Մատուցումներ
Աստվածաշնչի ուսումնասիրություն սկսենք հոկտեմբեր ամսվա առաջին շաբաթ օրը
«Այս դժվարին ժամանակներում բոլորս էլ խնդիրների ենք բախվում, որոնք լարվածություն են ստեղծում ընտանիքներում։ Ըստ ձեզ՝ որտե՞ղ կարող ենք վստահելի առաջնորդություն գտնել մեր ընտանեկան կյանքը երջանիկ դարձնելու համար»։ Թույլ տուր պատասխանել։ Այնուհետև տուր տանտիրոջը հոկտեմբերի 1-ի «Դիտարան» պարբերագրի օրինակը, և միասին քննարկեք 16 և 17 էջերի ենթավերնագրերից մեկի նյութը և նշված աստվածաշնչյան համարներից առնվազն մեկը։ Առաջարկիր պարբերագիրը և պայմանավորվիր այցելել ու քննարկել մյուս հարցերից մեկը։
Դիտարան 1 հոկտեմբերի
Ցույց տուր պարբերագրի կազմը և հարցրու. «Ինչպե՞ս ձեզ կզգայիք, եթե իմանայիք, որ Աստծու մասին ձեզ ստեր են ասել։ [Թույլ տուր պատասխանել։] Ուշադրություն դարձրեք, թե ինչ ասաց Հիսուսը ճշմարտությունը ստից տարբերելու մասին։ [Կարդա՛ Հովհաննես 17։17] Ուրեմն միայն Աստվածաշունչն է մեզ հայտնում ճշմարտությունն Աստծու մասին։ Այս պարբերագրում քննարկվում են Աստծու մասին հինգ տարածված ստեր, որոնք Աստվածաշունչը քողազերծում է»։
Արթնացե՛ք հոկտեմբեր
«Այսօր մենք զրուցում ենք ընտանիքների մասին։ Ըստ ձեզ՝ ո՞րն է ծնողների ամենադժվար խնդիրը, որին բախվում են երեխաներին մեծացնելիս։ [Թույլ տուր պատասխանել։] Շատ ծնողներ Աստվածաշնչին են դիմում խորհրդի համար։ Օրինակ՝ այս իմաստուն խոսքերը կօգնեն երեխաներին խրատելիս։ [Կարդա՛ Եփեսացիներ 4։31] Այս պարբերագիրը ցույց է տալիս, թե ինչպես կարող են Աստվածաշնչի խորհուրդներն օգնել ծնողներին, երբ իրենց երեխաները տարբեր տարիքային շրջանում են՝ մանկությունից չափահասություն»։