Հիշատակի երեկոյի քարոզարշավը սկսվում է մարտի 1-ին
1. Ե՞րբ ենք սկսելու Հիշատակի երեկոյի քարոզարշավը, և ինչո՞ւ է այն այս տարի ավելի երկար լինելու։
1 Մարտի 1-ին՝ ուրբաթ օրը, մենք կսկսենք Հիշատակի երեկոյի թերթիկները տարածելու քարոզարշավ։ Հիշատակի երեկոն տեղի կունենա մարտի 26-ին։ Սա նշանակում է, որ մյուս տարիների համեմատությամբ՝ քարոզարշավը մի փոքր երկար կտևի։ Սա հնարավորություն կտա, որ ավելի շատ մարդ ստանա հրավիրատոմս, հատկապես այն ժողովների տարածքներում, որոնք մեծ են։
2. Ինչպե՞ս է կազմակերպվելու քարոզարշավը։
2 Կազմակերպումը։ Երեցները կասեն, թե ինչպես է անհրաժեշտ մշակել տարածքը, ինչպես նաև՝ կարիք կա հրավիրատոմս թողնել այն հասցեներում, որտեղ տանը մարդ չկա։ Եթե տնետան տարածքները մշակելուց հետո հրավիրատոմսեր են մնում, դրանք կարելի է տարածել այլ վայրերում։ Ծառայողական վերակացուն հոգ կտանի, որ բավական թվով պիտակավորված հրավիրատոմսեր լինեն գրականության սեղանին։ Սակայն բոլոր հրավիրատոմսերը չպետք է միանգամից դրվեն։ Մենք պետք է վերցնենք այնքան հրավիրատոմս, որքան կկարողանանք տարածել մեկ շաբաթում։
3. Ի՞նչ պետք է հիշենք հրավիրատոմսեր տարածելիս։
3 Ի՞նչ ասել։ Լավ կլինի՝ կարճ խոսենք, որովհետև այդպես կկարողանանք հնարավորինս շատ մարդկանց հրավիրել։ 4-րդ էջում տրվող մատուցումը կարող ենք հարմարեցնել մեր տարածքին։ Իհարկե, մենք չենք շտապի հեռանալ, եթե բնակիչը լավ է տրամադրված կամ հարցեր ունի։ Եթե հրավիրատոմսերը տարածում ենք շաբաթ և կիրակի օրերին, կարող ենք առաջարկել նաև ամսագրեր։ Մարտի 2-ին՝ շաբաթ օրը, մեր գլխավոր նպատակը կլինի հրավիրատոմսեր տարածելը և ոչ թե Աստվածաշնչի ուսումնասիրություն սկսելը։
4. Ինչու՞ պետք է եռանդորեն մասնակցենք քարոզարշավին։
4 Հուսով ենք՝ շատերը կմիանան մեզ Հիշատակի երեկոյին։ Ելույթում կխոսվի այն մասին, թե ով է Հիսուսը (1 Կորնթ. 11։26), ինչ օգուտներ է նրա մահը բերում մեզ (Հռոմ. 6։23) և թե ինչու է կարևոր հիշել Հիսուսին (Հովհ. 17։3)։ Եկեք բոլորս եռանդորեն մասնակցենք քարոզարշավին։