ou+.

 4 Paske w tounen yon fò pou moun ki piti yo,

Yon fò pou malere k ap soufri yo+,

Yon refij lè gen gwo lapli

E yon lonbray anba solèy cho+.

Lè moun ki san pitye yo vin an kòlè tankou yon gwo lapli k ap frape yon miray,

 5 E tankou chalè k ap frape sou yon tè ki sèk,

Ou fè etranje yo sispann fè bri.

Menm jan lonbray yon nyaj fè chalè solèy la bese,

Se konsa ou fè moun ki san pitye yo sispann chante.

 6 Nan mòn sa a*+, Jewova, Chèf lame yo, ap fè yon gwo resepsyon pou tout pèp yo,

Yon resepsyon ki gen bon manje+,

Yon resepsyon ki gen bon diven*,

Ki gen bon manje ak vyann ki chaje ak mwèl,

E ki gen diven bon kalite yo kite byen poze.

 7 Nan mòn sa a, l ap elimine* dra ki vlope tout pèp yo

Ansanm ak vwal ki kouvri tout nasyon yo.

 8 Jewova, Seyè ki Souvren an, ap anglouti* lanmò pou toutan+.

L ap siye dlo nan je tout moun+,

L ap retire imilyasyon pèp li a sou tout tè a.

Se Jewova menm ki di sa.

 9 Jou sa a, moun yo pral di:

“Gade! Men Bondye nou an+!

Se nan li nou met espwa nou+,

E l ap sove nou+.

Se li ki Jewova a.

Se nan li nou met espwa nou.

Se pou nou kontan e se pou nou rejwi, paske l delivre nou+.”

10 Paske, men Jewova ap sou mòn sa a+,

Epi, y ap pilonnen Mowab kote l ye a+,

Menm jan yo pilonnen pay ki nan yon pil fimye.

11 L ap lonje men l pou l frape Mowab,

Menm jan yon moun k ap naje bat dlo ak men l pandan l ap naje,

L ap kraze ògèy Mowab+

Ak mouvman li fè ak men l avèk ladrès.

12 L ap kraze vil ki byen pwoteje a

Ansanm ak miray byen wo ki ba l sekirite yo.

L ap lage yo atè e l ap voye yo nan pousyè.

“Nou gen yon vil ki djanm+.

Bondye fè miray li yo ak ranp li yo vin yon delivrans pou li+.

 2 Ouvè pòtay vil yo+ byen laj pou nasyon k ap fè sa ki dwat la ka antre,

Pou nasyon ki fidèl la.

 3 W ap pwoteje moun ki konte sou ou nèt yo*.

W ap ba yo lapè nètale+,

Paske, se nan ou yo met konfyans yo+.

 4 Mete konfyans nou nan Jewova pou toutan+,

Paske Ja*, Jewova, se Mas Wòch ki la pou toutan an+.

 5 Li rabese moun ki abite kote ki wo a, nan vil ki kote ki byen wo a.

Li desann vil la byen ba,

Li bese l jis atè.

Li voye l jete atè nan pousyè.

 6 Moun ki malere yo ap pilonnen l anba pye,

Wi, moun ki piti yo ap mache sou li.”

 7 Chemen moun ki jis la dwat*.

Piske w dwat,

W ap fè chemen moun ki jis la vin swa.

 8 O Jewova, kòm n ap mache nan chemen moun k ap fè sa ki dwat yo,

Se nan ou nou met espwa nou.

Nou* vle sonje w e nou vle sonje non w*.

 9 Lannuit, m ap tann ou ak tout nanm* mwen.

Wi, ou toujou nan lespri m+.

Paske, lè w ap jije moun sou tè a,

Se sa ki dwat moun ki abite nan peyi a ap aprann+.

10 Menmsi yo fè mechan an favè,

Li pap aprann fè sa ki dwat+.

Menm nan peyi kote moun ap fè sa ki dwat*, se sa ki mal l ap fè+,

E li pap wè jan Jewova gran+.

11 O Jewova, ou leve men w, men yo pa wè l+.

Y ap wè jan w gen anpil lanmou pou pèp ou a e y ap wont.

Wi, dife w la ap kankannen advèsè w yo.

12 O Jewova, w ap fè nou jwenn lapè,+

Paske se ou ki ban nou fòs

Pou nou fè tout sa n ap fè.

13 O Jewova, Bondye nou an, apa ou menm, gen lòt mèt ki t ap dirije nou+,

Men, se non w sèlman n ap nonmen+.

14 Yo mouri. Yo pap viv ankò.

Piske yo mouri, yo pap leve+.

Paske, ou te vire je gade yo

Pou w elimine yo e pou w fè yo pa pale de yo ankò menm.

15 O Jewova, ou fè nasyon an vin gen anpil moun ladan l.

Ou fè nasyon an vin gen anpil moun ladan l.

Ou leve tèt ou byen wo+.

Ou deplase tout bòn peyi a al met byen lwen+.

16 O Jewova, lè yo nan malè, se ou yo rele.

Lè w ba yo disiplin, yo vide kè yo ba ou nan priyè yo fè tou ba+.

17 Menm jan yon fi ansent ki prèske akouche

Gen tranche e l ap rele tèlman l ap soufri,

Se konsa nou vin ye akoz ou menm, o Jewova.

18 Nou te vin ansent, nou te gen tranche,

Men, se kòmsi se van nou te akouche.

Nou pa t pot delivrans pou peyi a,

E pa gen yon moun ki fè yon pitit pou abite nan peyi a.

19 “Moun pa nou ki mouri yo ap vin vivan.

Mò m yo* ap leve+.

Se pou nou reveye e se pou n rele tèlman nou kontan,

Nou menm ki rete nan pousyè+!

Paske, lawouze nou yo tankou lawouze nan maten*,

E tè a ap kite moun ki mouri yo vin gen lavi ankò*.

20 Ale, pèp mwen an, antre nan chanm nou

Epi, fèmen pòt nou+.

Kache pou yon ti tan

Jiskaske kòlè a* pase+.

21 Paske, gade! Jewova ap sot kote l ye a

Pou l vin mande moun ki abite nan peyi a regleman pou peche yo fè.

Peyi a ap kite yo wè san ki koule ladan l yo

E li pap kache moun yo touye yo ankò.”

27 Jou sa a, Jewova ap sèvi ak gwo epe l la ki byen file e ki bay laperèz+

Pou l touye Levyatan*, sèpan ki rapid la,

Sèpan ki konn fofile a.

L ap touye gwo bèt ki nan lanmè a.

 2 Jou sa a, nou menm pèp, men chante pou n chante pou li*:

“Gade yon jaden rezen ki bay bon diven+!

 3 Se mwen menm, Jewova, k ap pwoteje l+.

Mwen wouze l toutan+.

Mwen pwoteje l lajounen kou lannuit

Pou pèsonn pa fè l anyen ki mal+.

 4 Mwen pa fache sou li ankò+.

Si yon moun met pikan ak move zèb devan m,

M ap mache sou yo, m ap boule yo tout ansanm e m ap batay ak moun sa a.

 5 Si l pa vle sa rive, se pou l vin nan fò mwen an

Pou l fè lapè avè m.

Wi, se pou l fè lapè avè m.”

 6 Nan jou k ap vini yo, Jakòb ap pouse rasin e l ap vin djanm tankou yon pyebwa.

Izrayèl ap tankou yon pyebwa ki fin grandi e ki chaje ak flè+.

Y ap bay fwi sou tout tè a+.

 7 Èske yo dwe bat nasyon Izrayèl la rèd konsa?

Èske yo dwe touye l jan y ap touye l la?

 8 W ap fè yon gwo rèl lè w ap diskite avè l pou w voye l ale.

W ap voye l ale ak yon gwo van ki tankou van lès k ap soufle+.

 9 Se konsa Jakòb ap jwenn padon pou bagay mal li fè yo+,

E men sa l ap jwenn kòm rezilta lè yo efase peche l yo:

Bondye ap fè tout wòch lotèl la

Vin tankou wòch kalkè yo fè tounen poud,

E pap ret ni poto sakre ki fèt an bwa* ni lotèl kote yo boule lansan+.

10 Paske, vil ki byen pwoteje a pap ret moun ladan l.

Y ap bliye kote yo konn gade bèt yo e y ap abandone yo tankou yon dezè+.

Se la ti bèf yo ap manje zèb, se la y ap kouche

E se la y ap manje branch bwa li genyen yo+.

11 Lè branch li yo fin sèch nèt,

Gen medam k ap vin kase yo,

Y ap fè dife avè yo.

Paske, pèp sa a san konprann+.

Se poutèt sa Kreyatè yo a pap fè yo mizèrikòd,

E Sila a ki te fè yo a pap fè yo favè+.

28 Malè pou kouwòn* ki fè bwasonyè Efrayim yo fyè a+,

Ak flè ki fennen ki te fè yo bèl anpil la,

Ki anlè tèt vale ki bay rannman an, kote moun ki sou ak diven yo ye a!

