Ընտանիքի Անդամները Ի՛նչպէս կը Համագործակցին—Ծառայութեան Մէջ Ամբողջական Մասնակցութիւն Բերելու Համար
1 Որքա՜ն սիրտ կը տոգորէ տեսնել ծնողներ եւ զաւակներ, որոնք միասնաբար կ’աշխատին քրիստոնէական ծառայութան մէջ, հանրապէս Եհովայի անունը փառաբանելով։ (Սաղմ. 148։12, 13) Բոլոր ընտանիքներն ալ, դաշտի ծառայութեան կանոնաւորաբար մասնակցութիւն բերելու լաւ սովորութիւն մը պէտք է ունենան։ Ձեր ընտանիքը ամէն շաբաթ ծառայութեան մասնակցելու որոշուած օր մը ունի՞։ Եթէ այս է պարագան, ուրեմն ամէն մէկը ճշգրտօրէն իր ծրագիրը գիտէ եւ կրնայ ամբողջական մասնակցութիւն բերել։—Առ. 21։5ա
2 Ընտանեկան ծառայութեան օրուընէ առաջ, կարելի՞ է միասնաբար յայտագիր մը ընել, պատրաստելով այդ ներկայացումները զորս ձեր ընտանիքը պիտի գործածէ։ Փորձի պահերը կրնան շատ օգտակար ըլլալ եւ ընտանեկան համագործակցութեան իսկական հոգի մը կը զարգացնեն։ Որքա՜ն վարձահատոյց կ’ըլլայ, երբ դաշտի ծառայութիւնը ընտանեկան ծրագիր մըն է եւ բոլոր անդամներն ալ լաւ պատրաստուած են անոր համար։
3 Ճամբորդող տեսուչ մը ամբողջ ընտանիքի մը ընկերակցեցաւ պարբերաթերթեր ցրուելու գործունէութեան մէջ։ Երբ ան դռնէ դուռ կ’աշխատէր աղջիկներէն մեկուն հետ, աղջիկը հարցուց. «Ո՞րքան ժամանակ պիտի աշխատինք միասին»։ Ապա ան բացատրեց թէ վերջը իր հօրը հետ պիտի աշխատէր։ Ասիկա ցոյց կու տար թէ ինք եւ իր հայրը հաճոյք կը զգային միասին ծառայելով։ Ի՜նչ գեղեցիկ ընտանեկան հոգի մը։
4 Կարգ մը ընտանիքներ թերեւս կրնան ընտանեօք, տարուան մէջ ամիս մը որպէս օժանդակ ռահվիրաներ ծառայել։ Կամ թերեւս կարելի ըլլայ առնուազն ընտանիքի մէկ անդամը որպէս կանոնաւոր օժանդակ ռահվիրայ ծառայէ, կամ նոյնիսկ կանոնաւոր ռահվիրայութեան ձեռնարկէ։ Լաւ կազմակերպուելով եւ համագործակցելով, թերեւս ընտանիքի բոլոր անդամները կրնան իրենց անհատական մասնակցութիւնը աւելցնել ծառայութեան մէջ, աջակցելով անոր, որ կը ծառայէ որպէս ռահվիրայ։ Վստահաբար ամբողջ ընտանիքը պիտի օրհնուի այս ծաւալուն գործունէութենէն եւ լաւ փորձառութիւններէն, զորս պիտի վայելէ ծառայութեան մէջ։—Մաղ. 3։10
5 Աւետարանչական այս գործին մէջ ամբողջական մասնակցութիւն մը բերելը պիտի օգնէ ընտանիքներու որ իրարու աւելի մօտ զգան ու նախանձախնդիր, արտադրող եւ ուրախ ըլլան Եհովայի ծառայութեան մէջ։—Փիլ. 2։1, 2