Քարոզչական ծառայության տարածք ունե՞ս
1. Ի՞նչ կարելի է ասել անձամբ տարածք ունենալու մասին։
1 Քարոզչական ծառայության տարածքը նշանակվում է որևէ քարոզչի։ Այն կարող է մոտիկ տեղում լինել, ուստի դու կկարողանաս շուտ հասնել տարածք ու քարոզել քո տարածքում մենակ կամ մեկ այլ քարոզչի հետ։ Թեև մեծ օգնություն է ժողովի համար, երբ հնարավորության դեպքում մասնակցում ենք խմբակային վկայությանը, սակայն անձամբ տարածք ունենալը մեզ օգնում է հիմնովին վկայություն տալ, հատկապես այն դեպքում, երբ ժողովը մեծ քանակությամբ քարոզչական ծառայության տարածքներ ունի (Գործք 10։42, ՆԱ)։
2. Որո՞նք են տարածք ունենալու մի քանի օգուտները։
2 Օգուտները։ Ոմանք նկատել ենք, որ շատ հարմար է տարածք վերցնել իրենց աշխատավայրին մոտ տեղում, ինչը իրենց հնարավորություն է տալիս քարոզել ընդմիջման ժամանակ կամ աշխատանքից անմիջապես հետո։ Մյուսներին հարմար է ընտանիքի անդամների հետ միասին քարոզելը իրենց տանը մոտ տարածքում Գրքի ուսումնասիրության հանդիպումից առաջ մոտավորապես մեկ ժամ կամ ավելի։ Այդպիսով վերայցելությունները և Աստվածաշնչի ուսումնասիրությունները, որ նրանք սկսում են, մոտ են լինում, և շատ ժամանակ, ջանքեր ու ֆինանսական միջոցներ չեն պահանջում։ Քանի որ այդպես կկարողանանք կարճ ժամանակում շատ բան անել, անձամբ տարածք ունենալով՝ մենք թերևս ժամանակ առ ժամանակ հնարավորություն ունենանք ծառայելու որպես ենթառահվիրա կամ էլ նույնիսկ ընդհանուր ռահվիրայություն սկսել։ Բացի այդ, ծառայելով մեր տարածքում ու ծանոթանալով բնակիչների հետ՝ մենք կկարողանանք նրանց վստահությունը շահել, մեր մատուցումները հարմարեցնել նրանց հանգամանքներին, ինչն էլ մեր ծառայությունը ավելի արդյունավետ կդարձնի։
3. Ի՞նչ հաջողությունների հասավ մի ընդհանուր ռահվիրա՝ անձամբ տարածք վերցնելով։
3 Մի ռահվիրա, որին շրջանային վերակացուն հորդորել էր տարածք վերցնել, ասաց. «Ես ընդունեցի այդ խորհուրդը և կարճ ժամանակ անց ծանոթացա իմ տարածքում ապրող մարդկանց հետ և լավ հարաբերություններ հաստատեցի նրանց հետ։ Ես իմ այցելությունների ժամերը հարմարեցնում էի նրանց հանգամանքներին։ Արդյունքը եղել է այն, որ այժմ իմ վերայցելությունների թիվը մեկ ամսում կազմում է ոչ թե 35, այլ 80 և ավելի, և ես Աստվածաշնչի յոթ ուսումնասիրություն եմ անցկացնում»։
4. Ինչպե՞ս կարող ես տարածք վերցնել ու մշակել այն։
4 Ինչպես տարածք վերցնել։ Եթե ուզում ես տարածք վերցնել, դիմիր տարածքների համար պատասխանատու եղբորը։ Հրավիրիր քարոզիչներին համագործակցել քեզ հետ և քո գրառումներում նշիր, թե որ բնակարաններում տանը ոչ ոք չի եղել։ Ձգտիր տարածքը մշակել չորս ամսվա ընթացքում։ Եթե դժվարանում ես դա անել, խնդրիր ժողովի Գրքի ուսումնասիրության վերակացուին կամ մյուսներին օգնել քեզ։ Չորս ամիսը լրանալուց հետո դու կարող ես վերադարձնել ամբողջությամբ մշակված տարածքը կամ կարող ես մեկ անգամ էլ խնդրել այն։ Սակայն միևնույն տարածքը չպետք է քեզ մոտ պահես անորոշ ժամանակով, այլ պետք է վերադարձնես, որպեսզի մյուսներն էլ կարողանան վերցնել այն։ Եթե ձեր ժողովի տարածքը փոքր է և հնարավոր չէ առանձին տարածք վերցնել, կարող ես Գրքի ուսումնասիրության վերակացուից տարածքի մի մաս խնդրել։
5. Ի՞նչ է պահանջվում քարոզելու մեր հանձնարարությունը կատարելու համար։
5 Բոլոր մարդկանց բարի լուրը հայտնելու մեր հանձնարարությունը հսկայական գործ է (Մատթ. 24։14)։ Այն լավ կազմակերպվածություն է պահանջում։ Խմբակային վկայությանը մասնակցելուց բացի՝ տարածքում քարոզելով՝ մենք կկարողանանք բարի լուրը պատմել որքան հնարավոր է շատ մարդկանց։