 2 Gade! Jewova pral voye yon moun ki gen fòs e ki gen kouraj.

L ap pimpe kouwòn nan sou tè a ak tout fòs,

Tankou yon tanpèt lagrèl, yon tanpèt k ap fè ravaj,

Tankou yon gwo siklòn ki vin ak anpil dlo.

 3 Y ap pilonnen

Kouwòn ki fè bwasonyè Efrayim yo fyè a anba pye+.

 4 Epi, flè ki fennen ki te fè yo bèl anpil la,

Ki sou tèt vale ki bay rannman an,

Ap vin tankou yon fig frans ki bon anvan lè, anvan sezon chalè.

Lè yon moun wè l, li manje l kou l tonbe nan men l.

 7 Diven fè prèt yo ak pwofèt yo pèdi wout yo tou.

Bwason ki gen alkòl fè yo balanse de bò.

Bwason ki gen alkòl fè yo pèdi wout yo.

Diven fè yo pa konn sa pou yo fè.

Bwason ki gen alkòl fè yo balanse de bò.

Vizyon yo fè yo fè yo pèdi wout yo,

E yo pa ka pran bon desizyon+.

 8 Paske, tab yo chaje vomisman ki bay kè plen,

Pa gen yon kote ki pa gen vomi.

 9 Moun yo di: “Kiyès yo pral ede gen konesans,

E kiyès yo pral esplike mesaj la?

Èske se timoun yo fèk sevre,

Timoun ki fèk sot nan tete?

10 Paske, se lòd sou lòd, lòd sou lòd,

Règ* sou règ, règ sou règ+,

Yon tikras isit, yon tikras lòtbò.”

“Se lòd sou lòd, lòd sou lòd,

Règ* sou règ, règ sou règ+,

Yon tikras isit, yon tikras lòtbò.”

Konsa, lè y ap mache,

Y ap bite, y ap tonbe sou do,

Y ap pote laviktwa sou yo, y ap pran yo nan pèlen e y ap kenbe yo+.

14 Se sa k fè, nou menm grandizè, se pou n tande pawòl Jewova,

Nou menm k ap dirije pèp sa a nan Jerizalèm,

15 Paske nou di:

“Nou fè yon alyans ak Lanmò+,

Nou fè yon antant* ak Tonm nan*.

Lè gwo dlo k ap desann byen rapid la ap pase,

Li pap rive sou nou,

Paske nou fè manti vin tounen refij nou,

E nou kache kò nou nan manti+.”

16 Se sa k fè, men sa Jewova, Seyè ki Souvren an, di:

“M ap poze yon wòch kòm fondasyon nan Siyon, yon wòch yo teste+,

Wi, m ap poze wòch ki gen anpil valè a+ nan kwen yon fondasyon ki byen solid+.

Pa gen moun ki demontre yo gen lafwa nan li k ap pè+.

17 E m ap fè sa ki jis tounen fisèl pou pran mezi+,

Se sa ki dwat k ap sèvi kòm nivo*+.

Lagrèl ap kraze refij manti a,

E dlo ap anvayi kote moun kache a.

18 Y ap elimine alyans nou fè ak Lanmò a,

E antant nou te fè ak Tonm nan* pap kenbe+.

Lè gwo dlo k ap desann byen rapid la ap pase,

L ap kraze nou.

19 Chak fwa l pase,

L ap pote nou ale+.

Paske l ap pase chak maten,

L ap pase lajounen e l ap pase lannuit.

Se laperèz sèl k ap fè yo konprann mesaj la*.”

20 Paske, kabann nan twò kout pou moun detire sou li

E dra a twò jis pou moun vlope kò yo avè l.

21 Paske Jewova ap leve kanpe jan l te fè sa sou Mòn Perazim nan.

L ap leve jan l te fè sa nan vale* ki toupre Gabawon an+,

Pou l ka fè sa l ap fè a, bagay etranj l ap fè a,

E pou l ka fè travay li, yon travay moun pa abitye wè+.

22 Kounye a, pinga nou plede ri+

Pou yo pa mare nou pi sere,

Paske Jewova, Chèf lame yo, Seyè ki Souvren an, fè m konnen

Li deside ravaje tout peyi a*+.

23 Ouvè zòrèy nou pou n koute m.

Pran san nou pou n koute sa m ap di.

24 Èske moun k ap pike tè a ap pase tout jounen ap fè sa san l pa simen semans?

Èske l ap ret ap kraze bit yo e l ap raboure tè a san rete+?

25 Lè l fin egalize tè a,

Èske li pap simen grenn epis* ladan l?

Èske li pap plante ble, pitimi ak lòj* ladan l, yo chak kote pa yo?

Èske l pap plante lòt kalite ble*+ toutotou lantouray la?

26 Paske, lè Bondye anseye* yon moun, li fè sa yon fason ki dwat,

Li bay moun nan fòmasyon+.

27 Paske, gen yon kalite grenn epis yo pa pase planch yo konn separe grenn ak pay la sou li+

E gen yon lòt kalite grenn epis yo pa pase wou yon charyo sou li.

Okontrè, gen youn se ak yon baton yo bat li,

E lòt la, yo bat li ak yon bout bwa.

28 Lè yon moun bat manje angren kote li konn bat manje angren an pou l fè pen,

Li pa bat li nètale+,

E lè l pase wou charyo li sou li ak cheval li,

Li pa kraze l+.

29 Bagay sa yo tou, se Jewova, Chèf lame yo, ki fè yo konnen pou yo fè yo,

Li menm ki gen bèl objektif

E ki fè yon seri bagay estrawòdinè*+.

29 “Malè pou Ariyèl*! Malè pou Ariyèl, vil kote David te konn monte kan l lan+!

Se pou nou kontinye fè fèt+ nou yo

Ane apre ane!

 2 Men, m ap lage malè+ sou Ariyèl,

Pral gen gwo lapenn, moun pral plenn+.

Pou mwen, l ap vin tankou yon lotèl pou Bondye+.

 3 M ap monte kan m toutotou w pou m atake w,

M ap pike poto toutotou w pou m ansèkle w,

E m ap met barikad toutotou w+.

 4 Y ap desann ou byen ba.

Lè w ap pale, se nan tè a vwa w ap soti,

E pousyè ap toufe sa w ap di.

Vwa w ap sot anba tè+

Tankou vwa moun ki konn chèche pale ak mò.

Pawòl ou yo ap sot nan pousyè a tankou yon chwichwichwichwi.

 5 Foul moun ki ènmi w* yo ap tankou poud ki byen fen+,

Pakèt chèf ki mechan yo ap tankou pay van ap pote+.

E sa ap rive byen vit, sanzatann+.

 6 Jewova, Chèf lame yo, ap delivre nou.

L ap fè sa ak loray, tranblemanntè ak yon bri ki fò anpil,

Ak van tanpèt, siklòn ak gwo flanm dife+.”

 7 Lè sa a, foul moun lòt nasyon k ap fè lagè ak Ariyèl yo+,

Tout moun k ap goumen avè l yo,

E ki met barikad toutotou l yo

Ak moun ki fè malè tonbe sou li yo

Pral vin tankou yon vizyon moun fè lannuit.

 8 Wi, se pral tankou yon moun ki grangou ki reve l ap manje,

Men, lè l leve nan dòmi, li toujou grangou*,

E se pral tankou yon moun ki swaf ki reve l ap bwè,

Men, lè l leve nan dòmi, li toujou fatige e li toujou swaf*.

Se sa k pral rive foul moun nan tout nasyon yo

K ap fè lagè ak moun nan Mòn Siyon yo+.

 9 Se pou n pantan! Se pou n sezi+!

Fèmen je nou pou n pa wè+.

Yo sou san yo pa bwè diven.

Y ap balanse de bò, men se pa alkòl ki fè yo sa.

10 Paske, Jewova fè yon gwo dòmi pran nou+.

Li fèmen je nou, nou menm pwofèt yo+,

E li kouvri tèt nou, nou menm moun k ap fè vizyon yo+.

13 Jewova di: “Se nan bouch pèp sa a pwoche kote m,

E se nan bouch yo onore m+,

Men, kè yo byen lwen m.

Epi, lakrentif yo di yo gen pou mwen an chita sou kòmandman yo resevwa nan men lèzòm+.

14 Se sa k fè mwen pral fè pèp sa a yon seri bagay estrawòdinè ankò+,

Se pral mèvèy sou mèvèy.

Sajès moun ki saj yo ap peri,

E moun ki gen bonsans yo pap gen bon konprann+.”

15 Malè pou moun ki fè tout sa yo kapab pou yo kache plan yo fè* yo pou Jewova+.

Yo fè sa y ap fè yo nan fènwa,

Pandan y ap di: “Ki moun ki wè nou?

