Մի մոռացիր ոչ ակտիվ քարոզիչներին
1. Ինչո՞ւ պետք է ջանանք օգնել այն քարոզիչներին, ովքեր դարձել են ոչ ակտիվ։
1 Ճանաչո՞ւմ ես որևէ քարոզչի, որ դարձել է ոչ ակտիվ։ Հնարավոր է, որ նա դադարել է համագործակցել ժողովի հետ և հեռացել են ժողովից։ Թերևս այդպիսի անհատի հանդիպես տնետուն ծառայության ժամանակ։ Մենք պետք է հիշենք, որ նա շարունակում է մնալ մեր հոգևոր եղբայրը։ Մենք ուզում եք հավաստիացնել նրան մեր սիրո մեջ և օգնել վերադառնալու ժողով և «դէպի [մ]եր հոգիների Հովիւը եւ Տեսուչը» (Ա Պետ. 2:25)։
2. Ինչպե՞ս կարող ենք քաջալերել ոչ ակտիվ քարոզչին։
2 Հետաքրքրություն ցույց տուր։ Կարճ հեռախոսազանգը կամ այցելությունը կարող է հավաստիացնել ոչ ակտիվ դարձած քարոզչին, որ չենք մոռացել իրեն։ Ի՞նչ կարող ենք ասել։ Նրա համար քաջալերական կլինի իմանալ, որ մենք մտածում ենք իր մասին։ Աշխատիր, որ ձեր զրույցը լինի հաճելի և ոգևորիչ (Փիլիպ. 4:8)։ Կարող ես պատմել որևէ հետաքրքիր միտք, որ լսել ես ժողովի վերջին հանդիպումներից մեկի ժամանակ։ Նաև կարող ես նրան հրավիրել ժողովի հաջորդ հանդիպմանը կամ համաժողովին, և առաջարկել, որ քո կողքին տեղ կզբաղեցնես նրա համար կամ կարող ես առաջարկել նրան ավտոմեքենայով միասին գնալ հանդիպման։
3. Ինչպե՞ս մի քույր նորից դարձավ ակտիվ քարոզիչ։
3 Մի քույր քարոզչական տարածքում հանդիպեց մեր քույրերից մեկին, որն ավելի քան 20 տարի ոչ ակտիվ քարոզիչ էր։ Չնայած վերջինս չընդունեց Աստվածաշնչի ուսումնասիրության առաջարկը, սակայն քույրը վերայցելեց նրան ու ընթացիկ պարբերագրեր տվեց նրան։ Մարզային համաժողովից հետո քույրը որոշ ուշագրավ մտքեր պատմեց նրան, և ի վերջո նա նորից դարձավ ակտիվ քարոզիչ։
4. Ինչպիսի՞ վերաբերմունք պետք է ցույց տանք այն քարոզչի հանդեպ, որը նորից սկսում է հաճախել ժողովի հանդիպումներին։
4 Երբ ոչ ակտիվ դարձած քարոզիչը վերադառնում է։ Երբ ոչ ակտիվ եղբայրը նորից է սկսում հաճախել ժողովի հանդիպումներին, ինչպիսի՞ վերաբերմունք պետք է ցույց տանք նրա հանդեպ։ Իսկ ինչպե՞ս Հիսուսը վերաբերվեց իր աշակերտներին, երբ նրանք որոշ ժամանակով լքեցին իրեն։ Նա նրանց ջերմորեն կոչեց «եղբայրներ» և ցույց տվեց, որ վստահում է նրանց։ Նա նույնիսկ կարևոր հանձնարարություն տվեց նրանց (Մատթ. 28:10, 18, 19)։ Կարճ ժամանակ անց աշակերտները «չէին դադարում» բարի լուրը քարոզելուց (Գործք 5:42)։
5. Հիշատակիր իրավիճակներ, երբ պետք է խորհրդակցենք երեցների հետ ոչ ակտիվ դարձած քարոզչի հետ կապված։
5 Երկար ժամանակ ոչ ակտիվ եղած քարոզչին Աստվածաշնչի ուսումնասիրություն առաջարկելուց կամ ծառայության հրավիրելուց առաջ մենք պետք է խորհրդակցենք երեցների հետ։ Եթե քարոզչական տարածքում ոչ ակտիվ քարոզչի ենք հանդիպում, նրա մասին պետք է տեղեկացնենք երեցներին, որպեսզի վերջիններս նրան անհրաժեշտ օգնություն ցույց տան։
6. Ի՞նչ կզգանք, եթե օգնենք ոչ ակտիվ քարոզիչներին։
6 Ինչպես որ հստակորեն ցույց է տալիս Աստվածաշունչը, փրկություն կստանան միայն նրանք, ովքեր մրցավազքում կհասնեն վերջնագծին (Մատթ. 24:13)։ Ուստի եկեք ուշադիր լինենք նրանց հանդեպ, ովքեր գուցե սայթաքել են կամ հեռացել ժողովից։ Եթե համբերատարությամբ արտացոլենք Եհովայի սերը և անկեղծ հետաքրքրություն ցույց տանք ոչ ակտիվ քարոզիչների հանդեպ, ապա մեծ ուրախություն կստանանք՝ տեսնելով, որ նրանք հոգևորապես վերականգնվել են ու մեզ հետ միասին մասնակցում են սուրբ ծառայությանը (Ղուկ. 15:4–10)։