Միայնության ծանրացող արհավիրք։ Ի՞նչ է ասում Աստվածաշունչը

Համաձայն վերջերս արված մի համաշխարհային հարցման՝a ամեն չորս մարդուց մեկը համակված է միայնության զգացումով։

• «Սոցիալական մեկուսացմամբ կարող է վարակվել ցանկացած մեկը. այն ո՛չ տարիք է հարցնում, ո՛չ հասցե»,— ասում է Առողջապահության համաշխարհային կազմակերպության սոցիալական փոխազդեցության առաքելության համանախագահ Չիդո Պեմբան։

Ի տարբերություն համատարած կարծիքի՝ միայնությունն ազդում է ոչ միայն տարեց կամ մեկուսացած մարդկանց վրա, այլև նրանց, ովքեր երիտասարդ են, առողջ, հաջողակ կամ ամուսնացած։ Սոցիալական մեկուսացումն ու միայնությունը կարող է լրջորեն վնասել մարդու ֆիզիկական և էմոցիոնալ առողջությունը։

• «Միայնությունը ծանր ապրում լինելուց ավելին է»,— նշում է ԱՄՆ գլխավոր վիրաբույժ Վիվեկ Մըրֆին։ Նա ավելացնում է. «Սոցիալական մեկուսացման մահացու ազդեցությունը համազոր է օրական 15 ծխախոտ օգտագործելու պատճառած վնասին»։

Ի՞նչ է ասում Աստվածաշունչը

Մեր Ստեղծիչը չի ցանկանում, որ մեկուսանանք հասարակությունից։ Աստծու նպատակը միշտ էլ եղել է այն, որ մարդիկ առողջ և բավականություն պատճառող շփում վայելեն։

• Աստվածաշնչյան սկզբունք. «Աստված ասաց. «Լավ չէ, որ մարդը մենակ մնա»» (Ծննդոց 2։18)։

Աստված ցանկանում է, որ ընկերանանք իր հետ։ Նա խոստանում է մտերմանալ մեզ հետ, եթե ինքներս ջանքեր ներդնենք այդ ուղղությամբ (Հակոբոս 4:8)։

• Աստվածաշնչյան սկզբունք. «Երջանիկ են նրանք, ովքեր գիտակցում են իրենց հոգևոր կարիքները, որովհետև նրանցն է երկնքի թագավորությունը» (Մատթեոս 5։3)։

Աստված ցանկանում է, որ ուրիշների հետ պաշտենք իրեն։ Դա անելը էմոցիոնալ առումով կայունացնում է մեզ։

• Աստվածաշնչյան սկզբունք. «Եկեք ուշադիր լինենք միմյանց հանդեպ, որ սիրո ու բարի գործերի մղենք իրար, և բաց չթողնենք մեր հավաքույթները.... այլ քաջալերենք միմյանց» (Եբրայեցիներ 10։24, 25)։

Միայնության դեմ պայքարի կարևորության մասին հավելյալ տեղեկություններ գտնելու համար ընթերցեք «Միայնություն՝ զանգվածային հաղորդակցությունների դարում» հոդվածը (անգլ., ռուս.)։