Ki moun ki konnen sa n ap fè+?”

16 Gad ki jan nou tòde bagay yo*!

Èske yon moun dwe konsidere atizan ki konn travay ak ajil la menm jan ak ajil la+?

Èske yon bagay yon moun fè ka di moun ki fè l la:

“Se pa ou ki te fè m+”?

Epi, èske yon bagay yo bay fòm ka di moun ki ba l fòm nan:

“Ou pa konprann anyen+”?

17 Nan yon ti tan, Liban ap tounen yon jaden+,

E y ap pran jaden sa a pou yon forè+.

18 Jou sa a, moun ki soud yo ap tande pawòl ki nan liv la,

E je moun ki avèg yo ap wè nan fènwa ki pwès+.

19 Moun ki met tèt yo toupiti yo ap kontan anpil grasa Jewova.

E moun ki pòv pami lèzòm yo ap kontan grasa Bondye Izrayèl la, Bondye ki sen an+.

20 Paske, chèf k ap fè mechanste yo pap la ankò,

Grandizè yo ap disparèt nèt.

Y ap elimine tout moun ki toujou pare pou yo fè sa ki mal+,

21 Moun k ap bay manti pou fè lòt moun parèt koupab yo,

Moun ki tann pyèj pou moun k ap defann* lòt moun nan pòtay vil la+

Ak moun k ap lage fo akizasyon sou moun ki dwat pou anpeche yo jwenn jistis+.

“Jakòb pap wont ankò,

E figi l pap fennen ankò*+.

23 Paske, lè l wè pitit li yo bò kote l,

Yo menm ki se travay mwen fè ak men m+,

Lè sa a, y ap onore non m,

Wi, y ap onore Bondye Jakòb la, Bondye ki sen an,

E y ap gen lakrentif pou Bondye Izrayèl la+.

24 Moun ki gen ide dwategòch yo ap vin gen bon konprann,

E moun k ap plenyen yo ap kite yo anseye yo.”

30 Men sa Jewova di: “Malè pou pitit ki gen tèt di yo+,

Ki fè plan ki pa plan pa m+,

Ki fè yon seri alyans*, san se pa lespri m ki te gide yo,

Pou yo mete peche sou peche.

 2 Yo desann ann Ejip+ san yo pa mande m konsèy*+

Pou y al anba pwoteksyon Farawon*,

E pou y al pran refij anba lonbray Ejip.

 3 Men, pwoteksyon Farawon an ap vin yon wont pou nou,

E refij n al chèche anba lonbray Ejip la ap fè n jwenn imilyasyon+.

 4 Paske, se nan Sowan chèf li yo ye+,

E mesaje l yo rive Anès.

 5 Ejipsyen yo, ki pa ka fè anyen pou yo,

Ki pa ede yo e ki pa ba yo okenn avantaj,

Ap fè yo tout wont.

Se sèl lawont ak imilyasyon l ap fè yo jwenn+.”

Mesaje yo travèse zòn ki gen malè ak traka a,

Yon zòn ki gen lyon, yon seri lyon k ap gwonde,

E ki gen vipè ak sèpan ki rapid* e ki gen yon pwazon ki boule,

Pou yo pote richès yo genyen yo sou do bourik,

Ak pwovizyon yo genyen yo sou do chamo.

Men, pèp la pap jwenn okenn avantaj nan bagay sa yo.

 7 Paske èd Ejip ap bay la pa itil anyen+.

Se sa k fè mwen rele l: “Rahab+, sila ki pap fè anyen an.”

 8 “Kounye a, ale, ekri sa sou yon moso planch devan yo,

Epi, ekri l nan yon liv+

Pou sa ka sèvi pi devan

Kòm yon temwayaj ki la pou toutan+.

 9 Paske, pèp sa a se yon pèp ki rebèl+, se yon seri pitit k ap bay manti+,

Yon seri pitit ki pa vle tande lwa* Jewova bay+.

10 Yo di moun ki konn fè vizyon yo: ‘Pinga nou wè anyen’,

E yo di pwofèt yo: ‘Pa rakonte nou vizyon ki verite+.

Rakonte nou bagay ki fè nou plezi*, imajine bagay ki pa reyèl pou n di nou+.

11 Kite wout la. Vire kite chemen an.

Sispann mete Bondye Izrayèl la, Bondye ki sen an, devan nou+.’”

12 Se sa k fè, men sa Bondye Izrayèl la, Bondye ki sen an, di:

“Piske nou rejte pawòl mwen+,

Nou kwè nan magouy ak nan manti,

E nou konte sou bagay sa yo+,

13 Peche sa a ap pou nou tankou yon miray ki fann,

Tankou yon miray byen wo ki gonfle e ki prèt pou tonbe.

L ap kraze bridsoukou, nan yon ti moman.

14 L ap kraze tankou yon gwo kannari atizan ki konn travay ak ajil fè,

L ap tèlman kraze fen, pap ret yon ti moso

Pou moun ranmase dife nan yon fwaye dife

Oswa pou moun pran dlo nan yon ma dlo*.”

15 Paske, men sa Jewova, Seyè ki Souvren an, Bondye Izrayèl la, Bondye ki sen an, di:

“Lè nou retounen vin jwenn mwen e nou ret trankil, n ap sove.

Si nou ret dousman e nou montre nou gen konfyans, se sa k ap fòs nou+.”

Men, nou pa t vle fè sa+.

16 Okontrè, nou di: “Non, n ap kouri ale sou cheval!”

Se sa k fè nou pral kouri.

Nou di: “N ap monte cheval ki rapid+!”

Se sa k fè moun k ap kouri dèyè nou yo ap rapid+.

17 Rèl yon sèl moun ap fè 1 000 moun pran tranble+,

Rèl senk moun ap fè nou kouri,

Jiskaske kantite moun ki rete pami nou an vin tankou yon poto sou tèt yon mòn,

Tankou yon poto yo met kanpe kòm yon siy sou yon ti mòn+.

18 Men, Jewova ap tann avèk pasyans* pou l fè nou favè+,

L ap leve kanpe pou l fè nou mizèrikòd+.

Paske Jewova se yon Dye ki gen jistis lakay li+.

Byennere tout moun ki kontinye ret tann* li+.

27 Gade! Jewova* ap sot byen lwen

Pandan l an kòlè e l ap vini ak gwo nyaj pwès.

Bouch li chaje ak kòlè,

Epi, lang li tankou yon gwo dife+.

28 Lespri l* tankou yon gwo dlo k ap desann ki bay moun jis nan kou

Pou l souke nasyon yo nan yon krib jiskaske anyen pa rete,

E pèp yo ap gen yon brid nan machwè+ yo k ap fè yo pèdi wout yo.

29 Men, chante n ap chante a ap tankou chante nou chante lannuit

Lè n ap prepare n* pou yon fèt+,

Epi kè n ap kontan tankou kè yon moun

K ap mache pandan l ap jwe flit

Etan l sou wout pou l al nan mòn Jewova a, pou l al kot Mas Wòch Izrayèl la+.

30 Jewova ap fè yo tande vwa li ki pisan+,

E l ap fè yo wè bra l+ k ap desann ak gwo kòlè+,

Ak gwo flanm dife+,

Ak yon gwo lapli+, ak kout loray ansanm ak lagrèl+.

31 Paske, akoz vwa Jewova, Asiri ap pè anpil+.

Bondye ap frape l ak yon baton+.

32 E chak fwa Jewova voye baton l lan sou Asiri

Pou l pini l,

Ap gen son hap* ak son tanbouren+

Pandan l ap lonje bra l pou l batay ak li*+.

33 Li deja prepare yon kote*+ pou l detwi l.

Li prepare l tou pou wa a+.

Li plen yon kote ki fon e ki laj ak pil bwa l yo.

Li met yon pakèt dife ak yon pakèt bwa ladan l.

Van ki sot nan nen Jewova, ki tankou yon gwo rivyè souf,

Ap met dife ladan l.

31 Malè pou moun ki desann nan peyi Ejip pou y al chèche èd+,

Moun ki konte sou cheval yo+,

Moun ki met konfyans yo nan charyo yo konn fè lagè yo paske yo anpil,

Ki met konfyans yo nan cheval yo konn al nan lagè yo* paske yo gen anpil fòs,

Men, yo pa vire gade Bondye Izrayèl la, Bondye ki sen an,

E yo pa chèche Jewova.

 2 Epoutan, li gen sajès e l ap lakòz malè.

Li pap chanje pawòl.

L ap leve kont bann mechan yo,

E l ap leve kont moun k ap ede moun k ap fè sa ki mal yo+.

 3 Men, Ejipsyen yo se moun yo ye, yo pa Bondye.

Cheval yo genyen yo se chè yo ye, yo pa espri+.

Lè Jewova lonje men l,

Nenpòt moun ki vin pote sekou a ap bite,

E nenpòt moun ki resevwa èd la ap tonbe.

