Տարածք ունենալու առավելությունները
1. Ինչո՞վ է հարմար անձնական տարածք ունենալը։
1 Երբ ժողովում քարոզչական տարածքները շատ են լինում, դու կարող ես քո անձնական տարածքն ունենալ։ Այն կարող է քո տան մոտ լինել։ «Կազմակերպված ենք» գրքի 103-րդ էջում գրված է. «Հարմար վայրում տարածք ունենալը կօգնի քեզ արդյունավետորեն օգտագործել ծառայությանը տրամադրած ժամանակը։ Նաև հնարավոր է ցանկանաս ուրիշ քարոզչի հրավիրել ծառայելու քեզ նշանակված տարածքում»։
2. Անձնական տարածք ունենալը ինչպե՞ս է լրացնում խմբակային ծառայությանը։
2 Լրացնում է խմբակային ծառայությանը։ Եթե տարածք վերցնես քո աշխատավայրին մոտ, ապա կկարողանաս ծառայել ընդմիջմանը կամ աշխատանքից հետո՝ նախքան տուն վերադառնալը. գուցե որևէ քարոզիչ, որը մոտակայքում է աշխատում, կարողանա միանալ քեզ։ Եթե տարածք վերցնես քո տան մոտակայքում, ապա դու և ընտանիքիդ անդամները կկարողանաք վկայություն տալ երեկոյան ժամերին։ Եթե պլանավորել ես գնալ ծառայության, բայց այնպես է ստացվում, որ չես կարող գնալ քարոզչական ծառայության հանդիպմանը, ապա, ինչ խոսք, լավ կլինի նախքան ծառայության դուրս գալը աղոթքով Եհովայից առաջնորդություն խնդրել (Փիլիպ. 4։6)։ Հարկավոր է հավասարակշռություն պահել անձնական տարածքը մշակելուն հատկացվող ժամանակի և այն ժամանակի միջև, որը տրամադրում ես ժողովի խմբակային գործունեությանը թիկունք կանգնելու համար։ Հատկապես հանգստյան օրերին, երբ շատերը մասնակցում են քարոզչական ծառայության հանդիպումներին, լավ կլինի, որ աջակցես քո քարոզչական ծառայության խմբին։
3. Որո՞նք են քարոզչական տարածք ունենալու առավելությունները։
3 Օգուտները։ Ունենալով քարոզչական տարածք՝ դու կկարողանաս գնալ ծառայության քեզ հարմար ժամի, ավելի շատ ժամանակ կանցկացնես ծառայության մեջ և ավելի քիչ ժամանակ կծախսես տարածք հասնելու համար։ Գուցե նույնիսկ կարողանաս ծառայել ենթառահվիրա կամ ընդհանուր ռահվիրա։ Քանի որ հետաքրքրություն ցույց տված մարդիկ քո տան մոտակայքում են ապրում, ավելի հեշտ է լինում նրանց կրկին այցելելը և Աստվածաշնչի ուսումնասիրություն անցկացնելը։ Շատ քարոզիչներ ասում են, որ տարածք ունենալու շնորհիվ իրենք ծանոթանում են բնակիչների հետ, ձեռք են բերում նրանց վստահությունը, հատկապես երբ տարածքը հնարավոր է լինում մշակել մեկից ավելի անգամ նախքան այն հանձնելը տարածքի համար պատասխանատու եղբորը։ Քարոզչական տարածք ունենալով՝ դու և ընտանիքիդ անդամները կկարողանաք ձեր ծառայությունը կատարել ամբողջովին (2 Տիմոթ. 4։5)։