Ծառայութեան Ժողովներ Սեպտեմբեր Ամսուան Համար
Սեպտեմբեր 6–ով Սկսող Շաբաթ
Երգեցողութիւն թիւ 129
10 վյրկ. Տեղական ծանուցումներ։ Մեր Թագաւորութեան Ծառայութիւնը թերթիկէն ընտրուած Ծանուցումներ։
17 վյրկ. «Նպատակ մը հետապնդելով կ’Աշխատի՞ք»։ Բացման խօսքերը մէկ վայրկեանէն աւելի թող չըլլան, ապա նիւթը հարց պատասխանով նկատի առէք։ Պարփակեցէք կէտեր, առնուած՝ Մեր Ծառայութիւնը գրքէն, էջ 88-89։ Բոլորը քաջալերեցէք որ իրենց ծառայութեան մէջ կանոնաւոր եւ ամբողջական ըլլան։
18 վյրկ. «Ո՛վ Ծնողներ, Ձեր Զաւակներուն Լա՛ւ Օրինակ Հանդիսացէք»։ Երէց մը հակիրճ բացում մը ընելէ ետք, ընտանիքի հայր եղող երկու եղբայրներ յօդուածը նկատի կ’առնեն։ Անոնք իրենց զաւակները դպրոցին մէջ, հեռատեսիլէն եւ Վկայ չեղող ազգականներու կամ ուրիշներու կողմէ ցուցաբերուած նկարագրի վտանգաւոր գիծերէն պաշտպանելու հարցով մտահոգութիւն կ’արտայայտեն։ Եղբայրները նկատի կ’առնեն անյարգալից կեցուածքներ, աշխարհային խօսակցութիւն ու յարդարանք, նաեւ վնասակար զբօսանքներ։ Լաւ օրինակ հանդիսանալու մասին խօսելէ ետք, անոնք ընտանեկան ուսումնասիրութեան, ժողովներուն ու դաշտի ծառայութեան հանդէպ աւելի խանդավառութիւն կերտելու կերպերու մասին կը խօսակցին։—Տես՝ Դիտարան 1 Յուլիս 1999, էջ 18-32, եւ Զարթի՛ր 22 Սեպտեմբեր 1991, էջ 8-9։
Երգեցողութիւն թիւ 34 եւ փակման աղօթք։
Սեպտեմբեր 13–ով Սկսող Շաբաթ
Երգեցողութիւն թիւ 123
10 վյրկ. Տեղական ծանուցումներ։ Հաշիւի տեղեկագիր։
15 վյրկ. Անցեալ Տարի Ի՞նչ Իրագործեցինք։ Ծառայութեան տեսուչին կողմէ դասախօսութիւն։ 1999–ի ծառայութեան տարուան ժողովքի տեղեկագրութենէն ուշագրաւ կէտեր նկատի առէք։ Գովեցէք ժողովքը իրագործուած լաւ բաներուն համար։ Նշեցէք բարելաւուելիք մարզերը։ Ժողովներու ներկայ գտնուելու եւ Աստուածաշունչի ուսումնասիրութիւններ վարելու մարզերուն մէջ ժողովքի իրագործումներուն վրայ կեդրոնացէք։ Յաջորդ տարուան համար գործնական նպատակակէտեր դրէք։
20 վյրկ. «Հինտուի մը Ի՞նչ Պիտի Ըսէք»։ Հարց պատասխանով։ Անհատի մը հետ հասարակաց գետին պատրաստելու առաւելութիւնը ընդգծեցէք, եւ նշեցէք թէ հաւանաբար ո՛ր մարզերուն մէջ Հինտուի մը հետ կրնանք համաձայնիլ։ Ցոյց տուէք թէ թելադրուած ներկայացումները ի՛նչպէս կրնան յարմարցուիլ կրօնական որեւէ ենթահող ունեցող մարդոց վկայելու համար։ Հինտուի մը ինչպէս վկայելու մասին լաւ պատրաստուած ներկայացում մը ցուցադրեցէք։ Պրահմանականութեան մասին յաւելեալ տեղեկութիւններ ստանալու համար, տես՝ Փետրուար 1998–ի Մեր Թագաւորութեան Ծառայութիւնը թերթիկին յաւելուածականը. Պատճառաբանել գիրքը, էջ 22. եւ Մարդկութիւնը Աստուած կը Փնտռէ, գլուխ 5։