Yo tout ap peri ansanm.

 4 Paske, men sa Jewova di m:

“Menm jan yon lyon, yon jenn lyon ki gen fòs*, gwonde lè l fin pran yon bèt,

Lè yon gwoup bèje reyini ansanm pou yo atake l,

Men, vwa yo pa fè l pè,

Ni bri yo fè pa panike l,

Se konsa Jewova, Chèf lame yo, ap desann vin fè lagè

Pou Mòn Siyon e pou ti mòn ki nan Siyon an.

 5 Menm jan yon zwazo k ap pike desann pou l pwoteje pitit li, se konsa Jewova, Chèf lame yo, ap defann Jerizalèm+.

L ap defann li e l ap sove l.

L ap pwoteje l e l ap delivre l.”

 8 Moun Asiri a ap tonbe anba kout epe, men se pa epe yon moun.

E gen yon epe k ap touye l, men se pa epe lòm+.

Epe a ap fè l kouri,

E y ap fòse jèn mesye l yo fè travay di.

 9 Moun ki tankou yon mas wòch pou li a ap kouri tèlman l pè,

E chèf li yo ap pè anpil akoz poto yo met kanpe kòm siy lan.” Se sa Jewova di,

Li menm ki gen limyè* l nan Siyon e ki gen founèz dife l nan Jerizalèm.

32 Gade! Gen yon wa+ ki pral dirije pou sa ki jis fèt+,

E gen prens ki pral dirije yon fason ki dwat.

 2 Yo chak ap vin tankou yon kote pou moun kache* lè gen van,

Yon kote pou moun abrite yo* lè gen gwo lapli,

Tankou rivyè dlo k ap koule nan yon tè ki sèk+,

Tankou lonbray yon gwo mas wòch nan yon tè ki sèk.

 3 Lè sa a, je moun k ap gade yo pap fèmen ankò,

E zòrèy moun k ap tande yo ap byen koute.

 4 Moun ki gen kè cho yo ap pran san yo pou yo reflechi sou sa konesans ye.

Moun ki bege yo ap pale byen klè, san pwoblèm+.

 5 Moun ap sispann di moun ki pa gen bonsans lan se yon moun ki donan,

E yo pap di moun ki san prensip la se yon moun debyen.

 6 Paske, moun ki pa gen bonsans lan ap di pawòl ki pa gen sans.

L ap kalkile move bagay nan kè l+

Pou l fè moun vire do bay Bondye* e pou l bay manti sou Jewova,

Pou l fè moun ki grangou a* ale san manje,

E pou l anpeche moun ki swaf la jwenn yon bagay pou l bwè.

 7 Plan moun ki san prensip la ap fè yo pa bon+.

L ap ankouraje moun gen konduit ki fè moun wont

E li sèvi ak manti pou l fini ak moun k ap soufri a+,

Menm lè malere a ap di sa ki dwat.

 8 Men, moun ki renmen bay la bay moun konsèy pou yo renmen bay,

E li toujou renmen bay.

 9 “Nou menm medam kè pòpòz yo, leve kanpe pou n koute vwa m.

Nou menm pitit fi ki pouryanis yo+, byen tande sa m ap di.

10 Nan yon tikras plis pase ennan, nou menm ki pouryanis, n ap tranble,

Paske moun pap ranmase okenn fwi lè rekòt rezen an fini+.

11 Nou menm medam kè pòpòz yo, se pou n tranble!

Nou menm pouryanis, se pou n gen latranblad!

Retire tout rad sou nou,

E mare ren nou ak twal sak+.

12 Se pou n bat lestomak nou paske nou nan lapenn

Akoz sa k rive jaden ki donnen anpil yo ak jaden rezen ki bay rannman yo.

13 Paske, tè pèp mwen an ap chaje ak tout kalite pye pikan,

Y ap kouvri tout kay ki te gen kè kontan ladan yo,

Wi, y ap kouvri vil ki te gen gwo kè kontan ladan l lan+.

14 Paske, moun yo kite fò ki byen pwoteje a.

Yo abandone vil ki gen anpil bri ladan l lan+.

Ofèl*+ ak kote yo konn fè pòs la tounen yon savann k ap toujou dezole.

Bourik mawon yo alèz ladan l,

E li se yon patiraj pou twoupo bèt yo+,

15 Jiskaske Bondye vide lespri l sou nou+,

E dezè a vin tounen yon jaden,

Epi yo konsidere jaden an kòm yon forè+.

16 Lè sa a, se sa ki jis k ap toujou la nan dezè a,

E se sa ki dwat k ap ret nan jaden an+.

17 Grasa bagay ki dwat toutbon moun yo ap fè, ap gen lapè+.

Grasa bagay ki dwat toutbon moun yo ap fè, ap gen kè poze ak sekirite nètale+.

18 Pèp mwen an ap rete yon kote ki gen lapè, yon kote yo an repo,

Y ap abite kote ki gen sekirite e ki trankil+.

19 Men, lagrèl ap kraze forè a plat atè,

Epi, vil la ap kraze rapyetè.

20 Nou menm ki simen semans arebò tout dlo, nou mèt kontan,

Wi, nou menm ki voye towo bèf yo ak bourik yo ale*+.”

33 Malè pou nou, nou menm k ap fè ravaj, alòske yo pa ravaje nou+,

Nou menm k ap trayi moun, alòske yo pa trayi nou!

Lè nou fin fè ravaj, y ap ravaje nou+.

Lè nou fin trayi moun, y ap trayi nou.

 2 O Jewova, fè nou favè+.

Se ou ki espwa nou.

Soutni nou ak bra w*+ chak maten,

Wi, se ou ki delivrans nou lè nou nan malè+.

 3 Kou pèp yo tande w k ap gwonde, yo pran kouri.

Lè w leve kanpe, nasyon yo gaye+.

 4 Menm jan ak krikèt voras ki rasanble, se konsa y ap rasanble sa nou pran yo.

Moun ap kouri al sou yo tankou lame krikèt.

 5 Jewova ap jwenn anpil glwa,

Paske li abite anwo nan syèl la.

L ap fè sa ki jis ak sa ki dwat blayi toupatou nan Siyon.

 6 E nan jou sa yo, se fidelite, sajès, konesans ak lakrentif pou Bondye

K ap fè yon moun jwenn gwo delivrans+.

Lakrentif pou Jewova+ se byen ki gen plis valè pou li.

 7 Gade! Gason vanyan yo genyen yo* pran rele byen fò nan lari.

Mesaje k ap anonse lapè yo ap kriye anpil.

 8 Pa gen pèsonn k ap pase nan gwo wout yo ankò.

Pa gen moun k ap vwayaje nan chemen yo ankò.

Li* kraze alyans lan.

Li voye vil yo jete.

Li pa respekte pèsonn+.

 9 Peyi a nan lapenn* e li fin depafini.

Liban wont+. Li fin pouri.

Chawon vin tankou dezè a,

Bazan ak Kamèl vin tankou pyebwa k ap jete fèy+.

10 Men sa Jewova di: “Kounye a, m ap leve kanpe.

Kounye a, m ap leve tèt mwen byen wo+.

Kounye a, m ap met tèt mwen byen wo.

11 Nou ansent, men se zèb sèch ki nan vant nou, e se pay nou akouche.

Tandans nou genyen ap tounen yon dife pou kankannen nou+.

12 Pèp yo ap vin tankou wòch yo boule pou fè lacho.

Y ap met dife ladan yo tankou pye pikan yo koupe+.

13 Nou menm ki lwen, tande sa m pral fè!

E nou menm ki toupre, se pou nou rekonèt mwen gen pisans!

14 Moun k ap benyen nan peche nan Siyon yo pè anpil+.

Moun ki vire do bay Bondye yo pran tranble, y ap di:

‘Kiyès ki ka viv yon kote ki gen gwo dife+?

Kiyès nan nou ki ka viv ak flanm yon dife ki pa ka etenn?’

15 Se moun ki kontinye fè sa ki dwat yo+,

Ki pale sa ki kòrèk+,

Ki pa nan move zafè, ki pa nan magouy,

Ki refize pran kado anba anba+,

Ki fèmen zòrèy yo pou yo pa tande plan moun ap fè pou fè san koule

E ki fèmen je yo pou yo pa wè sa ki mal.

16 Se moun sa yo k ap rete sou mòn ki wo yo.

Yo pral kache nan fò ki fèt ak wòch, kote ki gen bonjan sekirite*.

Y ap ba yo manje,

E yo pap janm pa gen dlo+.”

17 N ap wè yon wa ki nan glwa li ak de je nou.

N ap wè yon peyi ki lwen.

18 N ap sonje* sa ki te fè nou pè a, n ap di nan kè nou:

“Kote sekretè a ye?

Kote moun ki t ap peye a+?

Kote moun ki t ap konte konbyen fò ki genyen an?”

