Եհովայի Պաշտամունքի Վայրերուն Հանդէպ Յարգանք Ցուցաբերենք
1 Երբ անհատի մը տունը հրաւիրուինք, անոր ստացուածքին հանդէպ յարգանք կը ցուցաբերենք, զգուշանալով որեւէ վնաս հասցնելէ, ինչպէս նաեւ ուշադիր կ’ըլլանք որ այդ ընտանիքին յայտագիրները չխանգարենք։ Սակայն, ո՜րքան աւելի յարգալից պէտք է ըլլանք, երբ Եհովայի հիւրերն ենք։ Պէտք է գիտնանք թէ Աստուծոյ տան մէջ ի՛նչպիսի վարմունք ունենալու ենք։ (Սաղմ. 15։1. Ա. Տիմ. 3։15) Մեր քրիստոնէական ժողովները տեղի ունենան Թագաւորութեան Սրահին, անձնական տան մը, կամ հանրային շէնքի մը մէջ, մեր մեծամասնութիւնը միշտ մեր պաշտամունքի վայրին հանդէպ յարգանք կը ցուցաբերէ, որպէս թէ անիկա Եհովայի տունը ըլլար, որու «փառքը երկրէն ու երկնքէն վեր է»։—Սաղմ. 148։13
2 Եղբայրներէն ոմանք ժողովներուն ընթացքին յարգանքի պակաս կը ցուցաբերեն, աղմուկ հանելով կամ այնպիսի վարմունք մը ունենալով՝ կարծես թէ ներկայացուած տեղեկութիւնները կարեւոր չեն։ Չափահասներէն ոմանք ժողովի ընթացքին անհարկի խօսակցութիւններ յառաջ կը տանին նախասենեակին, նրբանցքին, գործարանին մէջ կամ Թագաւորութեան Սրահէն դուրս։ Երբ դեռատի մը մանուկ մը հսկէ, յաճախ երկուքն ալ կը խաղան ու յայտագրէն շատ քիչ կ’օգտուին։ Կարգ մը պատանիներ ժողովներէն ետք Թագաւորութեան Սրահէն դուրս կը հաւաքուին, կը խաղան, չափազանց աղմուկ կը հանեն, նոյնիսկ իրարու քարաթէ–ի ձեւեր կ’ընեն։ Կարգ մը պարագաներուն, անոնք դրացիներուն նեղութիւն տուած են կամ երթեւեկին արգելք հանդիսացած են կառատան մէջ կամ փողոցը։
3 Ի՛նչպէս Խուսափինք Անյարգալից Ըլլալէ. Մեր պաշտամունքին մեծափառութիւնը եւ սրբութիւնը ըմբռնելով, վստահաբար պիտի չուզենք ուրիշները խանգարել՝ փսփսալով, ուտելով, ձիւթ ծամելով, թուղթի ձայներ հանելով, անհարկիօրէն գործարան երթալ–գալով, կամ սովորաբար ժողովներուն ուշ գալով։ Յարգալից ու գնահատող ծնողներ թոյլ չեն տար որ իրենց զաւակները աղտոտեն Թագաւորութեան Սրահին կամ գրքի ուսումնասիրութեան վայրին գորգը, բազմոցները կամ պատերը։ Իսկ անկասկած բոլորս ալ կը համաձայնինք որ մեր ժողովներուն մէջ ամէն ամօթալի վարք, յիմարական խօսք կամ խեղկատակութիւն տեղ չունին։—Եփ. 5։4
4 Եթէ մեր քրիստոնէական ժողովներուն նպատակը միշտ վառ պահենք մեր մտքերուն մէջ, վստահ պիտի ըլլանք որ թէ՛ մենք եւ թէ մեր զաւակները հարկ եղած յարգանքը ցոյց կու տանք Եհովայի պաշտամունքի վայրին հանդէպ, ուր ‘նախընտրեցինք կենալ’։—Սաղմ. 84։10