Kèk modèl prezantasyon

Pou nou kòmanse etid biblik premye samdi nan mwa septanm nan

“Bonjou. Nou pase vizite w pou n ka fè yon ti pale sou yon liv anpil moun fè konfyans ki ka ede moun ki marye yo reyisi maryaj yo. Dapre ou menm, ki pi gwo pwoblèm ki ka anpeche moun ki marye yo gen kè kontan?” [Kite moun nan reponn.] Montre moun nan do Toudegad 1^ye septanm nan, egzamine repons yo bay pou premye kesyon an avè l epi pale omwen sou youn nan vèsè yo bay kòm referans yo. Ofri moun nan peryodik yo, epi pran randevou pou w retounen reponn kesyon ki vin apre a.

La Tour de Garde 1^ye septanm

“Nou vin wè w paske gen anpil moun k ap mande poukisa Bondye pèmèt tout soufrans sa yo. Èske w konn poze kesyon sa a tou? [Kite moun nan reponn.] Li ankourajan pou nou konnen Bib la fè nou pwomès gen yon lè nou pap nan lapèn akoz moun pa nou ki mouri e nou pap soufri ankò. [Li Revelasyon 21:4.] Peryodik sa a egzamine senk rezon enpòtan ki fè gen tout soufrans sa yo. Anplis de sa, li esplike sa Bib la di sou fason Bondye pral met fen nan soufrans.”

Réveillez-vous! Septanm

“Nou pase lakay ou pou nou fè yon ti pale sou yon fèt anpil moun selebre ki pral rive talè konsa, se fèt dèmò, gen kèk kote yo rele fèt sa a Alowin. Gen moun ki chwazi pa fete l, paske yo konnen avètisman Bib la bay nan vèsè nou pral li a. [Li Levitik 19:31.] Gen lòt moun ki pa kwè espri yo egziste men yo konsidere fèt sa a kòm yon okazyon pou yo detann yo e yo pa wè okenn danje nan sa. E ou menm, ki sa w panse de fèt sa a? [Kite moun nan reponn.] Peryodik sa a fè nou konnen ki kote fèt sa a soti.”