Ուրիշներու օգնենք որ մեր գրականութիւններուն արժէքը գնահատեն
1 «Աստուծոյ խօսքը կենդանի է ու զօրեղ»։ (Եբր. 4։12) Քանի որ Աստուածաշունչի հիման վրայ եղած մեր գրականութիւնները մարդոց կ’օգնեն որ Աստուծոյ Խօսքին զօրութենէն օգտուին, զանոնք կը գործածենք հետաքրքրութիւն գրգռելու Աստուածաշունչի հանդէպ երբ անպաշտօն կերպով կը վկայենք կամ երբ տունէ տուն կը ծառայենք։
2 Յունուարին ներկայացուելիք գրականութիւնն է որեւէ 192–էջնոց գիրք որու էջերը կը դեղիննան կամ կը գունատուին կամ 1980–էն առաջ հրատարակուած է։ Եթէ այսպիսի գիրքեր ձեր ժողովքին մէջ մատչելի են, Թագաւորութեան պատգամին ձեր ներկայացումը պատրաստեցէք այնպէս որ առաջնորդէ մասնայատուկ կէտի մը ձեր գործածած գրքին մէջ։ Ասիկա ինչպէ՞ս կարելի է ընել։
3 Ինչպէ՛ս Պատրաստել. Նախ, ձեր գործածած գրքէն արտայայտութիւն մը ընտրեցէք որ հաւանաբար կոչ պիտի ընէ պարկեշտ սիրտ ունեցող անհատներուն ձեր թաղամասին մէջ։ Ապա մտածեցէք ընթացիկ դէպքի մը կամ ընդհանուրին ուշադրութիւնը գրաւող նիւթի մը մասին զոր կրնաք հակիրճօրէն նկատի առնել տանուտիրոջ հետ, իր ուշադրութիւնը դարձնելէ առաջ ձեր ընտրած տպուած արտայայտութեան։ Թերեւս ակնարկուած կամ մէջբերուած համար մը կայ զոր կրնաք կարդալ, կա՛մ Աստուածաշունչէն եւ կամ ուղղակիօրէն գրքէն, ձեր արտայայտութիւններուն նեցուկ կանգնելու։ Եթէ անհատը հարազատ հետաքրքրութիւն յայտնաբերէ, այն ատեն կրնաք գիրքը ներկայացնել։ Այդ ժամանակ կամ հետագային եթէ աւելի յարմար է, հակիրճօրէն բացատրեցէք թէ այս աշխարհածաւալ քարոզչական գործը ինչպէ՛ս կը հոգածուի եւ անհատին առիթ տուէք նուիրատուութիւն ընելու եթէ կը փափաքի։ Ինչ ալ ըլլայ պարագան, փորձեցէք հարցում մը կամ գաղափար մը յարուցանել զոր կրնաք գործածել որպէս հիմ վերայցելութեան մը համար։
4 Շատ մը ժողովքներ ձեռքի տակ ունին Ձեր Պատանեկութենէն Լաւագոյնս Օգտուիլ եւ Մեծ Ուսուցիչին Մտիկ Ընել գրքերէն մի քանի օրինակներ։ Եթէ այս գրքերը մատչելի են, ինչո՞ւ չպատրաստուիք խօսակցելու համար թաղամասին մէջ ձեր հանդիպած պատանիներուն հետ։ Զանոնք քաջալերեցէք որ այս ընտիր գրականութիւններէն մէկը կարդան։ Եթէ կը ներկայացնէք Ճշմարտութիւնը որ Յաւիտենական Կեանքի կ’Առաջնորդէ գիրքը, կրնաք վերոյիշեալ մեթոտը գործածել եւ պատրաստուիլ նկատի առնելու սուրբ գրային որեւէ ուսուցում որ բացատրուած է այս Աստուածաշունչի ուսումնասիրութեան ընտիր օժանդակին մէջ։
5 Մարդկութիւնը Որ Աստուած կը Փնտռէ Գիրքը Ներկայացուցէք. Թերեւս կրնաք խօսակցութիւն մը սկսիլ ուշադրութեան յանձնելով մամուլէն լուր մը որ կա՛մ ցցուն կ’ընէ կրօնքին միջամուխ ըլլալը աշխարհի գործառնութիւններուն եւ կամ այլապէս ցոյց կու տայ կրօնքի ազդեցութիւնը մարդոց կեանքին վրայ։
Ապա ասոր նման հարցում մը ուղղեցէք.
◼ «Ինչպէ՞ս կը խորհիք որ Աստուած կը նկատէ կրօնական դրութիւնները որոնք աշխարհի գործառնութիւններուն կ’ազդեն այսօր։ [Թոյլ տուէք որ պատասխանէ։] Արդեօք պիտի զարմանա՞ք գիտնալով թէ այս բոլոր կրօնքներուն հիմնական ուսուցումները համանման են եւ ճիշդ հակառակն են Աստուածաշունչի ուսուցումներուն»։ Եթէ տանուտէրը կը փափաքի մտիկ ընել, բովանդակութեան ցանկը անոր ցոյց տուէք եւ հակիրճօրէն բացատրեցէք թէ անհատ մը, ըլլա՛յ կրօնասէր կամ ոչ, կրօնական զօրաւոր ազդեցութիւնները իր կեանքին կ’ազդեն։ Ցոյց տուէք թէ ան կրնայ օգտուիլ գիտնալով թէ ինչո՛ւ մարդկութեան փնտռտուքը Աստուծոյ շատ ուղղութիւններ առած է եւ հեռու է ճշմարիտ կրօնքը բնորոշելէ։
6 Երբեմն աւելի յարմար կ’ըլլայ պարբերաթերթեր կամ թերթիկ մը ներկայացնել։ Ամէն պատճառ ունինք խանդավառ ու նախանձախնդիր ըլլալու ուրիշները քաջալերելու նկատմամբ որ այս գրականութիւնները կարդան, որպէսզի զինուած ըլլան Աստուծոյ Խօսքին զօրութեան փորձառութիւնը իրենց կեանքին մէջ ունենալու, անոր ուղղութեան ընդառաջելով։