Օգուտներ քաղիր 1999 թ. Աստվածապետական ծառայության դպրոցի ծրագրից

¹ Հիսուսը վարպետ Ուսուցիչ էր։ Մարդիկ «կը զարմանային անոր ուսուցման վրայ» (Մարկ. 1։22, Նոր աշխարհաբար թարգմանություն)։ Թեև մեզանից ոչ մեկը չի կարող Հիսուսի պես խոսել և սովորեցնել, սակայն կարող ենք ձգտել ընդօրինակել նրան (Գործք 4։13)։ Այդ նպատակով Աստվածապետական ծառայության դպրոցի ծրագրին մասնակցելը մեզ կօգնի ավելի հմուտ քարոզիչներ և ուսուցիչներ դառնալ։

² 1999 թ.–ին թիվ 1 առաջադրանքը մեծ մասամբ հիմնվելու է 1997 թ. «Դիտարան» և «Արթնացե՛ք» ամսագրերի հոդվածների վրա։ Եթե նախօրոք կարդանք այս նյութերը և ապա լսենք դպրոցի ծրագրի ժամանակ, հոգևոր արժեքներն ավելի խորը կըմբռնենք։ Նրանք, ովքեր նշանակված են մատուցելու այս ուսուցողական թեմաները, պետք է ցույց տան, թե ինչպես կարելի է նյութը գործնականորեն կիրառել կյանքում և այն կենդանի և հետաքրքիր ձևով մատուցեն։ Թիվ 3 առաջադրանքը հիմնված է «Ընտանեկան Ուրախութիւն» գրքի, և թիվ 4–ը՝ «Աստուածաշունչի Բնաբաններ» գրքույկի վրա, թեև այս աղբյուրները կարող են տեղերով փոխվել։ Նախքան առաջադրանքներ հանձնարարելը դպրոցի վերակացուն պետք է ուշադրությամբ զննի նյութը։ Բոլոր ուսանողները, որոնք կնշանակվեն ներկայացնելու «Ընտանեկան Ուրախութիւն» գրքի վրա հիմնված նյութը, իրենց ընտանեկան կյանքում պիտի օրինակելի լինեն։

³ Կիրառիր խորհուրդները և լավ նախապատրաստվիր։ Յուրաքանչյուրը կարող է զարգացնել իր հռետորական և ուսուցողական ընդունակությունները (Ա Տիմոթ. 4։13)։ Հետևաբար, պետք է ընդունենք խորհուրդը և երբեք չխուսափենք դրանից (Առակ. 12։15; 19։20)։ Ճշմարտությունը ժողովների և ծառայության ժամանակ արդյունավետ կերպով մատուցելու համար քիչ է միայն փաստերի մասին պատմելը կամ էլ մեքենայաբար Գրություններն ընթերցելը։ Հարկավոր է հասնել մեր ունկնդիրների սրտերին և որոշակի քայլերի հորդորել նրանց։ Դա մեզ կհաջողվի անել, եթե ճշմարտության մասին խոսենք սրտանց և համոզվածությամբ (համեմատիր Գործք 2։37)։ Դպրոցի ժամանակ տրված խորհուրդները կօգնեն մեզ դրան հասնելու։

⁴ Առաջադրանք ստանալուն պես մտածիր ելույթի այն կետերի մասին, որոնց վրա պիտի աշխատես՝ ինչպես քննարկվում է «Դպրոցի ուղեցույց» գրքում։ Մտածիր, թե ինչ կարող ես անել նախկինում ստացված խորհուրդը կիրառելու համար։ Խորհիր քո թեմայի շուրջը. այն մասին, թե ինչպիսի պայմանական իրադրություն ես օգտագործելու, եթե այն պահանջվում է և ինչպես պիտի կիրառես թեմայում տեղ գտած աստվածաշնչային համարները։ Մտածիր այն մասին, թե ինչպես կարող ես տեղեկությունը լավագույն ձևով օգտագործել սովորեցնելու և որոշակի քայլերի հորդորելու համար (Ա Տիմոթ. 4։15, 16)։

⁵ Եթե երկյուղում ես ցուցակագրվել դպրոցին մասնակցելու համար, աղոթքով դիմիր Եհովային և ապա քո զգացումների մասին զրուցիր դպրոցի վերակացուի հետ։ Բոլորը կարող են մեծ օգուտներ քաղել՝ օգտվելով 1999 թ.–ին անցկացվելիք Աստվածապետական ծառայության դպրոցի ծրագրից։