Հարցերի արկղ
◼ Կարելի՞ է դիմել Ընկերությանը՝ իմանալու համար այն մարդկանց հասցեները, որոնց հետ ցանկանում ենք նամակագրական կապ հաստատել։
Այն քարոզիչներին, ովքեր ցանկանում են կապ հաստատել այլ քաղաքներում կամ նույնիսկ արտասահմանյան երկրներում ծառայող եղբայրների հետ, խորհուրդ է տրվում անձամբ զբաղվել այդ հարցով։ Շատ է պատահել, որ համաժողովներին քարոզիչների հետ ծանոթանալու արդյունքում հիանալի ընկերություններ են հաստատվել։ Ապա՝ կանոնավորաբար նամակագրական կապ պահպանելով՝ ստեղծվել է ջերմ, երկարատև ընկերություն։ Ոչ մի սխալ բան չկա նամակագրական կապ հաստատելու մեջ։ Սակայն նման դեպքերում անհատի հասցեն պետք է վերցնել անմիջապես իրենից։ Ընկերության կամ ժողովի քարտարաններում գտնվող հասցեները կոնֆիդենցիալ են. մենք չենք կարող դրանք անձնական նպատակներով գործածել։
Որոշ դպրոցներում քաջալերվում է նամակագրական կապով ծանոթություն հաստատել մարդկանց հետ՝ որպես դպրոցական ծրագրի մաս։ Եղել են դեպքեր, երբ պատանի քարոզիչներին հաջողվել է այդ կերպով արդյունավետ վկայություն տալ և ոմանց մեջ անկեղծ հետաքրքրություն առաջացնել ճշմարտության հանդեպ։ Այնուամենայնիվ, յուրաքանչյուրն ինքն է որոշում՝ մասնակցել դպրոցական այդ ծրագրին, թե՝ ոչ։ Սակայն, մարդկանց նամակներ գրելիս լավ կլինի հիշել, որ անհրաժեշտ է ավելի մեծ նշանակություն տալ Թագավորության մասին վկայելուն, քան աշխարհիկ գործերի վրա կենտրոնանալուն՝ ի մտի ունենալով Ա Կորնթացիս 15։33–ի նախազգուշացումը «չար ընկերակցությունների» վերաբերյալ։