Երիտասարդները Կը Հարցնեն Գիրքը Ներկայացնենք
1 Թէեւ Յայտնութեան Յանգումը գիրքը կը ներկայացուի այս ամիս, կրնաք Երիտասարդները կը Հարցնեն գիրքը ներկայացնել եթէ կը խօսիք ծնողի մը հետ կամ պատանիի մը հետ որ հետաքրքրուած է երիտասարդները շփոթութեան մատնող խնդիրներով։
2 Թերեւս յարմար նկատէք ասոր նման բան մը ըսել.
◼ «Այս նեղիչ ժամանակներուն ընթացքին մեծնալը դիւրին բան մը չէ։ Պատանիները կը դիմագրաւեն շատ մը նոր պարագաներ որոնք կը պահանջեն կարեւոր որոշումներ առնել։ ‘Պէ՞տք է խմիչք գործածեմ։ Պէ՞տք է թմրեցուցիչներ գործածեմ։ Ո՞ր վարմունքը պատշաճ է հակառակ սեռին հետ’։ Երբ պատանիները այս հիմնական հարցերու շուրջ կը հարցնեն, յաճախ հակասական պատասխաններ կը ստանան։ Անոնցմէ շատեր ո՞ւր կը խորհիք որ կը դիմեն խրատի համար։ [Թոյլ տուէք որ պատասխանէ։] Այս գիրքը որու խորագիրն է՝ Երիտասարդները կը Հարցնեն—Գործնական Պատասխաններ, օգտակար տեղեկութիւններ կը հայթայթէ։ [Ուշադրութեան յանձնեցէք բովանդակութեան ցանկը, ցոյց տալով նկատի առնուած նիւթերուն այլազանութիւնը։] Պատանիները ուղղակի եւ իրապաշտական պատասխաններու կարիքը ունին։ Այս գրքի պատասխաններուն թիկունք կը կանգնին Աստուածաշունչի ըսելիքները»։
3 Ահաւասիկ ուրիշ ներկայացում մը զոր կրնաք գործածել.
◼ «Պատանիները ենթարկուած են շատ մը ճնշումներու այսօր։ Անոնք օգնութեան կարիքը ունին գլուխ ելլելու համար։ Երբ կը փորձենք մեր լաւագոյնը ընել անոնց օգնելու համար, չե՞նք փնտռեր բան մը որ գործնական առաջնորդութիւն կը հայթայթէ։ [Թոյլ տուէք որ պատասխանէ։] Ամենամեծ ճնշումներէն մաս մը ուրիշ պատանիներէն կու գայ, անոնց ընկերակիցներէն։ Նկատեցէք այս գրքին պատկերները էջ 76 եւ 77–ին վրայ։ [Ուշադրութեան յանձնեցէք այս պատկերներուն վերաբերեալ մեկնաբանութիւնները եւ շեղագիր պարբերութիւնները էջ 77–ին վրայ։] Այս գլուխին յաջորդ էջերը կ’ուրուագծեն պարկեշտ, գործնական պատասխաններ»։
4 Այս օրերը վստահաբար «չար ժամանակներ» են, մանաւանդ պատանիներու համար։ (Բ. Տիմ. 3։1) Երիտասարդները կը Հարցնեն գիրքը կրնայ իրապէս օգնել պատանիի մը որ ներկայ մարտահրաւէրները յաջողութեամբ դիմագրաւէ։ 39–ը գլուխները ճոխօրէն լուսաբանուած են եւ յօդուածները իրապաշտական ու գործնական են։ Հետեւաբար, երբ պատեհութիւնը հանդիսանայ, արթուն եղէք այս ընտիր գրականութիւնը գործածելու։