Բարելավենք մեր հմտությունները ծառայության մեջ. ուսումնասիրություն սկսենք դռան առաջ «Բարի լուր Աստծուց» գրքույկով
Ինչու է կարևոր։ Աշակերտներ պատրաստելու համար մենք պետք է Աստծու Խոսքի ուսուցիչներ լինենք (Մատթ. 28։19, 20)։ Բոլորս էլ կարող ենք արդյունավետորեն սովորեցնել ճշմարտությունը՝ օգտագործելով մեր ձեռնարկները։ «Բարի լուր Աստծուց» գրքույկը հենց այս նպատակով է թողարկվել։ Մենք կարող ենք բնակչի հետ դռան առաջ Աստվածաշնչի ուսումնասիրություն սկսել առաջին իսկ այցելության ժամանակ։
Ամսվա ընթացքում փորձիր հետևյալը
Աղոթիր, որ քո մեջ ուսումնասիրություն անցկացնելու ցանկություն առաջանա։ Նաև խնդրիր Եհովային, որ օգնի քեզ սկսելու Աստվածաշնչի ուսումնասիրություն և դառնալու արդյունավետ ուսուցիչ (Փիլիպ. 2։13)։
Ընտանեկան երկրպագության կամ անձնական ուսումնասիրության ժամանակ սովորիր մատուցումը։ Այդպես կկարողանաս համոզվածությամբ խոսել և ուսումնասիրություն սկսել դռան առաջ։