Kèk modèl prezantasyon

Pou nou kòmanse etid biblik premye samdi nan mwa fevriye a

“Èske w panse Bondye gen yon òganizasyon jodi a oubyen èske li gen relasyon ak chak moun apa? [Kite moun nan reponn.] Gade sa yo di konsènan yon pèp Bondye te òganize sa gen lontan.” Ale nan paj 26 la nan Toudegad 1^ye fevriye (fransè), epi egzamine enfòmasyon nou jwenn anba premye soutit ki nan paj la ak moun nan, e pale omwen sou youn nan vèsè yo bay kòm referans yo. Ofri moun nan de peryodik yo, epi pran randevou pou w retounen vin reponn kesyon ki apre a.

La Tour de Garde 1^ye fevriye

“Nan dènye ane sa yo gen anpil moun k ap pale de Amagedòn? Èske w panse gen yon bagay yon moun ka fè pou l anpeche Amagedòn rive? [Kite moun nan reponn.] Se nan vèsè nou pral li a nou jwenn mo Amagedòn nan. [Li Revelasyon 16:16. Apre sa, montre moun nan kouvèti peryodik la.] Peryodik sa a ede nou jwenn repons Bib la bay pou kesyon sa yo.”

Réveillez-vous! Fevriye

“Jodi a gen anpil moun ki renmen kominike youn ak lòt sou Entènèt. Dapre ou menm, èske gen danje nan fòm kominikasyon sa a? [Kite moun nan reponn.] Nan Bib la n ap jwenn kèk prensip ki ka ede nou pi byen itilize Entènèt. [Ale nan paj 6-9, epi egzamine youn nan kesyon yo ak youn nan vèsè yo bay kòm referans yo.] Peryodik sa a ap ede w idantifye danje ki gen nan zafè kominike ak lòt moun sou Entènèt e l ap ede w wè sa w ka fè pou w evite danje sa yo.”