Օգնենք մարդկանց ժողովի հանդիպումներին ներկա գտնվել

¹ «Հարևանությամբ բնակվող ցանկացած ծանոթ անհատի...., ով ուզում է ներկա գտնվել հանդիպումներին, սիրով հրավիրեք»։ Երբ «Սիոնի դիտարանի» 1880 թ. նոյեմբերի համարում հայտնվեցին այս խոսքերը, Եհովայի վկաները մեծ եռանդով սկսեցին հրավիրել մարդկանց միանալ իրենց՝ աստվածային ուսուցում ստանալու (Յայտն. 22։17)։ Հանդիպումները ճշմարիտ երկրպագության կարևոր մասն են կազմում։

² Ներկա գտնվելը կարևոր է։ Ժողովի հետ համագործակցելիս մենք օրհնություններ ենք ստանում։ Ավելի լավ ենք ճանաչում մեր հրաշալի Աստծուն՝ Եհովային։ Մենք հավաքվում ենք մեկտեղ ժողովում՝ «Տէրից ուսուած» լինելու նպատակով (Ես. 54։13)։ Եհովայի կազմակերպությունը շարունակաբար տրամադրում է սուրբգրային ուսուցման ծրագրեր, որոնք մեզ ավելի են մոտեցնում Աստծուն և գործնական օգնություն ցույց տալիս «Աստծու կամքը ամբողջութեամբ» կիրառելու մեջ (Գործք 20։27; Ղուկ. 12։42)։ Հանդիպումների ժամանակ մենք կարող ենք մարզել Աստծո Խոսքը ուսուցանելու մեր հմտությունը։ Սուրբգրային հիշեցումները օգնում են մեզ լավ փոխհարաբերություններ վայելել մարդկանց և Եհովայի հետ։ Եհովային սիրող անհատների հետ հաղորդակցվելը զորացնում է մեր հավատը (Հռովմ. 1։11, 12)։

³ Հրավիրեք անմիջապես։ Առաջին իսկ ուսումնասիրությունից Աստվածաշնչի աշակերտին հրավիրեք հանդիպումներին։ Տեղեկությունների թերթիկ տվեք։ Նրա մեջ հետաքրքրություն արթնացրեք՝ պատմելով վերջին հանդիպումից մի բան, որը ձեզ ոգևորել է, և նշեք մի որևէ թեմա, որ քննարկվելու է հաջորդ հանդիպման ընթացքում։ Բացատրեք, թե ինչ է Թագավորության սրահը, և համոզվեք, որ նա կգտնի այն։

⁴ Եթե Աստվածաշնչի աշակերտը այդ ուղղությամբ ոչ մի քայլ չի անում, այնուհանդերձ, շարունակեք հրավիրել նրան։ Ամեն շաբաթ մի քանի րոպե հատկացրեք մեր կազմակերպության գործելակերպի մասին պատմելուն։ «Եհովայի Վկաները. Միացած՝ Աստծոյ Կամքը Կատարելու Համար Համայն Աշխարհի մէջ» գրքույկի և «Եհովայի վկաներ. կազմակերպություն՝ կանգնած այդ անվան ետևում» (ռուս.) տեսաֆիլմի օգնությամբ՝ պատմեք նրան Եհովայի վկաների և մեր հանդիպումների մասին։ Այցելեք նրան տարբեր քարոզիչների հետ՝ նրա հետ ծանոթացնելու նպատակով։ Նրա հետ միասին աղոթելիս շնորհակալություն հայտնեք Եհովային իր կազմակերպության համար և հիշատակեք կազմակերպության հետ աշակերտի համագործակցության անհրաժեշտության մասին։

⁵ Առանց վարանելու՝ օգնեք նոր հետաքրքրվող անհատներին միանալ մեզ։ Քանի որ Եհովայի հանդեպ նրանց գնահատանքը գնալով աճում է, ուստի, նրանք աստիճանաբար կձգտեն կիրառել իրենց սովորածը և դառնալ Աստծո միացյալ կազմակերպության մեկ մասնիկը (Ա Կորնթ. 14։25)։