Արթո՛ւն կեցէք գրքոյկը ուսումնասիրել

Համայն աշխարհի մէջ, ժողովքները պիտի ուսումնասիրեն Արթո՛ւն կեցէք գրքոյկը, Մայիս 23–ով սկսող շաբաթէն մինչեւ Յունիս 20–ով սկսող շաբաթը, Ժողովքի Գիրքի Ուսումնասիրութեան մէջ։ Այս ժողովին պատրաստուելու եւ զայն վարելու համար, հաճեցէք գործածել հետեւեալ հարցումները։ Ուսումնասիրութեան ընթացքին, տպուած նիւթը կարդացէք, իսկ նշուած համարները կարդացէք ժամանակին ներած չափով։

Մայիս 23–ով սկսող շաբաթ

◼ Էջ 3-4. Հոս յիշուած պարագաներէն ո՞ր մէկը յատկապէս կեանքիդ ազդած է։ Ի՞նչ բան քեզի ցոյց կու տայ թէ այս պարագաները իրարմէ անջատ ու տեղական դէպքեր չեն։

◼ Էջ 5. Ի՞նչ բան քեզ կը համոզէ թէ Աստուած իրապէս կը հոգայ։ Ի՞նչ բան կրնայ ցոյց տալ թէ մենք Աստուծմով ու իր ըրածներով որքա՛ն հետաքրքրուած ենք։

◼ Էջ 6-8. Մատթէոս 24։1-8, 14–ը աշխարհի ներկայ կացութեան նշանակութեան մասին ի՞նչ կ’ըսէ։ Բ. Տիմոթէոս 3։1-5–ի համաձայն, այժմ ո՞ր ժամանակաշրջանին մէջ կ’ապրինք։ Ասոնք ի՞նչ բանի վերջին օրերն են։ Ի՞նչ բան քեզ կը համոզէ թէ Աստուածաշունչը իրապէս Աստուծոյ Խօսքն է։ Ի՞նչ է այն Թագաւորութիւնը, որուն մասին կը քարոզենք։

◼ Էջ 9-10. Մեր առօրեայ որոշումներն ու կեանքի նախապատուութիւնները ինչո՞ւ ուշադրութեամբ պէտք է նկատի առնենք։ (Հռովմ. 2։6. Գաղ. 6։7, 8) Մինչ էջ 10–ի վրայ գտնուող հարցումները աչքէ կ’անցընես, միտքդ ի՞նչ համարներ կու գան, որոնք ընելիք բաներուդ պէտք է ազդեն։

Մայիս 30–ով սկսող շաբաթ

◼ Էջ 11. Ինչո՞ւ այս էջին վրայ յարուցուած հարցումները անձամբ նկատի պէտք է առնենք։ (Ա. Կորն. 10։12. Եփ. 6։10-18) Այս հարցումներուն մեր տուած պատասխանները ցոյց կու տա՞ն թէ Մատթէոս 24։44–ի մէջ Յիսուսի խրատը լուրջի կ’առնենք։

◼ Էջ 12-14. Յայտնութիւն 14։6, 7–ի մէջ յիշուած «դատաստանին ժամը» ի՞նչ է։ Ի՞նչ կը նշանակէ ‘Աստուծմէ վախնալ ու անոր փառք տալ’։ Մեծ Բաբելոնը ի՞նչ է, եւ ի՞նչ վախճան պիտի ունենայ։ Մեծ Բաբելոնի նկատմամբ հիմա ի՞նչ քայլ պէտք է առնենք։ Նախագուշակուած դատաստանի ժամուն մէջ ուրիշ ի՞նչ պարփակուած է։ Աստուծոյ դատաստանի գործադրման ‘օրը եւ ժամը’ չգիտնալը մեզի ի՞նչպէս կ’ազդէ։ (Մատթ. 25։13)

◼ Էջ 15. Գերիշխանութեան հարցը ի՞նչ է, եւ մեզի ի՞նչպէս կ’ազդէ։

◼ Էջ 16-19. ‘Նոր երկինքն ու նոր երկիրը’ ի՞նչ են։ (Բ. Պետ. 3։13) Ո՞վ կը խոստանայ զանոնք։ Նոր երկինքն ու նոր երկիրը ի՞նչ փոփոխութիւններ պիտի բերեն։ Անձամբ անոնցմէ պիտի օգտուի՞նք։

Յունիս 6–ով սկսող շաբաթ

◼ Էջ 20-21. Յիսուս առաջին դարու իր հետեւորդներուն ի՞նչ ազդարարութիւն տուաւ փախչելու մասին։ (Ղուկ. 21։20, 21) Այս փախչիլը ե՞րբ կարելի դարձաւ։ Ինչո՞ւ անյապաղ փախչիլը շատ կարեւոր էր։ (Մատթ. 24։16-18, 21) Ինչո՞ւ շատեր ազդարարութիւնները կ’անտեսեն։ Չինաստանի ու Ֆիլիփփիններու մէջ, հազարաւոր մարդիկ վստահելի ազդարարութիւններու ականջ տալով ի՞նչպէս օգտուեցան։ Իրերու ներկայ դրութեան վախճանին մասին Աստուածաշունչի ազդարարութեան ականջ տալը ինչո՞ւ ա՛լ աւելի հրատապ է։ Ժամանակին ստիպողականութեան ի տես, ի՞նչ պատասխանատուութիւն ունինք։ (Առ. 24։11, 12)

◼ Էջ 22-23. 1974–ին Աւստրալիայի մէջ եւ 1985–ին Քոլոմպիայի մէջ, ինչո՞ւ շատեր աղէտի մը մասին եղած ազդարարութիւնները թեթեւի առին, իսկ հետեւանքները ի՞նչ եղան։ Դուն ի՞նչպէս պիտի հակազդէիր այս ազդարարութիւններուն, եւ ինչո՞ւ։ Ի՞նչ բան կրնայ ցոյց տալ թէ Նոյի օրերուն տրուած ազդարարութեան ականջ պիտի տայի՛նք կամ ոչ։ Մարդիկ ինչո՞ւ ուզեցին վաղեմի Սոդոմի մէջ կամ շրջակայքը ապրիլ։ Սոդոմի մէջ տեղի ունեցած դէպքերուն մասին լրջօրէն մտածելով ի՞նչպէս կրնանք օգտուիլ։

Յունիս 13–ով սկսող շաբաթ

◼ Էջ 24-27. Էջ 27–ի վրայ գտնուող «Ուսումնասիրութեան հարցումներ»ը գործածէ։

Յունիս 20–ով սկսող շաբաթ

◼ Էջ 28-31. Էջ 31–ի վրայ գտնուող «Ուսումնասիրութեան հարցումներ»ը գործածէ։

Այս գրքոյկը ուսումնասիրելը պիտի օգնէ մեզի որ ‘արթուն կենանք’ ու պատրաստ ըլլանք։ Թող միշտ մեր հանրային քարոզչութիւնը հրեշտակային ծանուցումին ստիպողականութիւնը արտացոլացնէ. «Աստուծմէ վախցէ՛ք ու փա՛ռք տուէք անոր, վասն զի անոր դատաստանին ժամը եկաւ»։—Մատթ. 24։42, 44. Յայտ. 14։7