19 Nou pap wè moun ki awogan yo ankò,

Moun pawòl yo twò difisil* pou moun konprann.

Nou pa ka konprann sa y ap di paske se bege y ap bege+.

20 Gade Siyon, vil nou te konn fè fèt ladan l lan+.

Lè n ap gade Jerizalèm, l ap tankou yon kote ki trankil pou moun rete,

Yon tant yo pap retire nan plas li+.

Yo pap janm rache pikèt li yo,

E yo pap kase youn nan kòd li yo.

21 Men, Jewova, Bondye ki gran an,

Ap vin tankou yon kote ki gen rivyè ak gwo kanal dlo pou nou,

Yon kote okenn kannòt

E okenn gwo bato pap pase.

22 Paske, Jewova se Jij nou+.

Jewova se Sila a ki ban nou lwa pou nou suiv+.

Jewova se Wa nou+.

Se li menm k ap sove nou+.

23 Kòd bato ènmi yo ret pandye.

Yo pa ka kenbe ma batiman yo e yo pa ka monte vwal yo.

Nan moman sa a, y ap pataje pakèt bagay yo pran yo.

Menm moun ki enfim nan pye yo ap pran yon pakèt bagay+.

24 Pa gen yon moun* nan peyi a k ap di: “Mwen malad+.”

Moun ki abite nan peyi a ap jwenn padon pou peche yo fè+.

34 Nou menm nasyon, pwoche pou nou tande.

E nou menm pèp, se pou nou byen koute.

Se pou tè a ak tout sa li gen ladan l koute,

Wi, tè a ak tout sa k ap viv sou li.

 2 Paske, Jewova fache anpil kont tout nasyon yo+

E li an kòlè kont tout lame yo genyen yo+.

L ap detwi yo.

L ap touye yo+.

 3 Kadav yo ap ret blayi atè,

E move sant kadav yo ap monte+.

Mòn yo ap fonn akoz* san moun ki mouri yo+.

 4 Tout lame nan syèl la ap pouri,

E y ap woule syèl la tankou yon woulo yo fin li ladan l.

Tout lame ki ladan l lan ap tonbe,

Tankou fèy sèch k ap sot nan pye rezen tonbe atè

E tankou fig frans chode ki sot sou pye tonbe atè.

 5 “Paske, epe m nan ki nan syèl la ap benyen ak san+.

L ap desann sou Edòm pou l ba l santans li+.

L ap desann sou pèp mwen deside detwi a.

 6 Mwen menm, Jewova, mwen gen yon epe k ap kouvri ak san.

L ap kouvri ak grès+

Ak san jenn mal mouton yo ak kabrit yo

Ansanm ak grès ki nan grenn vant mal mouton yo.

Paske, Jewova ap fè yon sakrifis nan Bozra,

L ap touye anpil moun nan peyi Edòm+.

 7 L ap vide towo bèf sovaj yo atè ansanm ak yo,

Ni ti towo bèf yo ni gwo towo bèf yo.

Peyi yo a ap plen san,

E pousyè li gen ladan l ap chaje grès.”

 8 Paske, Jewova gen yon jou pou l fè vanjans+,

Yon ane pou l fè ènmi Siyon yo peye pou mal yo te fè Siyon+.

 9 Rivyè l yo* ap tounen goudwon,

Pousyè ki nan peyi a ap tounen souf pou fè dife

E tè a ap vin tankou goudwon ki gen dife ladan l.

10 Dife a pap etenn lannuit kou lajounen,

Lafimen k ap sot ladan l ap kontinye monte pou toutan.

Jenerasyon apre jenerasyon, peyi a ap ret san anyen ladan l.

Pèsonn pap janm pase ladan l pou tout tan gen tan+.

11 Se pou grangozye ak pòkepik* l ap ye,

Se chwèt ak kaw k ap ret ladan l.

Bondye ap mezire peyi sa a ak fisèl

Ansanm ak filaplon* pou l montre jan l ap vin vid, e l ap detwi l.

12 Pa gen youn nan gwo potanta l yo k ap vin wa.

Tout chèf li yo ap disparèt.

13 Se pye pikan k ap pouse nan fò li genyen yo,

E se raje ak move zèb k ap pouse nan fòtrès li yo.

L ap vin tounen yon kote pou chen sovaj viv+

Ak yon kote pou otrich rete.

14 Se la bèt ki nan dezè yo ap vin rankontre ak chen k ap viv nan dezè yo,

E se la kabrit mawon* yo ap vin rele kabrit mawon parèy yo.

Wi, se la zwazo ki konn vole lannuit yo ap rete e se la y ap jwenn yon kote pou yo repoze.

15 Se la koulèv ki rapid la ap fè nich li e se la l ap ponn ze,

L ap kouve yo e l ap rasanble pitit li yo anba l.

Wi, se la malfini yo ap rasanble, yo chak ak parèy yo.

16 Chèche nan liv Jewova a epi li ladan l byen fò.

Pa gen youn nan bèt sa yo k ap manke.

Pa gen youn ladan yo ki pap gen parèy.

Paske se Jewova ki bay lòd la ak bouch li,

E se lespri l ki rasanble yo ansanm.

17 Se li menm ki fè tiraj osò pou yo,

E se li ki mezire kote li ba yo rete a ak pwòp men l*.

Kote sa a ap pou yo pou toutan.

Y ap rete ladan l jenerasyon apre jenerasyon.

35 Dezè a ak tè ki sèch la ap kontan anpil+,

E plèn ki nan dezè a ap kontan, l ap gen anpil flè tankou pye safran+.

 2 San mank, l ap chaje ak flè+.

L ap kontan, e l ap rele tèlman l kontan.

Y ap ba l glwa peyi Liban an+,

Y ap fè l bèl tankou Kamèl+ ak Chawon+.

Moun yo ap wè glwa Jewova. Y ap wè jan Bondye nou an gran.

 3 Se pou nou bay men moun ki fèb yo fòs,

Se pou nou fè jenou moun k ap tranble yo vin djanm+.

 4 Se pou nou di moun k ap viv ak kè sote yo:

“Met kouraj sou nou. Pinga nou pè.

Gade! Bondye nou an ap vin vanje sou ènmi nou yo.

Bondye ap vin fè yo peye sa yo fè+.

L ap vin sove nou+.”

 5 Lè sa a, je moun ki avèg yo ap ouvri+,

Zòrèy moun ki soud yo ap tande+.

 6 Lè sa a, moun ki enfim nan pye yo ap vòltije tankou jenn ti kabrit+,

E lang moun ki bèbè yo ap fè rèl kè kontan+.

Epi, sous dlo pral pete nan dezè a,

Dlo pral koule nan plèn ki nan dezè a.

 7 Tè ki sèch e ki cho anpil la ap tounen yon kote ki plen dlo ak wozo,

E dlo ap ponpe sot nan tè ki pa gen dlo a+.

Kote chen sovaj yo te rete a+

Ap vin gen zèb vèt ak wozo ansanm ak papiris.

 8 Epi, ap gen yon gwo wout nan zòn sa a+,

Wi, yon wout y ap rele Wout Sakre.

Moun ki pa pwòp* pap pase ladan l+.

Se moun k ap mache nan chemen an ki ka pase ladan l.

Moun ki pa respekte bagay ki sakre yo pa gen dwa pase ladan l.

 9 Pap gen lyon ladan l

E pap gen bèt bwa ki mechan k ap vin ladan l.

Yo pap ladan l+.

Se sèlman moun Bondye rachte yo k ap mache ladan l+.

10 Moun Jewova sove yo ap retounen+ e y ap rele lè y ap antre nan vil Siyon tèlman y ap kontan+.

Y ap kontan nètale+.

Y ap fè fèt e y ap gen anpil kè kontan.

Yo pap nan chagren e yo pap plenn ankò+.

“Vil Siyon* pa vle wè w, l ap pase w nan rizib.

Jerizalèm* ap souke tèt li sou ou.

23 Kiyès w ap manke dega konsa a+? Kiyès w ap derespekte konsa a?

Kont ki moun w ap leve vwa w konsa a+?

Kiyès ou leve je gade avèk awogans konsa a?

Se kont Bondye Izrayèl la, Bondye ki sen an, w ap aji konsa+.

24 Ou itilize sèvitè w yo pou w manke Jewova dega+ e ou di:

‘Avèk pakèt charyo mwen genyen pou m fè lagè yo,

M ap monte sou tèt mòn yo+,

Kote ki pi lwen nan Liban yo.

M ap koupe pye sèd li genyen ki byen wo yo ak pi bèl pye jenevriye l yo.

M ap antre kote li genyen ki pi wo e ki pi lwen yo, nan forè li genyen ki gen plis pyebwa yo.

25 M ap fouye pi e m ap bwè dlo yo.

M ap seche rivyè* Ejip yo ak pla pye m.’

26 Èske nou pa t tande sa? Mwen te pran desizyon sa a* depi lontan.