Երգեցողութիւն թիւ 162 եւ փակման աղօթք։
Սեպտեմբեր 20–ով Սկսող Շաբաթ
Երգեցողութիւն թիւ 63
12 վյրկ. Տեղական ծանուցումներ եւ դաշտի ծառայութեան փորձառութիւններ։
15 վյրկ. Տեղական կարիքներ։
18 վյրկ. Ստեղծիչ Գիրքը Լաւ Կերպով Գործածեցէք։ Դասախօսութիւն եւ ցուցադրութիւններ։ Ապրիլ 1999–ի Մեր Թագաւորութեան Ծառայութիւնը բացատրեց թէ Ստեղծիչ գիրքը որեւէ ատեն կրնանք ներկայացնել, երբ հանդիպինք անհատի մը որ (1) Աստուծոյ չի հաւատար կամ (2) կը հաւատայ Աստուծոյ, բայց անոր ո՛վ ըլլալուն, կամ անոր յատկութիւններուն ու նպատակներուն մասին գաղափար չունի։ Գրքին ետեւի կողքին վրայ գտնուող հարցումները ու խօսքերը կրնան գործածուիլ գիրքը կարդալու հանդէպ հետաքրքրութիւն արթնցնելու համար։ Կրնանք նաեւ էջ 152–ը գործածել ազդու կերպով։ Հրատարակիչ մը կրնայ հարցնել. «Մեր ամենախրթին խնդիրները լուծելու համար լաւագոյն խրատը ո՞ւր կրնանք գտնել»։ Ան ցոյց կրնայ տալ անհատին, թէ նշանաւոր հեղինակութիւններ Յիսուսի Լերան Քարոզը գովաբանեցին. իրմէ խնդրեցէք որ աչքառու դարձուած եօթը կէտերէն զինք ամենէն շատ հետաքրքրող կէտը ընտրէ, ապա յիշուած համարներէն քանի մը հատը կարդացէք։ Ցուցադրեցէք Ստեղծիչ գիրքը ներկայացնելու համար տրուած այս երկու թելադրութիւնները, իւրաքանչիւր ներկայացման մէջ յիշելով նուիրատուութեան կարգադրութիւնը։ Բոլորը քաջալերեցէք որ գիրքը իրենց հետ կրեն դաշտի ծառայութեան մէջ եւ զայն ներկայացնելու պատրաստ ըլլան որեւէ յարմար պարագայի։
Երգեցողութիւն թիւ 113 եւ փակման աղօթք։
Սեպտեմբեր 27–ով Սկսող Շաբաթ
Երգեցողութիւն թիւ 27
15 վյրկ. Տեղական ծանուցումներ։ Հրատարակիչներուն յիշեցուցէք որ Սեպտեմբեր ամսուան իրենց տեղեկագիրները ներկայացնեն։ Բոլորը քաջալերեցէք որ Հոկտեմբեր ամսուն պարբերաթերթի բաշխումին մէջ լման մասնակցութիւն բերելու համար ծրագիրներ ընեն։ Վերաքաղ ըրէք Հոկտեմբեր 1996–ի Մեր Թագաւորութեան Ծառայութիւնը թերթիկին էջ 8–ի վրայ գտնուող թելադրուած կարգ մը կէտերը, ներկայացումներ ի՛նչպէս պատրաստելու մասին։ Ընթացիկ պարբերաթերթերը գործածելով, անհատի մը հետ խօսակցութիւն սկսելու համար քանի մը յարմար կէտեր յիշեցէք եւ մէկ կամ երկու հակիրճ ներկայացումներ ցուցադրեցէք։ Ցոյց տուէք թէ նուիրատուութեան կարգադրութիւնը ի՛նչպէս պիտի յիշէք տանտիրոջ։
15 վյրկ. Հարցումի Տուփ։ Երէցի մը կողմէ դասախօսութիւն։
15 վյրկ. «Ճշմարիտ Պաշտամունքը կը Տարածուի Արեւելեան Եւրոպայի Մէջ»։ Երէց մը հարց պատասխանով նկատի կ’առնէ յօդուածը։ Յօդուածին մէջ յիշուած երկիրներէն եկած փորձառութիւններ կամ յաւելումներ նշեցէք, որոնք վերջին Տարեգիրք–երէն առնուած են։
Երգեցողութիւն թիւ 57 եւ փակման աղօթք։