Գիտնականները առաջ են տվել Դատաստանի օրվա ժամացույցի սլաքը։ Ի՞նչ է ասում Աստվածաշունչը

2023 թ. հունվարի 24-ին գիտնականները առաջ տվեցին Դատաստանի օրը խորհրդանշող ժամացույցիa րոպեի սլաքը՝ այն ավելի մոտեցնելով կեսգիշերին, որը մատնանշում է աշխարհի վերջը։

• «Ուկրաինայում մոլեգնող պատերազմի, միջուկային լարվածության և կլիմայական ճգնաժամի պատճառով «Դատաստանի օրվա ժամացույցի» սլաքը, որը խորհրդանշում է մարդկությանը ահաբեկող վտանգները, երեքշաբթի առաջ տրվեց, և այժմ այն աննախադեպ մոտ է կեսգիշերին» («AFP International Text Wire»)։

• «Երեքշաբթի գիտնականները հայտնեցին, որ «Դատաստանի օրվա ժամացույցի» մեծ սլաքին 90 վայրկյան է բաժանում կեսգիշերից. մարդկությունը երբևէ այսքան մոտ չի եղել արմագեդոնին» («ABC News»)։

• «Միջազգային գիտնականների խորհուրդը նախազգուշացրել է, որ մարդկության գոյությունը վտանգված է առավել, քան երբևէ» («The Guardian»)։

Արդյո՞ք մարդկության և մոլորակի վերջը մոտ է։ Կարիք կա՞ վախենալու ապագայից։ Ի՞նչ է ասում Աստվածաշունչը։

Ինչ է սպասվում ապագայում

Համաձայն Աստվածաշնչի՝ «երկիրը մնում է հավիտյան», և կլինեն մարդիկ, ովքեր «հավիտյան կբնակվեն» դրա վրա (Ժողովող 1։4; Սաղմոս 37։29)։ Ուստի մարդկությունը չի կործանի երկիրը, ոչ էլ մեր մոլորակը անբնակ կդարձնի։

Այդուհանդերձ, Աստվածաշնչում խոսվում է վերջի մասին։ Օրինակ՝ այնտեղ ասվում է, որ «աշխարհն անցնում է» (1 Հովհաննես 2։17)։

• Պարզելու համար, թե աշխարհի վերջը հիշատակելիս Աստվածաշունչը ինչ է մատնանշում, կարդացեք «Աշխարհի վերջը մո՞տ է։ Ի՞նչ է Ապոկալիպսիսը» հոդվածը։

• Իմանալու համար, թե ըստ Աստվածաշնչի՝ երբ են տեղի ունենալու գալիք աշխարհացունց իրադարձությունները, կարդացեք «Ե՞րբ է լինելու աշխարհի վերջը» հոդվածը։

Ինչպես դրական մտավիճակ պահպանել

Աստվածաշունչը կարող է օգնել մեզ դրական մտավիճակ պահպանել՝ չնայած աշխարհում տիրող խնդիրներին։ Ինչպե՞ս։

• Աստվածաշունչը գործնական խորհուրդներ է տալիս (2 Տիմոթեոս 3։16, 17)։ Օրինակ՝ կարդացեք «Ինչպես կառավարել անհանգստության զգացումը» հոդվածը և տեսեք, թե Աստվածաշունչը ինչպես է օգնում դրական մտավիճակ պահպանել՝ չնայած կյանքի մարտահրավերներին։

• Աստվածաշունչն օգնում է ապագային վստահությամբ լի աչքերով նայել (Հռոմեացիներ 15։4)։ Այն բացատրում է, թե կոնկրետ ինչ սպասելիքներ կարող ենք ունենալ մեր ներկայի և ապագայի հետ կապված, ինչն օգնում է աշխարհում կատարվող իրադարձությունների պատճառով խուճապի չմատնվել։

Աստվածաշնչից լավագույնս օգուտներ քաղելու համար սրտանց առաջարկում ենք այսօր իսկ փորձել Աստվածաշնչի մեր անհատական անվճար դասընթացը։