Հարցերի արկղ
◼ Կարելի՞ է արդյոք նույն տարածքում անընդհատ քարոզել։
Տարբեր պատճառներից ելնելով՝ հնարավոր է, որ քարոզիչներից ոմանք նպատակահարմար գտնեն քարոզել իրենց նախընտրած տարածքում։ Օրինակ՝ կարող է պատահել, որ նրանք, ովքեր տրանսպորտով երկար ճանապարհ գնալու հետ կապված դժվարություններ ունեն, ցանկանան տարածք ունենալ իրենց տան մոտ։ Կամ էլ առողջական խնդիրներ ունեցողները գերադասեն քարոզել ոչ բարձրահարկ շենքերում։ Իհարկե, մի կողմից լավ է, երբ հարմար տարածքների շնորհիվ այդպիսի քարոզիչները հնարավորություն են ունենում՝ կանոնավորապես մասնակցելու քարոզչությանը։
Սակայն հնարավորության դեպքում ցանկալի է մի քանի անգամ տարածքն ամբողջությամբ քարոզելուց հետո հանձնել այն։ Դա հնարավորություն կտա նաև մյուսներին էլ, ովքեր նմանատիպ հանգամանքներում են գտնվում, քարոզել այդ տարածքում։ Նաև, միևնույն տարածքը տարբեր անձնավորությունների կողմից քարոզելը բավականին լավ արդյունքներ է տալիս, եթե հաշվի առնենք այն փաստը, որ մարդիկ ճշմարտությունն ընդունում են տարբեր խառնվածքի տեր անհատներից։ Հնարավոր է, որ մարդիկ հետաքրքրություն հանդես բերեն այն դեպքում, երբ տարածքը քարոզվի տարբեր տարիքի, տարբեր մոտեցումներ ցույց տվող, կամ էլ օրվա ուրիշ ժամերին այցելող քարոզիչների կողմից։ Տվյալ տարածքում բնակվող մարդկանց արդյունավետ վկայություն տալու հնարավորություն կստեղծվի հատկապես այն պարագայում, եթե այնտեղ քարոզեն մեկից ավելի քարոզիչներ։ Այդ հարցով կարող է զբաղվել ծառայողական վերակացուն։
Եթե հանգամանքները ստիպում են միևնույն տարածքում անընդհատ քարոզել, ապա ցանկալի է ժամանակ առ ժամանակ հրավիրել ուրիշ քարոզիչների։ Գրքի ուսումնասիրության ղեկավարը կարող է երբեմն խմբակային քարոզչություն կազմակերպել այդ տարածքներում։ Երբ քարոզիչներից մեկին հաջողվի որոշ բնակիչների մեջ այն չափով հետաքրքրություն առաջացնել, որ վերջիններս ուսումնասիրություն սկսելու ցանկություն հայտնեն, ապա հենց այդ քարոզիչն էլ կարող է վերայցելել այդ բնակարանները։ Կամ, եթե այդ անհատների հետաքրքրությունը կարողանա զարգացնել այն քարոզիչը, որին կցված է տարածքը, կարելի է այդ այցելությունները փոխանցել նրան։
Կարևորն այն է, թե ի՞նչ կարելի է անել ի օգուտ մարդկանց։ Մենք ցանկանում ենք հոգ տանել մեր տարածքների մասին այնպես, որ մեր հնարավորությունների առավելագույն չափով կարողանանք օգնել բոլոր ոչխարանման անհատներին։