Առավելագույնս օգուտ քաղենք «Թագավորության եռանդուն քարոզիչները» մարզային համաժողովից

¹ Անչափ ոգևորիչ ծրագիր։ Որքա՜ն հետաքրքիր էր մեր վերջին համաժողովի ծրագիրը։ Այս համաժողովին ներկա լինելու մեր նպատակը մեկն էր. է՛լ ավելի քաջալերվել ու զինվել գիտելիքներով, որպեսզի եռանդորեն քարոզենք Աստծո Թագավորությունը։ Հիշո՞ւմ ես, թե առաջին հռետորն ինչպես բացատրեց «քարոզել» բառի իմաստը։ Իսկ հիշո՞ւմ ես, թե «Եղեք անվախ՝ իմանալով, որ Եհովան մեզ հետ է» ելույթը մեզ հորդորեց ի՛նչ ուսումնասիրել։ Ո՞ւմ կենսագրությունն ես մինչև այժմ քննել։

² «Մեր հավատի որակը փորձվում է տարբեր ձևերով» ելույթաշարում բացատրվեց, թե ո՛ր երեք պատճառներով է Եհովան թույլ տալիս, որ մենք հալածանքի ենթարկվենք։ Կարո՞ղ ես բացատրել, թե որոնք են դրանք։ Ո՞ր սուրբգրային համարներից ելնելով ենք մենք քրիստոնեական չեզոքություն պահում։ Ի՞նչ անելու հորդոր մեզ տրվեց, որպեսզի պատրաստ լինենք դիմագրավելու այն դժվարությունները, որ գալիս են մեր չեզոքության պատճառով։ Ինչպե՞ս ենք Եհովային փառք բերում, երբ հավատարմորեն տոկում ենք փորձություններին։

³ «Անսասան եղիր ծանր ժամանակներում» դրամայի հատկապես ո՞ր տեսարանները զորացրեցին քեզ։ Ինչպե՞ս կարող ենք նմանվել Երեմիային։

⁴ «Այս աշխարհի կերպարանքն անցնում է» հանրային ելույթում ապագա ի՞նչ նշանակալի փոփոխությունների մասին նշվեց, որոնք կառաջնորդեն մեզ դեպի Աստծո ահեղ օրը։ Լսելով «Որպես Թագավորության եռանդուն քարոզիչներ՝ հնարավորին չափ շատ բարի գործեր անենք» եզրափակիչ ելույթը՝ ինչպե՞ս ստացած խորհուրդները կարող ենք օգտագործել ծառայության մեջ։ Ապագայում ի՞նչ իրադարձություններ են սպասվում։

⁵ Համաժողովում հնչած կարևոր մտքերը կիրառենք կյանքում։ Վերհիշելով «Երախտապարտ եղիր» ելույթում տրված բացատրությունը՝ ինչպե՞ս կարող ենք մեր խորին երախտագիտությունը հայտնել Եհովային։ Ո՞ւմ եռանդը մենք քաջալերվեցինք ընդօրինակել «Թագավորության քարոզիչները տոգորված են եռանդով» գլխավոր ելույթում։ Ի՞նչ ինքնաքննություն մեզ կոչ արվեց անելու։

⁶ «Միքիայի մարգարեությունը զորացնում է մեզ, որպեսզի գնանք Եհովայի անունով» ելույթաշարում նշվեց, որ Եհովայի բարեհաճությունն ունենալու համար հարկավոր է երեք քայլ անել։ Որո՞նք են դրանք։ Հնարավո՞ր է կատարել այդ քայլերը (Միքիա 6։8, Արևմտ. Աստ.)։ Համաձայն «Բարոյապես մաքուր եղիր՝ պահպանելով սիրտդ» ելույթի՝ ո՞ր հարցերում մենք պետք է ինքներս մեզ բարոյապես մաքուր պահենք։ «Զգուշացիր խաբեբայությունից» ելույթը ո՞ր ասպարեզներում մեզ նախազգուշացրեց, որ չխաբվենք ուրիշների կողմից ու ինքներս չխաբենք նրանց։

⁷ «Թագավորության քարոզիչներ, որոնք փառաբանում են իրենց ծառայությունը» ելույթաշարի ո՞ր մտքերից ես օգտվել՝ ծառայությունդ բարելավելու համար։ «Հոգևոր զրույցները կերտում են» ելույթում հանգամանորեն բացատրվեց Փիլիպպեցիս 4։8–ը։ Ինչպե՞ս է այս սուրբգրային համարն օգնում մեզ մեր զրույցներն ավելի հոգևոր բնույթի դարձնելու, և ե՞րբ պետք է այդպես վարվենք։

⁸ «Ծանր ժամանակներում ամբողջ սրտով ապավինիր Եհովային» ելույթում խոսվեց այն մասին, թե ինչպես կարող ենք դիմագրավել ողբերգական դեպքերը, ֆինանսական դժվարությունները, առողջական խնդիրները, ընտանեկան պրոբլեմները և պայքարել մեր թուլությունների դեմ։ Ինչպե՞ս կարող ենք ապավինել Եհովային նման իրավիճակներում։

⁹ Հոգևոր բնույթի նոր գանձեր։ Մենք շատ ուրախ ենք, որ ստացանք նոր գիրք՝ «Երկրպագիր միակ ճշմարիտ Աստծուն»։ Ինչպե՞ս է ներգործել քեզ վրա այս գրքի նպատակի վերաբերյալ տրված բացատրությունը։ Ինչո՞ւ այն՝ որպես Աստվածաշնչի ուսումնասիրության համար նախատեսված երկրորդ գիրք, օգտակար կլինի աշակերտներ պատրաստելու գործում։

¹⁰ Նաև ստացանք «Մոտեցիր Եհովային» հիանալի գիրքը(ռուս.)։ Ի՞նչ հատկանշական կողմեր ունի այս գիրքը։ Ո՞ր նկարազարդումներն առանձնապես քեզ դուր եկան։ Կարդալով այդ գիրքը՝ քեզ ավելի մոտ զգացի՞ր Եհովային։ Ըստ քեզ՝ ուրիշ ո՞վ կարող է օգուտ ստանալ այս գրքից։

¹¹ «Թագավորության եռանդուն քարոզիչները» մարզային համաժողովը մեզ հոգևորապես քաջալերեց, որ կարողանանք դիմանալ այս ծանր ժամանակներին։ Ուստի՝ որպեսզի առավելագույնս օգուտ քաղենք այս հիանալի հոգևոր միջոցառումից, մենք պետք է ամեն ինչ անենք, որպեսզի հիշենք այնտեղ հնչած մտքերը, գնահատենք այն ամենը, ինչ որ ստացել ենք, և կյանքում կիրառենք մեր սովորածը (Բ Պետրոս 3։14)։ Վարվելով այսպես՝ մենք կկարողանանք պահպանել մեր անարատությունը և, ընդօրինակելով մեր Տեր Հիսուս Քրիստոսին, լինել Թագավորության եռանդուն քարոզիչներ՝ ի փառս Եհովայի (Փիլիպպեցիս 1։9–11)։