Մարտի 17-ին սկսվում է Հիշատակի երեկոյի քարոզարշավը
1. Ի՞նչ է սկսվելու մարտի 17-ին։
1 Ամեն տարի Հիշատակի երեկոն հնարավորություն է ընձեռում «հռչակելու Տիրոջ մահը» (1 Կորնթ. 11։26)։ Այդ իսկ պատճառով ցանկանում ենք, որ ուրիշներն էլ միանան մեզ և լսեն Եհովայի սիրառատ պարգևի՝ փրկանքի մասին (Հովհ. 3։16)։ Այս տարի մարդկանց Հիշատակի երեկոյին հրավիրելու քարոզարշավը սկսվելու է մարտի 17-ին՝ շաբաթ օրը։ Ցանկանու՞մ ես լիարժեքորեն մասնակցել այս միջոցառմանը։
2. Ի՞նչ կարող ենք ասել հրավիրատոմսը առաջարկելիս։
2 Ի՞նչ կարող ենք ասել։ Լավ կլինի կարճ մատուցում անել։ Կարող ենք ասել. «Բարև ձեզ, ցանկանում ենք այս հրավիրատոմսով ձեր ընտանիքին հրավիրել մի կարևոր միջոցառման, որը ամեն տարի անցկացվում է ամբողջ աշխարհում։ Այս տարի այն տեղի կունենա ապրիլի 5-ին։ Միջոցառման ժամանակ կներկայացվի Աստվածաշնչի վրա հիմնված ելույթ այն մասին, թե ինչ է իրագործվել Հիսուսի մահով և ինչ է նա անում հիմա։ Հրավիրատոմսում նշված է, թե մեզ մոտ երբ և որտեղ է անցկացվելու այն»։ Շաբաթ-կիրակի օրերին հրավիրատոմսերը բաժանելիս պետք է նաև պարբերագրեր առաջարկել, եթե հարմար է։
3. Ինչպե՞ս կարող ենք հնարավորինս շատերին հրավիրել։
3 Հրավիրիր հնարավորինս շատ մարդկանց։ Մեր նպատակն է հրավիրել հնարավորինս շատ մարդկանց։ Ուստի անպայման հրավիրիր նրանց, ում հետ Աստվածաշունչ ես ուսումնասիրում կամ ում այցելում ես, ինչպես նաև քո հարազատներին, աշխատակիցներին, դասընկերներին, հարևաններին և մյուս ծանոթներին։ Ժողովի երեցները հրահանգներ կտան, թե ինչպես մշակել տարածքն ամբողջությամբ։ Ամեն տարի Հիշատակի երեկոյի քարոզարշավը լավ արդյունքներ է բերում։ Անցած տարի, երբ մի կին եկավ երեկոյի անցկացման վայր, սպասարկուներից մեկը առաջարկեց օգնել նրան գտնելու քարոզչին, որը հրավիրել էր իրեն։ Սակայն կինն ասաց, որ ներկաներից ոչ ոքի չի ճանաչում, և հրավիրատոմսը նրան հենց այդ օրը տվել էր մեկը, ով բաժանում էր դրանք իր բոլոր հարևաններին։
4. Քարոզարշավին եռանդորեն մասնակցելու համար ի՞նչ պատճառներ ունենք։
4 Գուցե ինչ-որ մեկն էլ ներկա լինի Հիշատակի երեկոյին քո թողած հրավիրատոմսի շնորհիվ։ Անկախ մարդկանց արձագանքից՝ եռանդուն ջանքեր ներդնելով՝ դու վկայություն ես տալիս։ Հրավիրատոմսերը, որ տարածելու ես, կհռչակեն, որ Հիսուսն այժմ հզոր Թագավոր է։ Քո եռանդուն մասնակցությունը ցույց կտա բոլորին՝ քո տարածքում ապրող մարդկանց, հավատակիցներիդ և, որ ամենակարևորն է, Եհովային, որ դու խորապես գնահատում ես փրկանքի պարգևը (Կող. 3։15)։