BYEN PREPARE W POU TRAVAY PREDIKASYON AN | CHÈCHE GEN PLIS KÈ KONTAN NAN TRAVAY PREDIKASYON AN
Ede etidyan Labib yo asiste reyinyon
Reyinyon ki fèt nan kongregasyon yo se yon pati esansyèl nan vrè adorasyon an (Sm 22:22). Tout moun ki reyini pou adore Jewova yo jwenn kè kontan ak benediksyon (Sm 65:4). Jeneralman, etidyan Labib yo pwogrese pi rapid lè yo asiste reyinyon yo regilyèman.
Ki jan w ka ede etidyan Labib ou yo asiste reyinyon? Kontinye envite yo nan reyinyon yo. Montre yo videyo Ki sa yo fè nan yon Sal Wayòm? nan. Esplike yo enpòtans reyinyon yo (lff leson 10). Ou ka pataje yon pwen byen presi sou sa w te aprann nan yon reyinyon oswa w ka montre l sou ki sa yo pral pale nan yon pwochen reyinyon. Bay etidyan w yo piblikasyon yo pral itilize yo. Ofri yo èd pratik tou. Petèt yo ka bezwen yon woulib. Kèlkeswa efò w fè ap bay bon rezilta lè etidyan w lan asiste reyinyon pou premye fwa. — 1Ko 14:24, 25.
GADE VIDEYO KI GEN TIT EDE ETIDYAN LABIB OU YO ASISTE REYINYON, EPI REPONN KESYON KI ANNAPRE YO:
Ki okazyon Nita te jwenn pou l envite Jad asiste yon reyinyon kongregasyon an?
Poukisa nou gen kè kontan lè yon etidyan Labib asiste reyinyon?
“Bondye vrèman pami nou”
Ki eksperyans Jad te fè lè l te asiste reyinyon pou premye fwa?