Mwen gen lontan depi mwen planifye sa+.

Kounye a, m ap fè sa m te deside a+.

W ap fè vil ki byen pwoteje yo tounen pil dekonm+.

27 Moun ki rete nan vil sa yo pap gen pèsonn pou pote yo sekou.

Y ap pè anpil e y ap vin wont,

Y ap vin tankou plant ki nan savann, tankou zèb vèt,

Tankou zèb ki sou do kay van lès la seche.

28 Men, mwen byen konnen lè w chita, lè w soti, lè w antre+

Ak lè w an kòlè anpil kont mwen+.

29 Paske, mwen tande jan w an kòlè anpil kont mwen+ e jan w ap fè bri+.

Se sa k fè m ap mete kwòk mwen an nan nen w+, m ap mete baboukèt mwen an nan bouch ou,

E m ap fè w tounen kote w soti a.”

“Li pap antre nan vil sa a+,

Li pap tire yon flèch nan vil la,

Li pap leve yon boukliye pou l mache sou vil la,

Ni li pap fè yon ranp pou l atake l+.”’

34 ‘Menm wout li te pran pou l vini an, se ladan l l ap tounen.

Li pap antre nan vil sa a.’ Se sa Jewova di.

35 ‘M ap defann vil sa a+ e m ap delivre l poutèt non m+

E poutèt David, sèvitè m nan+.’”

10 Mwen te di: “Nan mwatye lavi m,

Fò m antre nan pòtay Tonm nan*.

M ap pèdi rès ane m ret pou m viv yo.”

11 Mwen te di: “Mwen pap wè Ja* ankò, mwen pap wè Ja nan peyi moun ki vivan yo+.

Mwen pap wè okenn moun ankò

Lè m ansanm ak moun ki rete kote tout bagay fini an.

12 Kote m rete a tankou tant yon bèje,

Yo rache l epi y al avè l+.

Mwen vlope lavi m tankou yon twal moun ki konn fè twal yo fin fè e yo vlope l.

L ap kase m tankou fil l ap retire nan yon kad yo konn fè twal.

Soti maten rive aswè, ou kontinye fini avè m+.

13 Mwen rete dousman jis demen maten.

Menm jan ak yon lyon, Bondye kontinye kraze tout zo m.

Soti maten rive aswè, ou kontinye fini avè m+.

14 Mwen kontinye rele tankou yon pipirit oswa yon wosiyòl+,

Mwen kontinye plenn tankou pijon+.

Je m bouke ret ap gade anwo+.

Mwen di: ‘O Jewova, m ap soufri anpil.

Ede m+!’

15 Ki sa pou m di?

Li pale avè m e li aji.

M ap mache byen trankil pandan tout lavi m

Paske m ap soufri anpil*.

16 Mwen te di: ‘O Jewova, se bagay sa yo* ki fè moun viv

E se nan yo fòs lavi m ye.

W ap fè m refè e w ap fè m kontinye viv+.

17 Gade! Olye m te jwenn lapè, se nan gwo soufrans mwen te ye.

Men, paske w renmen m*,

Ou pa t kite m ale nan twou kote moun fini an+.

Ou voye tout peche m yo jete dèyè do w*+.

18 Paske, Tonm nan* pa ka ba w glwa+,

Lanmò pa ka fè louwanj pou ou+.

Moun ki desann nan twou a pa ka gen espwa nan fidelite w+.

19 Se moun ki vivan, wi, se moun ki vivan ki kapab fè louwanj pou ou,

Tankou jan m ap fè sa jodi a.

Yon papa ka aprann pitit li jan w fidèl+.

20 O Jewova, sove m,

E n ap chante chante m yo avèk enstriman ki gen kòd+

Pandan tout lavi nou nan kay ou a, o Jewova+.’”

 2 Pale yon fason pou w touche kè* moun Jerizalèm yo.

Fè yo konnen travay yo t ap fòse yo fè a fini.

Yo fin peye pou sa yo fè+.

Se nan men Jewova yo resevwa tout pinisyon* pou tout peche yo fè yo+.”

 3 Gen vwa yon moun k ap di byen fò nan dezè a:

“Prepare wout la pou Jewova+!

Fè yon gwo wout byen dwat+ nan dezè a pou Bondye nou an+.

 4 Se pou yo leve tout vale met byen wo,

E se pou yo fè tout gwo mòn ak tout ti mòn vin byen ba.

Tè ki gen douk la dwe vin swa,

E tè ki gen bit la dwe vin yon plèn ki byen plat+.

 5 Moun ap fè konnen glwa Jewova+,

E tout moun ansanm ap wè glwa l+.

Paske, se Jewova ki di sa ak bouch li.”

 6 Koute! Gen yon moun k ap di: “Rele!”

Gen yon lòt ki mande: “Ki sa pou m rele a?”

“Tout moun tankou zèb vèt.

Tout lanmou fidèl yo genyen an tankou flè ki nan savann+.

 7 Zèb vèt yo vin sèch,

Flè yo fennen+,

Paske Jewova soufle sou yo ak souf* li+.

Vrèmanvre, se zèb vèt moun yo ye.

 8 Zèb vèt yo vin sèch,

Flè yo fennen,

Men, pawòl Bondye nou an la pou toutan+.”

 9 Monte sou yon tèt mòn ki wo,

Ou menm fi k ap pote bon nouvèl pou Siyon+.

Pale byen fò,

Ou menm fi k ap pote bon nouvèl pou Jerizalèm.

Pale fò, pinga w pè.

Di moun ki nan vil Jida yo: “Men Bondye nou an+!”

10 Gade! Jewova, Seyè ki Souvren an, ap vini avèk pisans.

Li pral dirije avèk men l+.

Gade! L ap vin ak tout rekonpans li,

E rekonpans l ap bay la devan l+.

11 L ap pran swen twoupo l la menm jan ak yon bèje+.

L ap rasanble ti mouton yo ak bra l,

E l ap pote yo sou lestomak li.

L ap pran swen sa ki gen pitit nan tete yo avèk tandrès+.

12 Kiyès ki rive kenbe tout dlo ki nan lanmè nan men l+?

E kiyès ki pran mezi syèl la ak lajè men l*?

Kiyès ki rasanble pousyè ki sou tè a met nan yon mezi+?

Oswa kiyès ki peze mòn yo nan balans?

E kiyès ki peze ti mòn yo nan balans?

13 Kiyès ki mezire* lespri Jewova?

E kiyès ki ka aprann li yon bagay e ki ka ba l konsèy+?

14 Ak kiyès li te pale pou l ka gen bon konprann?

Oubyen kiyès ki montre l mache nan chemen ki dwat la?

Oubyen kiyès ki fè l gen konesans?

Oubyen kiyès ki montre l wout ki mennen nan bon konprann toutbon+?

15 Gade! Nasyon yo tankou yon gout dlo nan yon bokit,

E li wè yo tankou kouch pousyè sou balans+.

Gade! Li leve zile yo tankou yon ti pousyè.

16 Menmsi yo ta koupe tout pyebwa ki nan Liban yo pou boule yo sou yon lotèl,

E menmsi yo ta boule tout bèt bwa ki nan Liban yo nèt kòm sakrifis, yo pap ase pou li.

17 Tout nasyon yo tankou yon bagay ki pa egziste devan l+.

Li konsidere yo pa anyen, yo tankou bagay ki pa gen okenn valè+.

18 Ak kiyès nou ka konpare Bondye+?

Kiyès nou ka di ki sanble avè l+?

19 Atizan an fè yon zidòl*,

Òfèv la kouvri l ak lò+,

E li fè chèn ajan pou dekore l.

20 Li chwazi yon pyebwa pou l bay kòm ofrann+,

Yon pyebwa ki pap pouri.

Li chèche yon atizan ki konn travay byen

Pou ba l fè yon zidòl ki pap tonbe+.

21 Èske se konnen nou pa konnen?

Èske se tande nou pa tande?

Èske se di yo pa t di nou sa depi nan kòmansman?

Èske se konprann nou pa t konprann sa depi lè yo t ap fè fondasyon tè a+?

22 Gen yon Bondye ki abite anlè boul* tè a+,

E moun ki abite sou tè a tankou krikèt.

Li ouvè syèl la tankou yon twal fen,

E li ouvè l tankou yon tant pou l abite+.

23 Li retire pouvwa moun ki nan gwo pozisyon yo,

E li fè jij* yo sou tè a pa gen okenn valè.

24 Yo poko menm fin plante yo,

Yo poko menm fin simen yo,

Rasin yo poko menm fin pran nan tè,

Yo soufle sou yo e yo seche,

Epi, van pote yo ale tankou pay+.

26 Leve je nou nan syèl la epi gade.

Kiyès ki kreye bagay sa yo+?

Se Sila a ki dirije yo tankou yon lame, selon kantite yo ye.

