Ներկայացրու մեկ թեմա, տուր երկու ամսագիր

Մեր ամսագրերի յուրաքանչյուր համարում կան տարբեր թեմաներով հոդվածներ։ Մատուցում անելիս հարկավոր է ներկայացնել միայն մեկ թեմա և ոչ թե մի քանի։ Եթե դիտունակ լինենք և եթե տեղյակ լինենք ամսագրերի բովանդակությանը, կարող ենք «Դիտարանից» կամ «Արթնացե՛ք»-ից ընտրել այն հոդվածը, որը կհետաքրքրի բնակչին։ Օրինակ՝ եթե տեսնում ենք, որ տանը կամ տան շուրջը խաղալիքներ կան, կարող ենք առաջարկել ընտանիքին վերաբերող որևէ հոդված։ Եթե տղամարդ է դուռը բացում, լավ կլինի առաջարկել այնպիսի թեմայով հոդված, որը հետաքրքրում է շատ տղամարդկանց, օրինակ՝ լավ կառավարություն։ Չնայած այն բանին, որ միայն մեկ թեմա ենք քննարկում, կարող ենք երկու ամսագիր տալ բնակչին, եթե նա հետաքրքրություն է ցույց տալիս։