Ինչպե՞ս կարող ենք օգնել Հիշատակի երեկոյի այցելուներին
1. Ի՞նչ զորավոր վկայություն կտրվի 2008 թ. մարտի 22–ին։
1 2008 թվականի մարտի 22–ին միլիոնավոր մարդիկ ամբողջ աշխարհում զորավոր վկայություն կստանան։ Նրանք, ովքեր կգան Հիշատակի երեկոյին, կլսեն Եհովայի մեծագույն սիրո մասին, որից մղված նա փրկանք տվեց մարդկության համար (Հովհ. 3։16)։ Նրանք կլսեն Թագավորության մասին, նաև թե ինչպես Եհովան դրա միջոցով կիրագործի իր կամքը ողջ երկրի առնչությամբ (Մատթ. 6։9, 10)։ Նրանք իրենց սեփական աչքերով կտեսնեն Աստծու ժողովրդի սերն ու միությունը, նաև կզգան մեր ջերմ հյուրընկալությունը (Սաղ. 133։1)։
2. Ինչպե՞ս կարող ենք օգնել Աստվածաշունչ ուսումնասիրողներին, ովքեր եկել են Հիշատակի երեկոյին։
2 Օգնել Աստվածաշունչ ուսումնասիրողներին։ Ներկաների մեջ կլինեն նաև նրանք, ովքեր վերջերս են սկսել մեզ հետ Աստվածաշունչ ուսումնասիրել։ Ծանոթացրեք նրանց եղբայրների և քույրերի հետ։ Հայտնեք մեր ժողովի շաբաթական հանդիպումների մասին և նրանց հետ կարճ էքսկուրսիա անցկացրեք Թագավորության սրահում։ Ելույթի ընթացքում հռետորը կքաջալերի այդ անհատներին, որ շարունակեն հոգևոր առաջադիմություններ անել։ Կարող եք հիշեցնել նրա խոսքերը, որպեսզի քաջալերեք այն անհատներին, ում հետ Աստվածաշունչ եք ուսումնասիրում։
3. Ինչպե՞ս կարող ենք քաջալերել Հիշատակի երեկոյին եկած ոչ ակտիվ քարոզիչներին։
3 Օգնել ոչ ակտիվ քարոզիչներին։ Հիշատակի երեկոյին եկածների մեջ կլինեն նաև ոչ ակտիվ քարոզիչները։ Նախաձեռնություն հանդես բեր, որպեսզի սրտանց ողջունես նրանց։ Խուսափիր անձնական հարցեր տալուց, կամ այնպիսի բաներ ասելուց, որոնց պատճառով նրանք իրենց անհարմար կզգան։ Հիշատակի երեկոյից շատ չանցած՝ երեցները պետք է այցելեն ոչ ակտիվ քարոզիչներին, գովեն նրանց, որ ջանքեր ներդրեցին Հիշատակի երեկոյին ներկա լինելու համար, և ջերմորեն հրավիրեն նրանց ժողովի հաջորդ հանդիպմանը։
4. Ինչպե՞ս մեզանից յուրաքանչյուրը կարող է օգնել Երեկոյի այցելուներին։
4 Օգնել հյուրերին։ Այցելուներից ոմանք կարող են լինել մեր ծանոթները, ինչպես նաև ընտանիքի անդամները, որոնց մենք անձամբ հրավիրել ենք։ Ուրիշներին գուցե հրավիրել են հատուկ քարոզարշավի ժամանակ։ Երբ տեսնես անծանոթ մարդկանց, նախաձեռնություն հանդես բեր, մոտեցիր, ողջունիր նրանց և ներկայացիր։ Հնարավոր է՝ նրանք ոչ մի անգամ ներկա չեն եղել մեր հանդիպումներին։ Զրույցի ընթացքում կարող ես հարցնել, թե ինչպես է հնարավոր կրկին հանդիպել նրանց։ Եթե վերայցելես կամ զանգահարես նրանց Հիշատակի երեկոյից մի քանի օր հետո, քեզ թերևս կհաջողվի զարգացնել նրանց հետաքրքրությունը և Աստվածաշնչի ուսումնասիրություն սկսել։
5. Ի՞նչ կարող ենք ասել, որպեսզի Աստվածաշնչի ուսումնասիրություն սկսենք։
5 Վերայցելության ժամանակ կարելի է օգտագործել Հիշատակի երեկոյի ելույթի մտքերը «Աստվածաշունչը սովորեցնում է» գիրքը ներկայացնելու համար։ Օրինակ՝ Հիշատակի երեկոյի հռետորը կընթերցի Եսայիա 65։21–23-ը։ Կրկնակի այցելության ժամանակ կարող ես հիշեցնել ելույթն ու ասել. «Ես կցանկանայի ասել ձեզ մեկ ուրիշ օրհնության մասին, որը հնարավոր է կդառնա փրկանքի շնորհիվ»։ Այնուհետև քննարկիր «Աստվածաշունչը սովորեցնում է» գրքի 4, 5 էջերը։ Կամ կարող ես ասել. «Շատերին հետաքրքրում են, թե երբ կտեսնենք Եսայիայի մարգարեության կատարումը»։ Այնուհետև քննարկիր 9–րդ գլխի 1–3 պարբերությունները։ Կամ կարելի է պարզապես նշել Հիշատակի երեկոյի հռետորի խոսքերն ու ներկայացնել «Աստվածաշունչը սովորեցնում է» գիրքը և ցույց տալ, թե ինչպես է անցկացվում ուսումնասիրությունը։
6. Ի՞նչ հնարավորություններ մենք ունենք։
6 Եկե՛ք բոլորս ամեն հարմար առիթ օգտագործենք, որպեսզի օգնենք Հիշատակի երեկոյին եկած ոչ ակտիվ քարոզիչներին, Աստվածաշունչ ուսումնասիրողներին և հյուրերին (Ղուկ. 22։19)։ Եհովան անկասկած կօրհնի յուրաքանչյուրիս ջանքերը, որ ներդնում ենք Թագավորության գործում ավելի շատ մասնակցություն ունենալու համար։