Li rele yo tout nan non yo+.

Grasa pakèt fòs li genyen ak pisans li genyen ki fè moun gen lakrentif pou li+,

Pa gen youn ladan yo ki manke.

27 O Jakòb, poukisa w di sa a? O Izrayèl, poukisa w deklare:

‘Jewova pa wè wout mwen,

E Bondye pa fè m jwenn jistis+’?

28 Èske se konnen nou pa konnen? Èske se tande nou pa tande?

Jewova, Kreyatè tout kote ki sou tè a, se Bondye pou tout tan gen tan+.

Li pa janm fatige, ni li pa janm faya+.

Pèsonn pa ka rive konnen* bagay li konprann yo+.

29 Moun ki fatige yo, li ba yo fòs,

E moun ki manke fòs yo*, li fè yo gen tout fòs yo+.

30 Tigason yo ap fatige e y ap vin faya,

Jèn gason yo ap bite e y ap tonbe,

31 Men, moun ki met espwa yo nan Jewova ap repran fòs.

Y ap vole byen wo kòmsi yo te gen zèl tankou èg+.

Y ap kouri, men yo pap faya.

Y ap mache, men yo pap fatige+.”

41 “Nou menm zile yo, ret an silans pou nou koute m*.

Se pou nasyon yo repran fòs.

Se pou yo pwoche e se pou yo pale+.

Annou pwoche pou jijman an.

 2 Kiyès ki fè yon moun ki sot nan direksyon solèy leve* kanpe+,

Ki rele moun nan vin fè sa ki jis devan pye l*,

Pou l lage nasyon yo nan men l

E pou l fè l fè wa yo soumèt devan l+?

Kiyès ki fè yo tounen pousyè devan epe l la,

E ki fè yo vin tankou pay van pote ale devan banza* l la?

 3 Li kouri dèyè yo, san pèsonn pa bloke l.

Li pase nan chemen li pa t konn pase.

 4 Kiyès ki aji konsa e ki fè sa,

Ki rele jenerasyon yo youn apre lòt depi nan kòmansman?

Mwen menm Jewova, se mwen an premye ki te la+,

E m ap toujou ret menm jan an pou dènye jenerasyon k ap egziste yo+.”

 5 Zile yo wè sa e yo vin pè.

Dènye bout tè a te pran tranble.

Moun yo te rasanble.

 6 Youn ede lòt,

Epi, youn di lòt: “Mete kouraj sou ou.”

 7 Konsa, atizan an ankouraje òfèv la+.

Bòs fòjon k ap plati metal ak mato a

Ankouraje moun k ap plati metal sou fè ki la pou sa a.

Li wè soudi bòs la fè a, li di: “Sa a bon.”

Apre sa, yo kloure estati a byen kloure pou l pa tonbe.

 8 “Men ou menm, o Izrayèl, ou se sèvitè m+.

O Jakòb, ou menm, moun mwen chwazi a+,

Ki se desandan* Abraram, zanmi m nan+,

 9 Ou menm, mwen t al pran jis nan dènye bout tè a+,

Ou menm, mwen rele pou w sot kote ki pi lwen yo,

Mwen te di w: ‘Ou se sèvitè m+.

Se ou mwen chwazi, mwen pa voye w jete+.

10 Ou pa bezwen pè, paske mwen avè w+.

Pa bay tèt ou pwoblèm, paske mwen se Bondye w+.

M ap ba w fòs, wi, m ap ede w+.

Vrèmanvre, m ap kenbe w byen di ak men dwat mwen pou m mennen w nan chemen ki dwat la.’

11 Gade! Y ap fè tout moun ki fache anpil kont ou yo vin wont e y ap imilye yo+.

Y ap detwi moun k ap fè lagè avè w yo, yo pap egziste ankò+.

12 W ap chèche moun k ap batay avè w yo, men ou pap jwenn yo.

Moun k ap fè lagè avè w yo ap vin tankou yon bagay ki pa egziste, yo pap anyen ditou+.

13 Paske, mwen menm, Jewova, Bondye w la, mwen kenbe men dwat ou,

E mwen se Sila a k ap di w: ‘Ou pa bezwen pè, m ap ede w+.’

14 Ou pa bezwen pè, ou menm Jakòb ki se yon vètè*+.

Nou menm moun Izrayèl, m ap ede nou.” Se sa Jewova, Sovè* nou an+, Bondye Izrayèl la, Bondye ki sen an, di.

15 “Gade! Mwen fè n tounen yon planch pou yo bat manje angren+,

Yon zouti tounèf ki gen dan toude bò pou yo bat manje angren.

N ap pilonnen mòn yo, n ap kraze yo,

E n ap fè ti mòn yo vin tankou pay.

16 N ap vannen yo,

E van ap pote yo ale.

Yon van tanpèt ap gaye yo.

N ap kontan grasa Jewova+,

E n ap fè elòj pou tèt nou grasa Bondye Izrayèl la, Bondye ki sen an+.”

17 “Moun ki nan nesesite yo ak moun ki malere yo ap chèche dlo, men yo pa jwenn.

Lang yo sèch tèlman yo swaf+.

Mwen menm, Jewova, m ap reponn priyè yo+.

Mwen menm, Bondye Izrayèl la, mwen pap abandone yo+.

18 M ap fè rivyè koule nan ti mòn ki pa gen okenn plant sou yo+,

E m ap fè sous dlo koule nan vale yo+.

M ap fè dezè a tounen yon kote ki plen dlo ak wozo,

E m ap fè tè ki sèch la tounen yon kote ki chaje sous dlo+.

19 M ap plante pye sèd nan dezè a,

E m ap plante pye akasya, pye mit* ak pyebwa ki bay luil+.

Nan plèn ki nan dezè a, m ap plante pye jenevriye

Ansanm ak pye frenn ak pye sapen+

20 Pou tout moun ka wè e pou yo ka konnen,

Pou yo ka byen koute e pou yo ka konprann

Se Jewova ki fè sa ak men l,

E se Bondye Izrayèl la, Bondye ki sen an, ki fè sa fèt+.”

21 Jewova di: “Prezante ka w la.”

Wa Jakòb la di: “Bay prèv ou genyen yo.

22 Bay prèv ou yo epi di nou bagay ki pral rive yo.

Fè n konnen ansyen* bagay yo

Pou nou ka reflechi sou yo* e pou nou ka konnen ki jan y ap fini.

Oubyen fè n konnen bagay k ap vini yo+.

23 Di nou ki sa k pral rive nan tan k ap vini yo

Pou nou ka konnen se dye nou ye+.

Wi, fè yon bagay, kit li bon, kit li pa bon,

Pou nou ka sezi lè nou wè sa+.

24 Gade! Nou se yon bagay ki pa egziste,

E sa nou fè yo pa vo anyen+.

Moun ki chwazi sèvi nou bay repiyans+.

25 Mwen fè yon moun leve sot nan nò, e l ap vini+,

Yon moun ki sot nan direksyon solèy leve*+ k ap fè louwanj pou non m.

L ap pilonnen chèf yo anba pye l tankou se ajil yo ye+,

Menm jan yon atizan ki konn travay ak ajil ap pilonnen ajil ki mouye.

26 Kiyès ki te rakonte sa depi nan kòmansman oswa depi nan tan pase yo

Pou nou ka konnen l, pou nou ka di: ‘Li gen rezon+’?

Vrèmanvre, pa gen pèsonn ki te anonse bagay sa a!

Pa gen pèsonn ki te di sa!

Pa gen pèsonn ki te tande nou di anyen+!”

27 Se mwen an premye ki te di moun Siyon yo: “Men sa k pral rive+.”

E se mwen ki te di moun Jerizalèm yo m ap voye yon moun pot bon nouvèl ale+.

28 Men, mwen te kontinye gade, e pa t menm gen youn.

Pa t gen youn pami yo ki ka bay konsèy.

Mwen te kontinye mande yo pou yo reponn.

29 Gade! Yo youn pa vo anyen*.

Travay moun sa yo pa vo anyen.

Estati yo genyen ki fèt ak metal* yo menm jan ak van e yo pa gen okenn valè+.

42 Gade! Men sèvitè m nan+, moun m ap ede a!

Men moun mwen chwazi a+, moun mwen* pran plezi nan li a+!

Mwen mete lespri m sou li+,

E l ap fè nasyon yo konnen sa k rele jistis+.

 2 Li pap ni fè bri, ni rele fò.

Li pap fè tande vwa l nan lari+.

 3 Li pap kase wozo ki pliye a,

E li pap etenn mèch lanp k ap bay lafimen an+.

L ap fè gen jistis toutbon+.

 4 Li pap faya e li pap kraze jiskaske li met jistis sou tè a+,

E zile yo kontinye ret tann lòd* l ap bay.

