STUDY 18

Teach Wat Stay Good Fo Yoa Lissenas

1 Corint 9:19-23

MAIN TING: Help yoa lissenas tink fo demselfs, so dey feel like dey learn someting importan.

Tink bout wat yoa lissenas awready kno. No jus repeat stuff dey wen awready hea befoa, try help um fo look at wat you talking bout in one diffren way.

No talk long time bout stuff dey awready kno, but go moa slow wen you teaching dem someting new.
Study an tink bout um. Fo help yoa lissenas undastan da main points you talking bout, wen can, try tell facts dat maybe dey neva hea befoa or stuff dass happening in da world. Tink plenny bout wat you talking bout an how conneck to da facts you goin use.

Tink deep about wat you goin talk about. Ask yoaself questions like “wat, why, wen, wea, who an how.” Ask an ansa dose questions fo make yoa teaching come alive.
Show how da tings you talking bout can help peopo. Show peopo how da Scripchas can help dem wit eryday kine stuff. Give dem exampos of tings dat can come up in dea life so dey can see how fo use wat dey learn from da Scripchas.