Հիշատակի երեկոյի քարոզարշավը կսկսվի մարտի 22-ից
Այս տարի Հիշատակի երեկոյի քարոզարշավը կսկսվի մարտի 22-ից՝ շաբաթ օրը։ Եթե քարոզարշավը Երեկոյի համար տեղ վարձելու հետ կապված խոչընդոտներ չի ստեղծի, և եթե ձեր ժողովի հանգամանքները թույլ են տալիս, ապա բոլորին քաջալերվում է լիարժեք մասնակցություն ունենալ ու մարդկանց հրավիրել այդ միջոցառմանը։ Շաբաթ-կիրակի օրերին հնարավորության դեպքում կառաջարկենք նաև ընթացիկ ամսագրեր։ Ապրիլ ամսվա առաջին շաբաթ օրը ոչ թե Աստվածաշնչի ուսումնասիրություն կառաջարկենք, այլ հրավիրատոմսեր կբաժանենք։ Սակայն եթե հանդիպենք այնպիսի անհատի, ով հատուկ հետաքրքրություն ցույց կտա, կարող ենք Աստվածաշնչի ուսումնասիրություն սկսել։ Ծառայողական վերակացուն կորոշի, թե արդյոք տվյալ տարածքում հրապարակային վկայության միջոցով հնարավոր է ավելի շատ մարդկանց հրավիրատոմսեր տալ։ Մեր ծանոթները, հարազատները, գործընկերները, դասընկերները և այն անհատները, որոնց վերայցելում ենք, նույնպես կարող են ներկա լինել այս միջոցառմանը, ուստի լավ կլինի ցուցակ կազմել, և երբ քարոզարշավը սկսվի, նրանց էլ տալ հրավիրատոմսեր։ Հուսով ենք, որ շատերը կընդունեն մեր հրավերը ու ներկա կլինեն այն միջոցառմանը, որի ժամանակ պետք է հիշենք, թե ինչ մեծ սեր են դրսևորել մեր հանդեպ Եհովան ու Հիսուսը։