Մատուցումներ «Աստված հոգ տանո՞ւմ է մեր մասին» գրքույկն առաջարկելու համար
Որևէ աղետի կամ դժբախտ պատահարի մասին հիշատակելուց հետո կարող ես ասել.
«Երբևէ մտածե՞լ եք, թե ինչու է Աստված թույլ տալիս, որ մարդիկ տառապեն, եթե նա իսկապես հոգում է մեր մասին։ [Թույլ տուր պատասխանել։] Այս գրքույկը բավարարող պատասխան է տալիս այդ հարցին և ցույց է տալիս, թե ինչ է Աստված անելու մոտ ապագայում։ [Ցույց տուր 27–րդ էջում տեղ գտած նկարները և 22–րդ պարբերությունից կարդա Սաղմոս 145։16–ը։] Ինչպե՞ս է Աստված վերացնելու տառապանքը, որ կրում են մարդիկ։ Ես կցանկանայի այդ հարցի մասին խոսել հաջորդ անգամ»։ Առաջարկիր գրքույկը և պայմանավորվիր վերայցելել։
Երբ վերայցելես, կարող ես ասել.
«Անցած անգամ մենք կարդացինք այս սուրբգրային համարը։ [Կարդա կամ անգիր ասա Սաղմոս 145։16–ը։] Ապա ես մի բաց հարց թողեցի՝ ինչպե՞ս է Աստված վերացնելու տառապանքը, որ կրում են մարդիկ»։ Խնդրիր նրան վերցնել իր գրքույկը։ Այնուհետև բաց արեք 27–րդ, 28–րդ էջերը և քննարկեք 23–25-րդ պարբերությունները։ Առաջարկիր Աստվածաշնչի ուսումնասիրություն կամ պայմանավորվիր հաջորդ անգամ քննարկել 26–րդ, 27–րդ պարբերությունները։
―――◆―――
Պատանի քարոզիչը կարող է ասել.
«Իմ տարիքի շատ պատանիների մտահոգում է այն հարցը, թե ինչպիսին է լինելու աշխարհը 10 կամ 15 տարի հետո։ Ի՞նչ եք կարծում, ինչպիսի՞ն կլինի կյանքը այն ժամանակ։ [Թույլ տուր պատասխանել։] Այն խնդիրները, որ գոյություն ունեն այսօր, ցույց են տալիս, որ մենք ապրում ենք վերջին օրերում։ [Կարդա Բ Տիմոթէոս 3։1–3 համարները։] Այս գրքույկում տրվում են հետևյալ հարցերի պատասխանները։ [Կարդա շապիկի վրա գրված հարցերը և առաջարկիր գրքույկը։] Երբ հաջորդ անգամ այցելեմ ձեզ, եթե մի քանի րոպե ունենաք, ես կցանկանայի մի քաջալերական միտք հայտնել ձեզ հիվանդություններին և ծերությանը վերջ դնելու վերաբերյալ»։ Պայմանավորվիր վերայցելել։
Երբ վերայցելես, կարող ես ասել.
«Անցած անգամ մեր զրույցի ժամանակ ես ասացի, որ կուզենայի մի միտք հայտնել հիվանդություններին և ծերությանը վերջ դնելու վերաբերյալ։ Այդ միտքը այստեղ է գրված»։ Խնդրիր նրան վերցնել իր գրքույկը։ Ապա կարդա ու քննարկիր 23–րդ, 24–րդ էջերի 6–րդ և 7–րդ պարբերությունները։ Պայմանավորվիր հաջորդ այցելության ժամանակ քննարկել 8–րդ և 9–րդ պարբերությունները։
―――◆―――
Երեխայի հետ ծառայելիս քարոզիչը կարող է ներկայացնել իրեն ու երեխային և ասել.
«Եթե դեմ չեք, ________–ը կցանկանար մի աստվածաշնչային համար կարդալ ձեզ համար։ [Երեխան կարդում է Սաղմոս 37։29–ը և կարճ ձևով մեկնաբանում։] Այս գրքույկում քննարկվում է, թե ինչպես է Աստված իրականացնելու իր նպատակը մարդկության ու երկրի առնչությամբ։ [Ցույց տուր 24–27-րդ էջերում գտնվող նկարները։] Հաջորդ անգամ կցանկանայի Աստվածաշնչից ձեզ ցույց տալ հարության հրաշալի խոստումը»։ Առաջարկիր գրքույկը և պայմանավորվիր վերայցելել։
Վերայցելության ժամանակ քարոզիչը կարող է ասել.
«Մեր նախորդ զրույցի ընթացքում մենք կարդացինք Սաղմոս 37։29–ը, և ես ասացի, որ կցանկանայի ցույց տալ, թե ինչ է ասում Աստվածաշունչը հարության մասին։ Տեսեք, թե ինչ է ասվում այստեղ»։ Խնդրիր նրան բերել իր գրքույկը։ Ապա քննարկիր 24–րդ և 25–րդ էջերի 12–14-րդ պարբերությունները։ Առաջարկիր Աստվածաշնչի ուսումնասիրություն կամ պայմանավորվիր վերայցելել՝ քննարկելու 15–րդ, 16–րդ պարբերությունները։