Byen akeyi yo

Kiyès pou nou byen akeyi? Kèlkeswa moun ki asiste reyinyon nou yo, kit yo fèk kòmanse asiste yo, kit nou konnen yo depi lontan (Wm 15:7; Eb 13:2). Se ka yon frè oswa yon sè ki soti nan yon lòt peyi oubyen yon frè oswa yon sè ki inaktif k ap asiste reyinyon pou premye fwa depi plizyè ane. Imajine ki jan w t ap santi w si se ou ki te nan sitiyasyon sa yo. Èske w pa t ap renmen pou yo byen akeyi w (Mt 7:12)? Kidonk, sa w panse si w ta fè plis efò pou w fè yon ti mache nan Sal Wayòm nan e pou w salye moun ki la yo anvan reyinyon yo kòmanse ak lè yo fini? Sa ap fè gen lanmou ak yon bèl anbyans nan sal la, e sa ap onore Jewova (Mt 5:16). Se vre, li gendwa pa posib pou nou gentan pale ak chak moun. Men, tout moun ap santi yo byen akeyi yo si nou chak nou fè efò pou saa.

Si nou konn akeyi moun toutbon, se pa nan okazyon espesyal sèlman, tankou Memoryal, n ap fè sa, men se toutan. Lè moun ki fèk ap vini yo wè lanmou kretyen an ann aksyon e lè yo santi yo viv li, sa ka fè yo bay Bondye glwa e sa ka fè yo vin jwenn nou nan vrè adorasyon an. — Jan 13:35.