Հարցերի արկղ

◼ Ո՞ր հրատարակությունները պետք է ուսումնասիրել հետաքրքրվողների հետ մինչև մկրտությունը։

Մինչև Եհովային նվիրվելը և մկրտվելը անհատը պետք է ճշգրիտ գիտություն ստանա (Յովհ. 17։3)։ Անհրաժեշտ գիտելիքները նա կարող է ձեռք բերել՝ ուսումնասիրելով թե՛ «Ի՞նչ է Աստված մեզնից պահանջում» բրոշյուրը և թե՛ «Հավիտենական կյանքի առաջնորդող գիտություն» գիրքը։ Շատ դեպքերում առաջին հերթին ուսումնասիրվում է «Աստված պահանջում է» բրոշյուրը։ Սակայն, եթե արդեն սկսել եք «Գիտություն» գրքի ուսումնասիրությունը, այն ավարտելուց անմիջապես հետո բրոշյուրը պետք է ուսումնասիրել։ Իսկ ինչո՞ւ է դա անհրաժեշտ։

«Աստված պահանջում է» բրոշյուրը Աստվածաշնչի հիմնական ուսուցումների ընդհանուր գիտելիքներ է պարունակում։ Բրոշյուրը սկզբում ուսումնասիրելու դեպքում ուսումնասիրող անհատը ծանոթանում է Եհովային հաճեցնող հիմնական պահանջներին։ Իսկ գրքից հետո ուսումնասիրելու դեպքում այն կծառայի որպես «Գիտություն» գրքի ուսումնասիրության հիանալի կրկնողություն։ Երկու դեպքում էլ հորդորիր անհատին փնտրել Գրությունների համարները և խորհրդածել դրանց շուրջը։ Գործածիր նաև նկարները, քանի որ վերջիններս համարվում են ուսուցանելու արդյունավետ միջոցներ (տե՛ս «Դիտարան» ամսագրի 1997 թ. հունվարի 15–ի համարը, էջ 16, 17, ռուս.)։

Երկու հրատարակությունների ուսումնասիրությունն ավարտելուց հետո ուսումնասիրողը կկարողանա պատասխանել այն բոլոր հարցերին, որոնք կտրվեն երեցների կողմից նրան մկրտության պատրաստելու համար։ Այս պարագայում մեկ այլ հրատարակություն ուսումնասիրելու հարկը չկա. այնուամենայնիվ, ուսուցանողը պետք է շարունակի հոգ տանել հետաքրքրվող անհատի հոգևոր առաջադիմության համար (տե՛ս «Դիտարան» ամսագրի 1996 թ. ապրիլի 1–ի համարը, էջ 21, 22, 25)։