 5 Men sa Jewova, vrè Dye a, di,

Kreyatè syèl la, Gran Dye ki blayi syèl la+,

Sila a ki mete tè a kote l ye a e ki fè tout sa ki sou li+,

Sila a ki bay moun k ap viv sou tè a souf+,

E ki bay moun k ap mache sou li yo lavi+:

 6 “Mwen menm, Jewova, ki aji avèk jistis, mwen rele w.

Mwen kenbe men w.

M ap pwoteje w e m ap fè w vin yon alyans ant mwen menm ak pèp yo+.

E w ap vin tankou yon limyè pou nasyon yo+,

 7 Pou w ouvè je moun ki avèg yo+,

Pou w fè prizonye yo sot nan kacho,

E pou w fè moun ki chita nan fènwa yo sot nan prizon+.

 8 Mwen se Jewova. Se non pa m.

Mwen pa bay pèsonn glwa ki pou mwen an*,

E mwen pa bay zidòl louwanj ki pou mwen an+.

 9 Gade! Premye bagay yo fin fèt.

Kounye a, m ap anonse nouvo bagay.

Anvan yo parèt, m ap fè w konnen yo+.”

10 Chante yon nouvo chante pou Jewova+,

Fè louwanj pou li jis nan dènye bout tè a+,

Nou menm k ap vwayaje sou lanmè e nou tout k ap viv nan lanmè,

Nou menm zile ak moun k ap viv sou nou yo+.

11 Se pou dezè a ak vil ki ladan l yo+

Ansanm ak kan kote Keda abite a+ leve vwa yo.

Se pou moun k ap viv kote ki gen mas wòch yo rele tèlman yo kontan.

Se pou yo rele sou tèt mòn yo.

12 Se pou yo bay Jewova glwa,

E se pou yo mache fè louwanj pou li nan zile yo+.

13 Jewova ap soti tankou yon gason vanyan+.

L ap vin chofe tankou yon sòlda ki nan lagè+.

L ap rele, wi, l ap fè yon gwo rèl tankou bri moun ki nan lagè.

L ap montre jan li gen plis fòs pase ènmi l yo+.

14 Li di: “Sa fè lontan depi m ret dousman.

Mwen te ret an silans e mwen te kontwole tèt mwen.

Menm jan ak yon fi k ap akouche,

Mwen pral plenn, m ap respire fò e souf mwen ap kout.

15 M ap ratibwaze gwo mòn yo ak ti mòn yo,

E m ap seche tout plant ki ladan yo.

M ap fè rivyè yo tounen zile,

E m ap seche kote ki plen dlo ak wozo yo+.

16 M ap mennen avèg yo al nan yon wout yo pa konnen+,

E m ap fè yo mache nan chemen yo pa abitye mache+.

M ap fè fènwa ki devan yo tounen limyè+,

E m ap fè tè ki gen douk la vin plat+.

Se sa m ap fè pou yo e mwen pap abandone yo.”

17 Y ap fè moun ki met konfyans yo nan zidòl yo retounen,

E y ap fè yo wont nèt,

Yo menm ki di estati ki fèt ak metal* yo: “Nou se dye nou+.”

18 Nou menm ki soud, se pou nou koute.

Nou menm ki avèg, gade byen pou nou wè+.

19 Kiyès ki avèg tankou sèvitè m nan,

Ki soud menm jan ak moun mwen voye a?

Kiyès ki avèg tankou moun mwen bay rekonpans lan,

E ki avèg tankou sèvitè Jewova a+?

20 Nou wè anpil bagay, men nou pa t bay sa valè.

Nou ouvè zòrèy nou, men nou pa koute+.

21 Piske Jewova renmen sa ki jis,

Li kontan fè lalwa* vin gen anpil valè e li fè l bèl anpil.

22 Men, se yon pèp yo piye, e yo pran tout sa l genyen+.

Yo met yo tout nan twou e yo fèmen yo nan prizon+.

Yo piye yo, e pa gen pèsonn pou delivre yo+.

Yo pran tout sa yo genyen, e pa gen pèsonn ki di: “Remèt yo afè yo!”

23 Kiyès nan nou k ap koute sa?

Kiyès k ap pran san yo pou yo koute pou sa ka itil yo demen?

24 Kiyès ki bay Jakòb pou yo piye l

E ki livre pèp Izrayèl la pou yo pran tout sa l genyen?

Èske se pa Jewova, Sila a nou peche kont li a?

Yo te refize mache nan wout li yo

E yo pa t obeyi lwa* li+.

25 Se sa k fè li kontinye lage gwo kòlè sou Izrayèl,

Li kontinye lage kòlè l sou li e li fè moun kontinye fè gwo lagè avè l+.

Flanm dife lagè kankannen tout sa ki bò kote l, men li pa t koute+.

Dife a boule l nèt, men li pa t bay sa enpòtans+.

43 Kounye a, men sa Jewova, Kreyatè w la, di, o Jakòb,

Sila a ki fè w la, o Izrayèl+:

“Ou pa bezwen pè, paske mwen delivre w+.

Se mwen ki ba w non.

Se byen m ou ye.

 2 Lè w ap janbe dlo, m ap avè w+.

Lè w ap travèse rivyè, dlo pap kouvri w+.

Lè w ap mache nan dife, ou pap boule,

E flanm dife pap kankannen w.

 3 Paske, mwen se Jewova, Bondye w la,

Bondye Izrayèl la, Bondye ki sen an, Sovè w la.

Mwen te bay Ejip,

Etyopi ak Seba kòm ranson pou ou.

 4 Paske w vin gen anpil valè pou mwen+,

Ou enpòtan pou mwen, mwen renmen w+.

M ap bay anpil moun ak anpil nasyon

Pou m ka sove lavi w*.

 5 Ou pa bezwen pè, paske mwen avè w+.

M ap fè pitit ou yo* sot nan lès,

E m ap fè yo rasanble sot nan lwès+.

 6 M ap di zòn nò a: ‘Kite yo ale!+’

E m ap di zòn sid la: ‘Pa anpeche yo ale.

Fè pitit gason m yo sot byen lwen e fè pitit fi m yo sot nan dènye bout tè a+,

 7 Sa vle di tout moun ki pote non m yo+,

Moun mwen te kreye pou glwa m yo,

Moun mwen te fè yo+.’

 8 Fè pèp la soti. Yo gen je, men yo avèg,

Yo gen zòrèy, men yo soud+.

 9 Se pou tout nasyon rasanble yon sèl kote,

E se pou pèp yo reyini ansanm+.

Kiyès pami dye yo ki ka di sa?

Oubyen èske yo ka fè nou tande premye bagay yo*+?

Se pou yo vin ak temwen yo pou yo montre se yo ki gen rezon!

Oubyen se pou yo tande e se pou yo di: ‘Sa se laverite+!’”

10 Men sa Jewova di: “Nou se temwen m+,

Wi, nou se sèvitè m mwen chwazi+,

Pou nou ka konnen m, pou nou ka gen lafwa nan mwen*,

E pou nou ka konprann mwen se menm Moun nan+.

Anvan m, pa t gen okenn dye ki te fèt,

E apre m, pa menm gen youn+.

12 Men sa Jewova di: “Mwen se Sila a ki pale a, ki te sove nou an e ki te fè nou konnen sa k pral rive

Lè pa t gen okenn lòt dye nan mitan nou+.

Se sa k fè nou se temwen m, e se mwen ki Bondye+.

13 Epitou, mwen toujou menm Moun nan+.

Pèsonn pa ka rache anyen nan men m+.

Lè m ap aji, kiyès ki ka bloke m+?”

14 Men sa Jewova, Sovè* w la+, Bondye Izrayèl la, Bondye ki sen an, di+:

“Poutèt ou menm, m ap voye al kraze tout ba fè yo konn fèmen pòtay ki nan Babilòn yo+,

E moun Kalde ki nan bato yo ap rele pou yo mande sekou+.

16 Men sa Jewova di,

Sila a ki fè yon wout travèse lanmè a

E ki fè yon chemen pase menm nan mitan dlo ki move yo+,

17 Sila a ki fè charyo yo konn fè lagè yo soti ansanm ak cheval yo+,

Ki fè lame a soti ansanm ak sòlda ki vanyan yo:

“Yo pral kouche, men yo pap leve+.

Y ap etenn souf yo tankou flanm yon lanp yo kouvri.”

18 “Pinga nou sonje ansyen bagay yo,

E pinga nou ret ap reflechi sou tan ki pase yo.

19 Gade! M ap fè yon bagay tounèf+.

Li parèt kounye a menm.

Ou pa konn ki sa l ye?

M ap fè yon wout travèse dezè a+,

E m ap fè rivyè pase nan dezè a+.

20 Bèt sovaj yo ap gen respè pou mwen,

Chen sovaj yo ak otrich yo tou,

Paske mwen bay dlo nan dezè a,

Mwen mete rivyè dlo nan dezè a+,

Pou pèp mwen an, pèp mwen chwazi a+, ka bwè,