2023: Yon ane ki te bay anpil kè kase — Ki sa Bib la di?

Pandan ane 2023 a, evènman ki pase toupatou sou tè a bay prèv klè n ap viv nan epòk Bib la rele “dènye jou yo”. (2 Timote 3:1.) Gade ki jan sa k ap pase jodi a se menm bagay Bib la te gentan fè konnen ki t ap rive nan epòk nou an.

Sa Bib la te di sou evènman k ap pase nan monn nan

“Lagè k ap fèt ak nouvèl sou lagè.” — Matye 24:6.

• “Vin gen plis konfli ki lakòz vyolans plizyè kote nan monn nan.”a

“Tranblemanntè nan yon zòn apre yon lòt.” — Mak 13:8.

• “Depi kòmansman ane 2023 a, te gen 13 tranblemanntè toupatou sou tè a ki te depase mayitid 7, se youn nan pi gwo chif nan yon ane depi yo te kòmanse anrejistre tranblemanntè ki fèt.”b

“Moun […] wè bagay k[i] fè yo pè.” — Lik 21:11.

• “Epòk kote tè a t ap chofe a fini. Kounye a, tè a se bouyi l ap bouyi.” — António Guterres, sekretè jeneral Nasyonzini.c

“Rate manje.” — Matye 24:7.

• “2023: Yon lòt ane kè kase pou anpil fanmi ki gen gwo difikilte pou yo jwenn manje.”d

“Tan yo […] di, yo [...] difisil pou moun sipòte.” — 2 Timote 3:1.

• “Sou chak uit moun sou tè a, gen youn ladan yo ki gen yon pwoblèm mantal kèlkonk.”e

Ki sa pou n atann pou ane 2024 la?

Pa gen moun ki konnen egzakteman sa ane 2024 la ap pote. Men, evènman k ap pase nan monn nan montre talè konsa Wayòm Bondye a, sa vle di gouvènman ki nan syèl la, pral ranplase gouvènman lèzòm yo e l pral retire tout sa k lakòz soufrans ak kè kase. — Dànyèl 2:44; Revelasyon 21:4.

Annatandan, lè nou gen kè kase, nou ka chèche èd nan men Bondye. Labib di:

“Lè laperèz anvayi m, se nan ou mwen met konfyans mwen.” — Sòm 56:3.

Ki jan nou ka montre nou met konfyans nou nan Bondye? Nou ankouraje w aprann plis sou pwomès Bib la fè pou nou viv san soufrans. Eseye pwogram etid Labib gratis nou an pou w wè ki jan pwomès nan Bib la ka pwofitab pou ou menm ak fanmi w.