Պատրա՞ստ ես, երբ շտապ բուժօգնության կարիք առաջանա
Ոչ ոք չի կարող նախապես ասել, թե երբ ինքը շտապ բուժօգնության կարիք կունենա (Հակ. 4։14)։ Ուստի խորագետ մարդը հնարավորինս վաղօրոք է պատրաստվում դրան (Առակ. 22։3)։ Որոշե՞լ ես, թե բուժման որ մեթոդներն ու ընթացակարգերն են ընդունելի քեզ համար, և գրի առե՞լ ես դիրքորոշումդ։ «Բուժման մեթոդներ՝ առանց արյան փոխներարկման. վավերագրական նյութեր» անվանումը կրող տեսասկավառակի երկրորդ ֆիլմը, որը կոչվում է «Բուժում՝ առանց արյան փոխներարկման. հաշվի են առնվում հիվանդի կարիքներն ու իրավունքները», կարող է օգնել քեզ այս հարցում։ Այն դիտելիս փորձիր պատասխանել հետևյալ հարցերին (քանի որ ֆիլմում կան վիրահատությունների կարճ դրվագներ, ծնողները պետք է խոհեմություն դրսևորեն իրենց երեխաների հետ ֆիլմը նայելիս)։
1) Ինչո՞ւ են որոշ բժիշկներ և բժշկության բնագավառի մասնագետներ վերանայում արյան փոխներարկման հարցը։ 2) Պատմիր բարդ վիրահատության երեք դեպք, որոնք արվել են առանց արյան փոխներարկման։ 3) Ինչո՞ւ են ամբողջ աշխարհում հազարավոր բժիշկներ և վիրաբույժներ պատրաստ բուժելու հիվանդներին առանց արյան փոխներարկման։ 4) Ի՞նչ են բացահայտել վերջերս կատարված բժշկական հետազոտությունները արյան գործածության վերաբերյալ։ 5) Ինչո՞վ է վտանգավոր արյան փոխներարկումը։ 6) Ի՞նչ եզրակացության են եկել շատ մասնագետներ առանց արյան փոխներարկման բուժմեթոդների օգուտների վերաբերյալ։ 7) Ի՞նչն է սակավարյունություն առաջ բերում։ Ի՞նչ կարելի է անել նման դեպքում։ 8) Ինչպե՞ս կարելի է խթանել կարմիր գնդիկների արտադրությունը հիվանդի օրգանիզմում։ 9) Ի՞նչ մեթոդներ են օգտագործվում վիրահատությունների ժամանակ՝ արյան կորուստը նվազեցնելու նպատակով։ 10) Անարյուն բուժման մեթոդները կիրառելի՞ են երեխաների նկատմամբ, ինչպես նաև այն դեպքերում, երբ մարդու կյանքին վտանգ է սպառնում։ 11) Ո՞րն է որակյալ բուժման հիմնական էթիկական սկզբունքներից մեկը։
Տեսաֆիլմում ներկայացված մեթոդներից մի քանիսի ընտրությունը խղճի հարց է, հետևաբար հարկավոր է այդ ընտրությունը անել վաղօրոք. խելամիտ չի լինի սպասել այնքան, մինչև որ դժբախտ պատահար տեղի ունենա և նոր այդ ժամանակ սկսես մտածել, թե ինչն է քեզ համար ընդունելի և ինչը՝ ոչ։ Դու կկարողանաս մտածված որոշումներ կայացնել, եթե քննես «Աստծու սերը» գրքի 7-րդ գլխի տեղեկությունը և այդ գլխում տրված հղումները։ Նաև անդրադարձիր «Մեր թագավորական ծառայությունը» թերթիկի 2006 թ. նոյեմբեր ամսվա ներդիրին։ Եթե մկրտված ես, քո որոշումները գրանցիր «Դիրքորոշում» բլանկում և միշտ հետդ ունեցիր այն։
[մեջբերում 3-րդ էջի վրա]
Որոշե՞լ ես, թե բուժման որ մեթոդներն ու ընթացակարգերն են ընդունելի քեզ համար, և գրի առե՞լ ես քո դիրքորոշումը