Սիրելի՛ Թագավորության քարոզիչներ
Որքա՜ն հուզիչ է տեսնել, թե ինչպես է Թագավորության գործն ընթանում մեր տարածքում։ 2002 թ. սեպտեմբերից սկսած՝ Ռուսաստանում և այն երկրներում, որոնց մասին հոգ է տանում մեր մասնաճյուղը, 28 000 Աստվածաշնչի նոր ուսումնասիրություն է սկսվել, և նոր բարձրագույն թվեր են գրանցվել ծառայության տարբեր ձևերում։
Եհովան օրհնել է մեր գործունեությունը օտարախոս տարածքներում։ Բացի ռուսերեն լեզվով ժողովներից՝ մեր տարածքում գործում են ուրիշ 10 լեզուներով խմբեր և ժողովներ։ Անցած ծառայողական տարում թաթարերեն լեզվով ժողով հիմնվեց։ 2003 թ. փետրվարին կազմավորվեց շրջան ժեստերի լեզվով, որն իր մեջ ընդգրկում է Ռուսաստանում այդ լեզվով ժողովներն ու խմբերը։
Մեզ ուրախություն են պատճառում այն հրաշալի արդյունքները, որոնց հասել ենք մեր մասնաճյուղի տարածքում 2003 թ. գարնանը (Յայտն. 2։19)։ Գարնան ամիսներին Ռուսաստանում, Բելոռուսում և Հայաստանում ընդհանուր ռահվիրաների բարձրագույն թիվ գրանցվեց։ Ապրիլին քարոզչությանը մասնակցողների բարձրագույն թիվ է գրանցվել Ղազախստանում, իսկ մայիսին Ադրբեջանում, Բելոռուսում և Հայաստանում։ Մեր տարածքի մեջ մտնող շատ երկրներում Աստվածաշնչի ուսումնասիրությունների նոր բարձրագույն թվեր են գրանցվել։ Աստծո ժողովուրդը իսկապես պատրաստ է գտնվել Եհովայի ‘զորության օրը’ (Սաղ. 110։3)։
2004 թ. ծառայողական տարվա սկզբից ևեթ մենք միանում ենք ձեր աղոթքին, որ Եհովան շարունակի ‘մեծացնել’ Թագավորության սերմը (Ա Կորնթ. 3։6)։
Ձեր եղբայրներ՝ Ռուսաստանի՝ Եհովայի վկաների մասնաճյուղ