Tanpri, vizite yo prese prese

Ki moun pou yo vizite prese prese a ? Moun ki mande piblikasyon, moun ki mande pou yo pote peryodik pou yo regilyèman oswa moun ki ta renmen Temwen Jewova vin vizite yo lakay yo. Ki kote demann sa yo soti ? Li soti bò kote moun ki ekri biwo filyal la dirèkteman oswa ki rele nan telefòn oubyen moun ki itilize sit Entènèt òganizasyon an. Lè moun yo manifeste enterè konsa, biwo filyal la sèvi ak fòmilè S-70 la pou l enfòme kongregasyon lokal la. Fòmilè sa a se yon ti fèy papye ki gen antèt sa a : “ Veuillez faire en sorte qu’un proclamateur expérimenté rende visite à cette personne ”. Lè ansyen yo resevwa fòmilè S-70 la, yo dwe bay yon pwoklamatè fòmilè sa a imedyatman e, avèk dilijans, pwoklamatè a pral ede moun ki manifeste enterè a. Si pwoklamatè a gen difikilte pou l rankontre moun nan lakay li, li ka eseye kontakte l nan telefòn oubyen li ka kite yon ti nòt pou li, men l ap fè sa avèk anpil pridans. Si yo mande pou w fè jan de nouvèl vizit sa yo, souple, fè tout sa w kapab pou rankontre moun ki manifeste enterè a prese prese.