Ede etidyan Labib ou yo evite move frekantasyon

Pou etidyan Labib yo vin zanmi Jewova, yo dwe chwazi bon zanmi (Sm 15:1, 4). Bon zanmi ap ankouraje yo pou yo fè sa ki byen. — Pw 13:20; lff leson 48.

Lè w ap ede etidyan Labib ou yo pou yo evite move frekantasyon, se pou w mete w nan plas yo. Yo ka ap goumen pou yo kite zanmi yo te gen nan monn nan. Se sa k fè, se pou w montre w enterese nan yo pèsonèlman menm nan jou ou pap fè etid la. Sa ka gen ladan l voye yon mesaj, fè yon apèl oswa vizite yo. Toutpandan etidyan Labib ou yo ap pwogrese, ou ka envite yo vin pase ti moman ansanm ak moun ki nan pèp Bondye a. Sa ap fè yo wè byen klè yo vin gen plis pase sa y ap pèdi yo (Mk 10:29, 30). Ou menm tou, w ap gen kè kontan toutpandan w ap wè fanmi Jewova a k ap ogmante.

GADE VIDEYO KI GEN TIT EDE ETIDYAN LABIB OU YO EVITE MOVE FREKANTASYON, EPI REPONN KESYON KI ANNAPRE YO:

• Ki sa move frekantasyon ye? — 1Ko 15:33

• Ak ki sa Jad panse fèt kretyen yo konn fè yo sanble?

• Ki jan Nita te ede Jad ranplase move frekantasyon l yo?