Պահէ
Գրքոյկներուն համար թելադրուած ներկայացումներ
Այս յաւելուածականին մէջ զանազան թելադրութիւններ հայթայթուած են, քեզի օգնելու որ գրքոյկներուն համար ներկայացումներ պատրաստես։ Ասոնք տեղական պարագաներուն կարելի է յարմարցնել։ Ուրիշ ներկայացումներ ալ կրնաս գործածել։ Այս յաւելուածականին մէջ նկատի չառնուած գրքոյկներուն համար ներկայացումներ կարելի է պատրաստել, հետեւեալ թելադրութիւնները որպէս նմոյշ գործածելով։—Տես՝ Յունուար 2005–ի Մեր Թագաւորութեան ծառայութիւնը, էջ 8։
Այս էջին վրայ գտնուող իւրաքանչիւր թելադրութիւն կը պարփակէ՝ (1) միտք գրգռող հարցում մը՝ խօսակցութիւն սկսելու համար, (2) ակնարկում մը՝ որ գրքոյկին մէջ խօսակցութեան կէտերուն տեղը ցոյց կու տայ, եւ (3) յարմար համար մը՝ որ խօսակցութեան ընթացքին կարելի է կարդալ։ Կրնաս ներկայացման մնացեալ մասը բառերովդ ըսել, անհատին ընդառաջումին համաձայն։
Աստուածային անունը որ յաւիտեան պիտի գոյատեւէ
«Շատերս գիտենք սա աղօթքը. ‘Հայր մեր որ յերկինս, սուրբ եղիցի անուն քո’։ (Մատթ. 6։9, Գրաբար) Բայց գիտէի՞ր թէ մեր փրկութիւնը կախեալ է այդ անունը ճանչնալէն»։—Էջ 28, պարբ. 1. Հռովմ. 10։13
Գիրք մը՝ բոլոր մարդոց համար
«Կը խորհի՞ս թէ Աստուածաշունչը մեր օրերուն համար գործնական խրատներ կը պարունակէ»։—Էջ 22, խորագիր. էջ 23, շրջանակին 3–րդ պարբերութիւնը. Առ. 25։11
Գոհացուցիչ կեանք՝ ի՛նչպէս ձեռք ձգել
«Աշխարհի չորս կողմը մարդիկ կը ջանան իրենց կեանքը բարելաւել։ Կը խորհի՞ս թէ օրին մէկը կարելի պիտի ըլլայ իսկապէս գոհացուցիչ կեանք մը վարել»։—Էջ 29, պարբ. 6. Բ. Պետ. 3։13
Դրախտ բերող կառավարութիւնը
«Շատեր մեր դիմագրաւած խնդիրներուն լուծում մը կը փնտռեն։ Կը խորհի՞ս թէ օրին մէկը կառավարութիւն մը պիտի կարենայ այս խնդիրները լուծել»։—Էջ 3, պարբ. 1. Մատթ. 6։9, 10
Երբ սիրելի մը մեռնի. . .
«Այսօր այս գրքոյկը կը ներկայացնենք, որ սիրելիներ կորսնցուցած միլիոնաւոր մարդոց մխիթարութիւն ու յոյս տուած է։ Բնաւ հարց տուա՞ծ ես թէ մեռելներուն համար ի՛նչ յոյս կայ»։—Էջ 27, պարբ. 3. Յովհ. 5։28, 29
«Երբեք հարց տուա՞ծ ես թէ ի՛նչպէս կրնաս սիրելի մը կորսնցուցած անհատ մը մխիթարել»։—Էջ 20, պարբ. 1. Առ. 17։17
Երկրի վրայ կեանքը յաւիտեան վայելեցէ՛ք
«Շատեր կը խորհին թէ յաւիտենական կեանք ապրելու համար երկի՛նք պէտք է երթան, բայց ի՞նչ կը խորհիս երկրի վրայ յաւիտեան ապրելու մասին»։—Կողքին պատկերը. Յայտ. 21։4
Ի՞նչ կը պատահի մեզի երբ կը մեռնինք
«Երբ սիրելի մը մահանայ, բնական է որ հարց տանք թէ ան ո՛ւր է եւ թէ զինք դարձեալ պիտի տեսնե՛նք։ Այսպիսի հարցումներու մասին խորհա՞ծ ես»։—Վերջին էջի հարցումները. Յոբ. 14։14, 15
Պէ՞տք է հաւատաք Երրորդութեան
«Մարդիկ Աստուծոյ իսկական բնոյթին նկատմամբ այլազան գաղափարներ ունին։ Կը խորհի՞ս որ կարեւոր է թէ ի՛նչ կը հաւատանք»։—Էջ 3, պարբ. 3, 7-8. Յովհ. 17։3